ساعدوونى فى إتخاذ قرار سليم
 

ارجووكم ساعدونى زوجى بعد تسع سنين اتجوز على وانا اللى كنت باعمل من اول يوم زواجنا حتى الآن وهو لا يعمل واصرف على البيت واولادى عندى 3 اطفال ولد 7 سنوات واثنين تؤام سنتين والحمد لله بشهادته وبشهادة الناس انى جميلة واحبه جدا جدا وليس لى اى اهتمام فى الدنيا سواه واولادى المهم بدون تفاصيل جارجة بتجعل دموعى تسيل ليل ونهار وصلت لمرحلة انهيار عصبى حاد واطباء نفسيين وجميع الأمراض والمهدئات تم تدميرى نهائى وترك بيته وأولاده ونقل نفسه محافظة ثانية معاها واليوم بعد 9 شهور من المأساه التى كنت ابكى له كل يوم ليعود الى اتصل هذا الصباح ليقول انه ظلمنى ظلم فادح جدا من اول يوم عرفنى نسيت اقول انى كنت جايبه له سيارة وشقة وكتبتها باسمه علشان ما ضايقش وباع الشقة وهى ثمن شقا عمرى واخد فلوسها -المهم قال لى انه ظلمنى -نسيت كمان اقول انه حارمنى من اى علاقة خاصة بيننا من اول يوم جواز الا بعد محايلتى عليه وبنقعد 4 شهور لما اخد حقى ولكم ان تتصوروا الإهانة الفظيعة اللى باحس بيها لما كل يوم البس واتزوق ويتم رفضى المهم دلوقتى انه بيقول ان ربنا بينتقم منه وفلوسه كلها خلصت وطبعا انا اللى باصرف على الولاد لحد الآن واسامحه بس ما قالش انه حيسيب اللى اتجوزها او حيعوضنى عن كل اللى عمله او حتى حيشوف ولاده اللى زى القمر وانا مطحونه بين الشغل والولاد ولوحدى المسئولية كلها ارجووكم اعمل ايه استحمل واستنى يمكن يتصلح ولا اعيش وزى ما ييجى ولا اعمل ايه واعاملة ازاى

ولا رد والله محتاجة ردكم جدا انا فى قمة انهيارى

اختي ادعوالله من صميم قلبي ان يهيءلك القرار السليم ولكن براي ان هذا الرجل ام انه غير طبيعي مسحور او معيون او انه بمنتهى الحقاره مع احترامي لك لذلك فأن كان الاول فدعو الله ان يشفيه ويهديه وان كان الثاني فلايستحقك عيشي حياتك واطوي صفحته وفي كل الاحوال صلي صلاة الاستخارة وصلاة الحاجه فيهما خير كثير اسال الله ان يفرج همك فاذا ضاقت الامور فلابد ان تفرج

اشكرك على الرد واتمنى ربنا يساعدنى وفى انتظار ردود اخرى

عليك بالصبر ومن يصبر يصبره الله000ولاتنسي الدعاء الدعاء بقول لا حول ولا قوة الابالله000وعليك بالاكثار من تلاوة كتاب الله 0000واخراج المعاصي من بيتك مثل القنوات الفضائبة والموسيقى والمجلات التي بها صور000ولاتنسي الاستغفار فهو يغير الحال الى افضل بأذن الله000

أخيتي عذرا لكن هذا ليس برجل ولا يستحق أدنى تضحية.

أطلبي الطلاق وإسألي الله أن يعوضك بخير منه. إنه إستغلالي بكل المعاني فلا تصدقي مايقول. حرمك من كل حقوقك ولم يؤدي واجباته.

الله يفرجها عنك يارب

والله فكرت كتير فى الخلع بس الولاد وانا كمان ما اعرفش ليه ضعيفة جدا جدا ومش عارفة اخد قرار

كل اللي عمله فيك بسهوله بدك تسامحيه ممكن تسامحيه داخليا اما لا تظهري له ذلك
انصحك أختي اذا اردت ان ترجعي له لا تعطيه اي مال ولا تقبلي ان تصرفي عليه وعلى البيت وشرطي عليه ايضا ان يعمل ويرد لك حق الشقه والسياره
وان شاء الله تكوني تعلمت من هذا الدرس

انا عن نفسى داخليا عاوزة حياتى ترجع بس فعلا مش ناوية اديلله اى فلوس خالص وهو ما رجعش بس بيقول انه ظلمنى وانه خايف من انتقام ربنا منه وبيطلب بس انى اخد بالى من نفسى والولاد ومش حيطلق ابدا وبيطلب الصبر يمكن الأمور تتصلح