|
كم راتبك ؟؟؟؟؟؟؟؟؟؟؟؟؟؟؟
مساء الخير
كم راتبك ؟ طيب عندك مصدر دخل ثاني غير الراتب ؟؟ هذا ماواجهني به اب الفتاه عند الخطبه مما دعاني لشطب الموضوع صحيح انه لازم يتطمن على بنته لاكن يقدر يعرف هالمعلومات من المسمى الوظيفي ولا اعتقد ان الرتب كرقم بيفرق معه هل انا مخطئ ولا لا |
يااااربييه ..
الناس للحين على تفكيرهم المادي الساذج ... للحين ماتطوروا ... مو المهم أنك تكون صالح وصاحب خلق وصلاة ...الله مستعان وربي يعوضك خير ...لكن لاتقنط |
هو فعلاً .. أنت الحين كم راتبك ..؟؟ . . . . . . . . . . . . . :d . . . . . . . . هالسؤال اعتبره سؤال غبي بصراحة .. لكن البنات . مالهم ذنب إذا كان ولي أمرهم مادي جشع يسأل عن الراتب .. والله مشكلة بصراحة .. .. لكن أظن لو تطول بالك شوي لأنك عصبي :25: اسأل عن البنت وعن أخلاقها يمكن تلاقيها فتاة صالحة لا تعوض لكن ابتليت بأب يسأل الخطاب أسئلة مالها داعي .. الله يوفقكم . . . . . . . . . . اختكم / بنان |
في ناس عايش على راتب 1600 درهم.. و الحمدلله.. عايشين و مستووورين.. المهم القناعة.. و الـواحـد اذا نوى الـزواج و الـستر... الله يبارك له و يوسع له في رزقه... و يرزقه من حيث لا يحتسب.. الله يرزقك ببنت الحلال قريب ان شاء الله |
السلام عليكم وشكرااخ قزم بس عصبي فيه نقطة احب اوضحها لك الآباء عادة يهمهم يقدرون المستوي المعيشي إلي ممكن يعيشه الخاطب لبنتهم لو صار نصيب يعيني المسالة مب مسالة مادية بحته...هو مجرد سؤال عشان يقدر الاب يخمن كيف بتعيش بنته خاصة ان كانت البنت ما تشتغل او تنتمى لاسرة ميسورة ماديا او حتى متوسطة الحال الدور كان عليك انته انك توضح له وجهة نظرك في انه بوضعك المادي الحالي تقدر تعيش البنت عيشة ما تخليها محتاجة لشي اقتنع الاب كان بها ما اقتنع مومشكلة البنات اكثااااار لكن مثل ما قلتلك السؤال في النهاية لهدف تقديري ...يعيني ما اتوقع اب يتقدم لبنته شاب ميسور مدايا لكن اخلاق ماشي ويوافق عليه هذي وجهة نظري وانشاءالله ربي يكتب لك النصيب مع وحدة افضل |
استغرب ان الخطابة او اللى دلك على البنت ما علمهم راتبك ومصادر دخلك
حتى ما يكون لك ردة فعل غير ايجابية .. لا ينكسر خاطرك ولاتظلم احد افتح عيونك وتشوف ان التناسب مهم |
كم راتبك ؟ واين تعمل ؟
سؤال قديم ما له داعي أهم شئ الدين والاخلاق والله يعوضك خير لا تخاف فوضك أمرك لله تحياتي |
على فكرة اخوى اتوقع ان الموضوع غير صحيح او غير مكتمل او منقول المهم انى اشكك في صحته وخصوصا في هذه الفترة
اعتذر واكرر الاعتذار لكن هذا راى |
انا اقف من جانب بنان واقول لك اسأل عن البنت يمكن تشوفها مناسبه لك
والله يوفقك في بنت الحلال |
الله يعوضك ويرزقك ببنت الحلال والزوجة الصالحة ..
الدنيا لسه بخير وفي ناس مايهمها غير الدين والاخلاق دمتم بود |
| الساعة الآن 11:13 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©