|
امي بتجيبلي حاله نفسيه
السلام عليكم ورحمة الله وبركاته
والله ماعندي غيركم اقدر اشكيله انا فتاه عمري 20سنه مشكلتي مع امي والله العظيم قاعده اكتبلكم ودموعي علي خدي والله العظيم ماني قادره استحمل اعيش معاها في بيت واحد دايمآ تفشلني دايمآ تحطمني دايمآ تحرجني قدام اي احد ودايمآ اتهاوش معاها وما اكلمها بالشهور والله حالتي النفسيه تعبانه واللسبب منها كل يوم حابسه نفسي في غرفتي ما اكلم احد ولا احد يكلمني عايشه حياتي في فراغ وكل يوم اقعد اصيح على نفسي وعلى حظي المنحوس اشوف كل البنات عايشين حياتهم مبسوطين متزوجين ومخطوبين وقاعدين يجهزون لزواجهم وشققهم واقعد اندب حظي واتمنى اني اكون سعيده ومبسوطه مثلهم حتى لما تقدم لي شخص وطرت من الفرحه من نحاستي طلع فيه الف عيب ورفضناه وشافني النظره الشرعيه واعجب فيني لاني جميله وتقدم لي مره ثانيه وبرضوا رفضناه مره ثانيه وامي من تشوفني اندب حظي وحزينه تقعد تفشلني وتقولي كل هذا عشان صاحباتك تزوجوا الا انتي وكل يوم تفتحلي هالموضوع وتفشلني قدام خواتي وابوي ولا تهتم في مشاعري ولا تجيلي تعتذر عن كلامها والله العظيم حياتي معاها مآساه لدرجة اني احلم في اليوم الي اطلع فيه من هالبيت وترتاح نفسيتي واصير حالي حال البنات اشمعنى ياربي انا كذا حظي من بد كل البنات . ارجوكم ساعدوني خففوا عني لو شوي من معاناتي وادعو لي ان الله يرزقني بالزوج الصالح.. |
السلام عليكم ورحمه الله
الله يرزقك بالزوج الصالح وجميع البنات وبعدبن أنت توك صغيره عزيزتي ماذكرت وش السبب في تصرفات الوالده الله يحفظها وأنت ماحاولت تسألينها هي ليش تسوي كذا معك؟؟ |
اختى الصغيرة
ابكتنى قصتك اتعلمين لماذا !! لانى فقدت امى منذ عامين امى كانت مثل امك تقريبا طول اليوم مشاحنات و مشكلات اما الاّن لا مشكلات و لكن ندم و عذابات لا تنتهى على فقدانها و لانى قد اكون سببت لها شىء من الحزن يوما ما عزيزتى انكبى على يد امك و قبليها و قبلى رأسها فلم و لن يحبك احد فى الدنيا مثلها لا زوج ولا ابن ولا ابنة ااااااااااااه لو تعلمين كيف افتقد امى لو تعلمين كيف كانت حالتى و انا الد و هى ليست بجانبى و عندما ارى شىء كانت تحبة و تمنيت ان اهديها اياة اتمنى ان تقرأى كلماتى بقلبك لانها نابعة من قلبى وفقك الله لما يحب و يرضى |
بسم الله الرحمن الرحيم السلام عليكم ورحمة الله وبركاته اسعد الله ايام الجميع بكل خير لا لا لا يا اختي الكريمة الامر بسيط مايستاهل انك تضايقي نفسكي وتجيبي لنفسك الهم والغم تدري يا اختي الكريمة ان هذي تقريبا شبة عادة في معظم البيوت البنت الي يفوت عليها خاطب او خطاب يستلموها اهلها كلم بس هذا ما يهمك لانك يا اختي الكريمة منت السبب ابدا هذا قضاء وقدر وكونك ما شاء الله تبارك الله جميله ابشر اكيد بيجي انصيب بإذن المولى بس اهم شي تتفائلي ومثل ما قالوا : كل تأخيره فيها خيره " لا تستعجيلي سبحان الله ممكن تتورطين في زوج يريكي السبع العجاف اما حكاية امك تدري انا ادلك على طريقة امك يا اختي تحب لكي الخير وتزعل وانتي ما تدري لما تشوف بنات الجيران تزوجوا وانتي ما تزوجتي شوفي ان رجعت وتكلمت اسليها قولي لها هل انا السبب طبعا ماها تجاوب لكن بتقول كلام كثير ما له معنى طبعا ام ولازم تتحمليها اذا جاتك بنقاش وزعل حاولي انكي ما تصدمي بها بالعكس اجلسي وابتسمي حتى لو فشلتكي قدام ابوكي واخواتك طبعا ابوكي واخواتك اهلك مهم غربا عارفين البئر وغطاه فما هناك اصلا فشيله ومعليش خلي الوالده تفضفض عن نفسها والله يعينك |
نقل الى عالم المشاكل الإجتماعية
|
عزيزتي
انا شايفة انك مكبرة الموضوع زيادة عن اللزوم ، أكيد امك ما تقصد انها تضايقك بتصرفاتها وعليكي ان تعلمي بانك لن تجدي قلبا أحن عليك من قلب أمك وأن الأم أغلى شىء في الوجود وستعرفين قيمة امك تماما بعد أن تتزوجي. لا تفكري في الزواج لمجرد أنك تريدين الهروب من خلافات والدتك لأن الزواج ليس بشىء سهل ابدا وهو أكبر من تفكيرك بكثير. وانا حسيت من كلامك انك متأثرة لأن صديقاتك اللي بسنك قد تزوجوا ، لكن عليك أن تتذكري أن الزواج قسمة ونصيب ولا تفكري فيه كمخرج عن والدتك. أتمنى لكي التوفيق في حياتك وبالخصوص مع والدتك لأن التوفيق لا يأتي الا برضا ودعاء الوالدين |
حسب استنتاجي ((لا تزعلين)) مشكلتك إنتي مسببتها مع أمك وإنتي إللي بتجيبين لها حالة نفسية
وش تتوقعين من أم كل ماشافت وجه بنتها إلا حزين ومكتئب ومثل ماتقولين دايما في غرفتك حابسة نفسك فيها صدقيني لما تعصب من قهرها من تصرفاتك وأكيد مقهورة عليج وإلا في أم ماتتمنى تشوف بنتها تضحك وتعيش شبابها وتتزوج وتنجب أولاد مشكلتك إنتي حليها .. وإذا على الزواج ليش تقولين منحوسة ومالي حظ ؟؟؟ توك صغيرة 20 مو 40 والله في بنات تخطوا الـ 35 وشوفيهم مايضيعون فرصة تواجدهم مع أمهاتهم طلعات وروحات ومطاعم وصدقيني الزواج نصيب .. يعني ماأتمنى إن تحصل معك فرضا ماتزوجتي خلاص راح تموتين إعتذري من الوالدة وغيري من نفسيتك وتفائلي بمجيء الزوج الصالح إللي يسعدك مع أطيب الأمنيات ,,, |
شوفي حبيبتي امك لما تقول لك ها الكلام ما تبيك تتزوجين اي واحد بس لانه اللي في بالك تفتكين وتروحين مثل صديقاتك تبيك تتعلمين الصبر والقوه الى ان تجدين من يستاهلك شخص تطمئن امك انك بايدي امينه
صدقيني بكرا ان شاء الله بتتزوجين وبتعرفين لما تربين عيالك كل تصرف تصرفته امك كان وش سببه انا كنت مثلك والله بالضبط مثلك الحين عندي عيالي وربي البيت ورب الكعبه اني صرت اسوي نفس ردات افعال امي اللي كنت اتذمر منها لانها فعلا هي الطريقه الصحيحه للتصرف بهذي الحالات لاني صرت انظر للمستقبل الحين اللي بنتي ما تفكر فيه والله اني ندمت على كل تفكير سيء فكرته بامي ولما تجربن الامومه بتعرفين وش كثر الضنا غالي ولاتنسيييييييييييييييييييييييييييييين الجنه تحت اقدام الامهات مهما كانت الام قاسيه تحمليها لانها من احد مسبات دخولك الجنه ان شاء الله واحد اسباب رضى ربك عليك فكري بالسطر اللي بكتبه الحين زيين رضى الله = من رضى الوالدين ( امك ثم امك ثم امك)=اذا صارت =سعة الرزق بالدنيا وسعادة القلب |
الله يعينك أختي بس هذي أمك وتعرفين وش معنى أم؟؟؟؟؟؟؟؟أنا فقدت أمي وأنا عمري 11 سنة وكانت الله يرحمها مثل أمك تقريبا دائما تتهاوش معي ودائما تنتقدني.........وكنت أبكي وأتضايق حتى كنت أقول بيني وبين نفسي شكلي ماني بنتهم...(أصدق المسلسلات)..لكن والله ياعزيزتي كم تمنيت أن تكون أمي بجانبي بجميع عيوبها ونقدها الجارح في يوم تخرجي ويوم خطوبتي ويوم زواجي وخصوصا الأن أشعر أني بحاجتها اكثر من أي وقت ..زفلذلك ياعزيزتي تعوذي من الشيطان واستغلي الأيام الباقية من حياة أمك في برها والتقرب إليها بالكلام الجميل وصدقيني ياحبيبتي إن أمك تموت عليك وتتمنى مصلحتك وتبي تشوفك سعيدة في حياتك بس بعض الأمهات-الله يهديهم-ماتطلع الحنان اللي بقلبها قدام عيالها..وهذي مشكلة كثير من الأمهات ولاأدري ما الأسباب...ادعيلي ياعزيزتي بأني أسمع كلمة مااااااااما وأعوض اللي انحرمت منه...الله يوفقك حبيبتي
|
والله لو بنتي تسوي فيني كذا كان موجيلي حالة نفسية وبس كان اموت غمد
يابنت اتقي الله في امك ومن يتق الله يجعل لك مخرجا يمكن ربي مانع عنك الزواج بسبب نظرتك السوداويه تجاهها اشرحي صدرك لها واستغفري وابتسمي بوجهها وتفائلي والله سبحانه يفتح لك ابواب رحمته |
| الساعة الآن 12:02 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©