|
أجواء وافكار للجلوس والإستمتاع في المنزل
تعرفون الصيف الواحد مايبي يجلس في البيت يعني طلعات وزيارات .... وإن يوم جلست بالبيت مليت وزهقت
الي يحبون يجلسون في البيت قولولي كيف تخلقون أجواء حلوة ويا الزوج والأطفال عشان ماتملون وتنبسطون:d :d :d :17: :17: :17: :14: تم تعديل العنوان ليتناسب مع الطرح |
مافي الا انج تلعبين لعبه للكبار وللصغار عشان تشتركون كلكم في اللعبه وتستانسون :)
|
موضوع مهم...
واللي عنده أفكار لا يبخل علينا! |
اقتباس:
:14: أعتقد أن هناك أمور كثيرة مشتركة بين الزوجين يمكن أن يعملانها في المنزل 0 01-إذا كان بالمنزل حديقة ، فإنه من الممتع جدا أن يتشاركا العمل فيها سويا ( الأعمال الخفيفة ) مثل ري الأشجار أو تقليمها أو زراعة بعض الشجيرات أو غير ذلك من الأعمال 0:21: 2- إعادة ترتيب المنزل ، أو تنظيفه ، أو المشاركة في المطبخ أو 00000:30: 3-مشاهدة التلفزيون - مثل تحديد برامج معينة يتم مشاهدتها سويا ، أو أفلام :23: 4-إذا في المنزل بركة سباحة فهذه متعة لا توصف لوحدها 0:14: 5-المشاركة في متابعة المنتديات وتصفح الإنترنت 0:17: 6- ممارسة بعض الألعاب الخفيفة بين الزوجين 0:22: 7- ولمن ليس لديهم أطفال !!! فأعتقد أن هناك العديد من الأمور المبهجة يمكنهم القيام بها سويا 0000:15: :30: :25: :23: هذه بعض الأفكار التي تحضرني حاليا |
طرح جيد..
بانتظار افكار اخرى لنستفيد... |
اممممممممم والله موضوع حلو اسمعي بعطيك بعض الأفكار وان شاء الله الإخوان ما يقصرون وبالفعل اللي ظروفه جابرته يبقى بالبيت ما يطلع لازم يخلق لنفسه جو من المتعه حتى يحس بالتغيير ..!!
اسمعي حطي جدول من السبت الى يوم الجمعه وحطي كل يوم فكره اتقررين انك اتنفذيها مع عيالك وزوجك وانبهك الى شيء مهم ابتعدي عن الفوضويه الللي اتسببها الأجازه أو النوم بالنهار والسهر بالليل وعدم ثبات الوجبات الغذائيه .. مثلا في يوم السبت قولي بنسوي مسابقه بين عيالك ( اي مسابقه تخطر ببالك ) اذا عندك بنات سوي بينهم مسابقة الطاهيه الماهره خلي كل وحده تطبخ طبق والفايزه اعطيها هديه ههههه ,,, العبي انتي وزوجك لعبة مين الاقوى((لعبة قبضة اليد )) جيبيوا طاوله وخلوا عيالكم ايشجعونكم وانتبهي لازم زوجك هو اللي يفوز حتى لو انتي كنتي الأقوى عشان هيبته قدام الاولاد خخخخخخ سوي يوم الورود العالمي ببيتكم ورتبوا البيت واملي غرفة نومك ورود والبسي ثوبك حق عرسك او اتسلفي ثوب من اي احد هههههههههه اخاف ثوبك ما يخش بك هههههههههه وسوو عرس جديد ابد كأنه يوم عرس وخلي عيالك يزفونك انتي وزوجك ويرقصون قدامكم وجيبوا كيكه وقطعوها وارقصوا وانبسطوا ههههههههه اعملي حفله تنكريه مثلا البسي اي خلاقين عندك وخلي بناتك يبدعون باللبس والشرشحه هههههههههههه وسووا فاصل نكت وضحك ووناسه رتبي بيتك وشيلي كل السجاد اللي فيه وسوي يوم اللعب بالمويا والصابون والله راح تنبسطون مره بس لازم يكون زوجك دمه خفيف والا راح تفشل كل خططك اعملي يوم للأكلات الشعبيه واعزمي جيرانكم والحاره كلها خخخخخخخخخخخخ ترى الانسان هو اللي يسعد نفسه وهو اللي يتعسها والله اصحوا كلكم على صلاة الفجر وتقهووا مع بعضكم وتدارسوا عن سيرة الرسول وامور الدين وجابوا على كل الا سئله اللي تدور في اذهان اعيالكم وبالليل اطلعوا بحوش بيتكم واسهروا على ضوء القمر واشوو لكم لحم وخلي زوجك هو اللي يشوي لأنه بيطلع لذيذ مره من يدينه جيبي شموع حلوه وروائحه حلوه وانثريها بكل زوايا البيت وطفوا الأنوار واجلسوا كلهم انتي وزوجك وعيالك وتكلموا حديث شاعري عاطفي جميل علموا اولادكم كيف يعبرون عن مشاعرهم اتجاه اي شيء بالحياه ...................... اما االحركات الخاصه بينك وبين زوجك عيب استحي اتكلم بها لأني لسى على البر ما عندي خبره بس اتزوج ارد لك ههههههههه الله يسعدك انتي واسرتك ومع السلامه |
| الساعة الآن 01:38 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©