|
تبي رجل(زوج) ساعدوها وش تسوي
وجدت هذه المشكلة في احد المنتديات حبيت انقلها لكم
------------ حبيت أطرح مشكله يمكن تكون غير والكل دائما مايتكلم عنها الكل يتكلم عن العنوسه وانه من اسبابها رغبة البنت بالدراسه والمهور ولا اخلاق الشاب وحاجات غيره طبعا ولكن ولا مره قرئت من ضمن المواضيع هذه عن الفتاة اللي مايتقدم اسا ساً لخطبتها اي احد نهائيا على الرغم انها تكون متعلمه وجامعيه وبنت عائله طبعا مع اختلاف مقايس الجمال الشكلي واكيد تكون بنت خلوقه ولكن هذي البنت لم يتقدم طيلة سنوات حياتها أي رجل لخطبتها برأيكم هالبنت شنهو تسوي وهي تشوف البنات اللي درسو معاها تزوجو ماشاء الله وصار عندهم اطفال وأسره خاصه فيهم وهي تجلس تتحسر على روحها اذا راحت لزيارتهم ولا لزيارة الاهل وشافت اللي اصغر منها بكثييييييييييير واللي قد عمرها تزوجو وهي جالسه مابين أربع حيطان ياتربي في عيال اخوانها وتتنكد من اخوانها معاملتهم معاها ورميهم لعيالهم كل شوي والثانيه وكل هذا وهم معتبرين ان هذا واجب على اهلهم الاهتمام بأطفالهم طبعا عشان وجود اختهم في البيت اضافةً الى نظرة الأخوان لأختهم ان هذي مستحيل احد يتقدم لها اصلا مستبعدين هالفكره لأن هم يعتبرون كل شي حلو في زوجاتهم وكل شي مايليق الا على زوجاتهم وياما تعرضت هالبنت للأهانه بالتقليل من شأنها من قبل أخوانها قدام زوجاتهم هذا غير الطنز والأستهزاء اللي تلاقيه من اخوانها على اي تلبسه قدام حريم اخوانها لأن الذوق الحلو برأيهم لزوجاتهم وبس فعلا حاجات مريره لو اذكرها لكم ماتصدقون أبداً أدعو ربي ليل مع نهار انه يرزقني بالرجال الصالح حتى لو هو يبي يخليني الثانيه مع المراره اللي ادعيها الان وانا ادعو بهالدعاء لاني مثل اي بنت تتمنى تكون لزوج بروحها مامعاها شريك ثاني ولكن عجزت ومل الصبر وعجز من صبري انا انسانه عندي احاسيس ومشاعر ابي اطلعها في ناس يساحقون اني اطلعها لهم مش اضحي على ناس مو معتبرين لي قيمه ويعتبروني مجرد تقضية حاجه لحريمهم بالروحه لمكان ولا بتوفير سبل الراحه لهم ولأطفالهم ... كل يوم يمر اجلس افكر ليه كل هالبنات تقدم لهم رجال وخطوبهم وبعضهم ارفضوهم بس انا من الأساس مافيه احد طق الباب نهائيا .. اتصور لو بيصير هالشي اخواني راح ينصدمون ويمكن مايصدقون ولا يوافقون بعد لانهم تعودو وجودي خادمه لعيالهم وحريمهم مش متصورين اني ممكن بأحد الأيام أكون زوجه وأم لعيال مثل حريمهم وأن كنت حتى أنا احس مرات باليأس وان هالشي ماراح يتحقق لي أبداً ... أبي اعرف رايكم بهالمشكله كيف تنحل اذا هي حلها مقطوع من جذره اساساً .. وشكرا لكم |
كل شئ لة اوان و سوف تتزوجى قريبا ان شاء الله
|
أدعو الله لكي بأن يسخر لكي إبن الحلال فالطيبون للطيبات , فقد تكون أسباب العنوسة أيضاً أنه لم يأتي النصيب بعد فهذا قدر والزواج قسمة ونصيب, سأحكي لكي حكاية قصيرة أن زميل لي بقيت خطوبته 9شهور ولم يتزوج وتزوج إمرأة تعرف وتزوج في 3أيام والله الموفق
|
نسال الله تعالى ان يوفقها في زوج طيب خلوق تعيش معه حياه زوجيه سعيده
|
للمعلومية المشكلة منقولة
بس مافي ماعن تدعون لي:) |
يعطيك العافيه حبيبتي خجوله علي هالنقل
وأمثالها كثيرات ...... طبعا السبب الأول والأخير أهو النصيب وإن كل واحد ياخذ حقه بالدنيا بس هناك في أسباب ...... يعني البنت إللي ما تطلع ولا تروح للأماكن إللي تتجمع فيها النساء أو زيارات الأهل وصلة الأرحام لها دور كبير يعني لو تجلس في البيت منو راح يعرف عنها شي!! حتي من فوائد صلاة العيد ....... إنها تسهل علي الناس التعارف ومنها الخطبه والزواج هذى أشياء مهمه ........ وفي شي ثاني البنت مثل ما تهتم في سمعتها لازم تهتم بشكلها وطريقه تصرفها مع الناس ... حتي تعطي إنطباع طيب عنها إختي الخجوله ..... ومثل ما قلت لك كل شي قسمه ونصيب والله يكتب الخير والتوفيق للجميع |
هههههههههههههه
بس مافي ماعن تدعون لي <<<<< اقول من اللي نجحك بالاملاء :D Sorry كانت مداخله بسيطه المهم نرجع لموضوعنا الحل عندي وحلها بسيط جدا ولكن يحتاج لقليل من الصبر وهو كما يلي الاستيقاض في الليل والوقوف امام الله والدعاء والالحاح بالدعاء والخشوع والبكاء فذرف دمعه اولى ان تذرف لله فسلاح المؤمن الدعاء فبأذن الله ان الله لا يرد من دعاه قال تعالى ( ادعوني استجب لكم ) وانصحها الدعاء باسماء الله التي تتلائم مع حاجتها كن تقول يا رحيم يا رحمن يا كريم يا عزيز يا من لا ترد من دعاك اللهم اني عبدك الضعيف الواقف بين يديك لا منجى ولا ملجى الا اليك . فنحمد الله على نعمة الاسلام تقبلي تحياتي |
ياهلا فيك اكوان فعلا هالمشكلة انتشرت في الدول العربية
وهي تاخر سن الزواج وكثيرات يخجلن من مكاشفة اهلهن بالامر او مواجهته صدقتي يجب على الفتاهة ان تهتم بنفسها اكثر للان مجتمعاتنا تعيب على الفتاه اظهار نفسها مع انه مافيه شي هي تطلب الحلال وشكراا يالغالية |
اخوي كشكول معلش الموضوع يخجل:)
مشكور على النصيحة وياليتنا نلجى الى الله في كل معضلاتنا |
الاخت خجوله تسلميييييييييييييييييييييييييييييين الف على هالمواضيع
الصراحه الاخت اكوان قالت كل اللي في قلبي خاصه ان البنت اللي ما تختلط بمجتمع النساء هي اللي حظها يكون قليل في الزواج وهذا اللي لاحظته عل فكره وشكرا مره ثانيه |
| الساعة الآن 11:03 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©