من الغلطان
 

حبيت استشيركم في موضوع علما باني هالايام متنرفزه لاسباب لا اعرفها

احتمال قرب موعد الدوره مع اني احس بصداع والم بالجسم ما اعرف سببه



اتصلت لزوجي من هاتف العمل لاسأل عنه كالعاده لانه هو في اجازه ولاسباب ظروف العمل كنت خافضه صوتي بالكلام مره وحده صرخ علي علي صوتج لا تتدلعين الصراحه انا ما استحملت هذه المعامله بس قلت له مع السلامه وسكرت التلفون وهو ما صدق خبر قال حياج الله مع اني ما تكلمت في اي موضوع مع اني كل يوم اتصل فيه واسأل عن احواله


هل انا غلطانه والله شو السالفه ادري الوضوع تافه بس انا ما استحملت بس حبيت اخذ رايكم

الافضل لك أنك تخبري زوجك سبب خفض الصوت وسوف يتفهم هو ان شاء الله الموضوع والله لا يجيب الزعل بينكم

تغلي عليه شوي بعدين بكل هدوء قوليله انا من جد زعلت لما صارخت علي انا كنت خافضة صوتي حتى ماحد يسمعني
اذا ماتحبني اتصلك قلي لكن لا تصارخ علي ، واذا مضايق وايد لاترد علي وابعتلي مسج وعلى العموم انا ماقدر ازعل منك ابدا لاني احبك وايد ولو ماحبك ماهتميت
حاولي تكوني هاديه على الاخر واذا عصب قفلي الموضوع وان شاء الله مايجيب زعل بينكم والله يهنيكوا ويسعدكوا

شكله زوجج عصبي..
كلميه..قولي له إنت ليش تبي تفتعل هوشة؟؟
وإن السالفة ماتستاهل يصارخ عليج..
وإذا عن الدلع.. قولي له إذا ماتدلعت عليك أتدلع على من؟؟

الله يهديهم الرياييل إذا ماحصلوا شي يتهاوشون عليه..
ينبرون الأرض ويخترعون لهم هووووووشة..

اختي انتي مو غلطانه بس قوليله اسباب انخفاض صوتك وبعد باقولج شغله صادفتني هذة الحركه مرات عديده مره كنت اكلم زوجي وقال بس باخليج وباسكر التلفون عاد انه امزح معاه اقوله انه مابسكره الا اذا عطيتني بوسه قالي تركي الدلع عنج واذا ما سكرتيه انه باسكره بويهج صج انه انقهرت حدي على رده ،،لكن هاذي الرياييل وهاذي اطباعهم اللي مادري متى بيغيرونها (اخذي وخلي)

الله يهديك .. الواضح انك متنرفزه .. اذا اهدائي شويا


خذي نفس ... عميق .... زفير ....


وبعدين الضحكه في وجه الزوج والكلام معه بابتسامه افضل من انك

تتكلمين بشكل يمكن هو ما يرغب فيه مثل تقصير الصوت

مره ثانية خذي نفس ... وطلعيه ... واهدئي شويا