ستكون عانس
 

ذكر لي صديق مشكلة تؤرقه في بيتهم وهي:
ان له اخت تخرجت من الجامعة ولم تتزوج والسبب يعود لمرض جلدي اصابها من فترة طويلة وهو على ما اعقد بهاق وبعد العلاجات انحسر في ثلاث مناطق في احد ركبها وفي كعبيها.................. يقول صديقي كلما جاءها خاطب تعذرنا باعذار واهية ولم نستطع اخبار الخاطب لاننا نعلم انه سيرفض اتمام الخطبة



ويقول اخشى ان تيقى بلا زوج والمشكلة الاكبر انه يوجد لها اخوات الاتي في اعمارهن لهن ابناء





ما رأيكم
ولا تنسوا ان تدعوا الله ان يشفيها عاجلا غير اجل ويرزقها الزوج الصالح

الله يشفيها ان شاءالله بس ليش يغبون على الخاطب هذا الشي هم خل يقولون حق المتقدم او اللي بيتقدم لها ان فيها هذا الشي وما يصير يجزمون انه بيرفض خل يقولون واذا لها نصيب معاه الله بيسر الامور

طيب ليش ما يخبرون الخاطب بهاي المشكله من البدايه..

يمكن الخاطب يرضى ياخذها ويتفهم الوضع.. ومو كل الخطااب يرفضون عشان البهاق..

خلهم يقولون حق الخاطب عن هاي المشكله وحراام تقعد البنت بدون زواج.. لين متى يعني ..؟؟؟؟

القرآن شفاء بأذن الله
انصهحا بالرقيه الشرعيه
واستخدام زيت زيتون مقري فيه
وشرب ماء زمزم مقري فيه
والصدقه بنية الشفاء
قال صلى الله عليه وسلم (( داوومرضاكم بالصدقه ))
والله يشفيها ويشفي مرضى المسلمين
آمين

مو شرط المرض الجلدي يسبب عدم الزواج كلو والنصيب
عندي خالتي من يوم ماتولدت عندها البهاق وسوت المستحيل للعلاج ولم يفد وتزوجت والحمد لله وهي في السابعه عشر من عمرها_يعني في سن صغيره _وزوجها من احسن الأزواج ماشاء الله وليس بكبير او به عيب وعندها اربعه اطفال
لاتشيل هم

انا لي صديقة الاذن اليمنى ما تسمع منها بالمرة جاء الخطيب وشافها بعد الشوفة الام قالت ترى بنتى ما تسمع من الاذن اليمينى والرجال شايفها قدامه قال ابغاها مرة عجبته ماشالله ودحين عندها 3 اطفال وماشالله مررررررررررررررررررررررررررة مبسوطة ...........
خلي يشوفها وبعدها اتكلم سبحان الله ربنا يفرجها من عنده ويقنعه بها وخليها تحاول تلبس لبس يبين البهاذ الا في الركبه وفي الرقبه علشان يشوف بعدين احكموا

العيب دائما في الاخلاق مو في المظهر !!

لازم يصارحون المتقدم

وما ادراهم يمكن يقبل ويصير نصيب

ياما بنات فيهم عيوب أكثر وتزوجوا


ربي يرزقها الزوج الصالح ويشفيها

مايحق لكم أبدا ً إنك تصرفون الخطيب والبنت صاحبة الشأن ماعرفت !!

الحمد لله الطب الآن تقدم كثير ، وخاصة في مجال الليزر اللي كم جلسة وإن شاءالله

يخف البهاق بما إنك قلت إنه قليل وفي مناطق مختلفة ..

وبعدين يمكن الرجل مايكون عنده مشكلة ويرفض البنت لسبب هذا المرض !

لو تقدم لها خاطب من جديد ، لازم تخبرون البنت هذا أولا ً

وتخبرون الشاب وتقولون له الصدق والصراحة ، وإذا ربي كاتب بينهم زواج راح يتم

وإذا ماتم شي هذا معناه إنه ربي ماأراد أن يتم زواجهم والمرض ماله أي سبب !!


الله يرزقهـا ويشفيهــا ويرزق جميع المسلمين والمسلمات

بالتوفيق يارب ..