ممكن المساعده
 

السلام عليكم ورحمة الله وبركاته
اشكركم على المنتدى الرائع صراحه استفدت منه كثير انا فتاة عمري 20سنه اناانتهيت من الدراسه( دبلوم كمبيوتر)
كنت مخطوبه(عقدقران)لما كان عمري18 بس انفصخت الخطوبة استمرت لمده6شهور لاسباب
بصراحه عشت حياة قاسية في الخطوبه و انتهت الخطوبه واصبحت اكره اي موضوع فيه زواج او خطوبه من الي كان خاطبني موطبيعي صراحه كرهت نفسي وكرهته
مااحب احد يفتح معاي موضوع خطوبه او زواج بس من فتره تعرفت على شاب عمره21صراحه غير فكره الكره الي في بالي بس انا خايفه اهو من نفس بلدي واناسالت
عنه من غير مايعرف طلع ولد والنعم الكل يشهد له
اهو طلب مني انتظره يخلص دراسه وبيتقدم لي اناصار لي اعرفه 9شهور وانامتاكده ان صادق كلمني عن كل شي يخصه بصدق وعن اهله واهو الوحيد الي عمره مااستغل موضوع فصخ خطوبتي بالعكس انا لما قلت له وقف معاي واهو ينتظرمني رد اني بنتظره اولا؟
صراحه اهو غير كل شي بحياتي انا من فصخت خطوبتي صرت انطوائيه مااحب اشوف احد اواكلم احد بس اهو من دخل حياتي تغير كل شي بهتمامه فيني والله يشهد ان عمرنا ماتكلمنا في شي يغضب الله انا قلت له كل شي بصراحه واهو نفس الشي وانامتاكده من مشاعره بس اناخايفه
مالقيت احس منكم استشيره وشكرا مقدما اسفه طولت عليكم

كيف تعرفتي على الشاب ؟؟؟


وهل تضمني ان يستمر معك ؟؟


وهل عندك يقين انه يريدك زوجة له في المستقبل ؟؟؟؟



وألا تخافين من صدمة تصيبك عندما يهجرك حالياً





==========

العاطفة ممكن تؤدي الى نتيجة سلبية

والعاطفة تخون دائماً صاحبها

أنا قبل سنوات كنت اكلم فتيات

اتعلق في بنت وبعدين نترك بعض سواء كان من عندها او من عندي وعلاقتنا تستمر حوالي سنة
وبعدين اتعرف على وحده ثانية


مع اني اي بنت تنتهي علاقتي فيها
اقول هذي آخر بنت اعرفها

ومع ذلك اكرر فعلتي


وهذا الشيء مو خاص فيني

فالأغلبية هم كذلك







ولكن الحمدلله أنا الآن متزوج منذ عدة اشهر
من فتاة تقدمت لخطبتها وانا لا اعرف عنها اي شي

ولكنني بعدما عرفتها

احمدالله حمداً كثيراً انها اصبحت زوجة لي

(اهو غير كل شي بحياتي انا من فصخت خطوبتي صرت انطوائيه مااحب اشوف احد اواكلم احد بس اهو من دخل حياتي تغير كل شي بهتمامه فيني والله يشهد ان عمرنا ماتكلمنا في شي يغضب الله انا قلت له كل شي بصراحه واهو نفس الشي وانامتاكده من مشاعره بس اناخايفه)
اختي اولا انا برئي المتواضع:
هذا يرجع لقناعتك به يعني ويش اسباب كراهيتك للشخص السابق هي موجودة بألآخر فعالجيها
وإن لم توجد :فما المانع بالزواج

مشكور اخوي أنا كذا على الرد
تعرفت علية من النت بصراحه في البدايه بالشات وانا كنت مااهتم في احد بس اهو لفت انتباهي بهتمامه فيني وبعدين كملنا باقي التعرف في الماسنجر اهو طلب مني الزواج بعد انتهاء دراسته انارفضت في البدايه من شده خوفي من التجربه واهو مافقد الامل ظل يحاول واظهر لي انه غير غير خلاني اغير فكرتي باخلاقه وادبه واسلوبه وكل شي فيه
بصراحه انا كنت اعرف اخته معاي بالدراسه
انا واثقه فيه وايد اناللحين ماعطيته كلمه حب واحده اوموافقه
عمره ماطلب مني شي يزعل اوشي عيب عمره ماسمع حتى صوتي وانالما سالت عنه الكل قالي عمره ماتعرف على بنت واهو من عائله محترمة
وانامتأكده انه بيوفي بالعهد انابس اقوله انتظرك راح يصير بينا عهد لين يخلص دراسته اهو باقي عليه سنتين
بصراحه انا بس فصخت خطوبتي تقدم لي ولد خالتي بس بصراحه انافكرت في الموضوع لان ولد خالتي وقلت انه بيعاملني بمايرضي الله وفي فتره تفكيري في الموضوع وصلني كلام مباشر من امه وخواته ان مومن حقي اطلب اي شي لاني فاصخه خطوبتي والكل من خالاتي يعايرني كرهوني بولد خالتي واهو ضعيف الشخصيه واييييييييييييد رفضته
بس هذا غير ولواهو موصادق كان ماقال كل شي من الالف للياء عن نفسه وعن اهله ولما سألت عنه نفس الكلام الي عرفته منه سمعته من الناس

اخي ماهر شكرا على رأيك
صراحه للحين انا ماشفت فيه عيب او شبة بينه وبين خطيبي السابق انا تعذبت مع خطيبي السابق
بالعكس اهو الي غير تفكيري وكرهي لفكره الزواج
اناقبل مااعرفه حتى فكره الزواج اكرها

مرحبا
قريت موضوعك بس متردد
لكن ليش ما يتقدم لك رسمى ويخطبك وبعدين الزواج
ولا تقولين انه كلامه زين وفيه وفيه كلش زين
كثير من الشباب يلعبون في هل موضوع تبي تقولين
لى انتى انه من الشباب لى ما يلعبون اقوك خليه يتقدم رسمي
الله يوفيك ويثبتك على الخير

انا راي من راي الاخ الوحيد......والله يهدييج

اخي الوحيد واختي ام تويتي
اهو بس ينتظر مني كلمه
انا بس اوافق راح يتقدم لي وبيطلب من اهلي اني انتظره سنتين يخلص دراسه ويصير كل شي رسمي
بصراحه انا خايفه اني اوافق لاني كل ماابقى اوافق اتذكر الي صار لي واتراجع

اتقوا الله ياشباب ويابنات ولا تحلوا ماحرم الله من مقابلات ومغازلات

اختي نصيحتي لك 0000 ما بني على خطأ فهو خطأ

فانتظري نصيبك الذي كتب الله لك بالطرق الشرعية 0000 ثم انك مازلت صغيرة علام تستعجلين

انظري الى بعض اخواتك من النساء ذبلت زهرة شبابهن دون زواج ومع هذا يشمخن بعفتهن ولا يقبلن من الحرام ولو كلمة

بس كلا مابني على خطأ فهو خطأ كلام قوي كثير زواجات الحين تصير بهذي الطريقه وعادي يعيشون مع بعض مرتاحين عادي ياختي في عايلتنا حصلت زواجات كثير من هالنوع ومررررره مبسوطين مع اننا من السعوديه وتعتبر بلد محافظ بس عادي الشي هذا موجود اذا تتوقعين اهلك يقبلون فيه وانتي مرتاحه وحاسه انك شاريه ليش لا
تزوجي والله الزواج هاليومين مو مثل اول عيال هاليومين مخلينا نعنس ببيوت اهلنا الله يوفقك حبيبتي