|
سؤال لجميع بنات حــــواء ؟
السلام عليكم ورحمة الله وبركاته خواتي بنات حواء اسعد الله مساكم بالخير والمسرات عندي سؤال ودي أطرحه عليكم . السؤال الاول الحين لو واحد تقدم لخطبة أحدً منكم ؟؟ كم تتوقعين أهلك يطلبون منه مهر ؟؟ يعني قيسي على عاداتكم او زواج احد خواتك اللتي سبقتك بالزواج .. او على شخصية ولي أمرك او طبعه ؟؟ يعني كم يطلب والدك ؟؟ وايضاً ماهي الشروط اللتي تتوقعين يشترطها على الخاطب ؟؟ السؤال الثاني طيب اذا ولي أمرك طلب مهر غالي .. هل تتدخلين وتطلبين منه يخفظه او لا ؟؟:17: نبي أجابات صريحه:22: والله يوفقكم ويستر عليكم أخوكم رجل |
بالنسبة لوالدي قال لزوج أخي.. " تنومها عل حصير أو تنومها على حرير أنا ما يهمني.. يهمني تحترمها " بس طبعا طلب منه مهر.. بس المسألة ما تخصني ما أقدر أتكلم فيها..
بالنسبة لي.. حتى لو والدي تنازل وقال نفس الكلام.. أكيد ما أتنازل عن المهر مو لأني أحتاجه.. لكن ما أبغى أسمع يوم من الأيام كلمة تجرحني في ساعة غضب من زوجي إن مهري ريال زي علبة ببسي !! |
عندنا عادة الوالد ما يطلب مهر يعني الي يجيبه العريس يقبله الوالد قليل او كثير والحمدلله جميعا مهورنا متوسطة وحتى اخوي يوم خطب ما طلبوا منه مبلغ معين وقالوا له الي تجيبه مقبول
وعاة عندنا المهور بين 40000و60000ماتزيد عن كذا |
موضوع عالوتررر
انا زوجي طالب..وما كان يشتغل ووالدي طلب منه مهر مرتفع شوي عشان يعرف قيمتي لكنني اتدخلت في الموضوع واقنعت الوالد انو زوجي بيدفع قسم من المهر والباقي يضل عليه دين لي |
انا بصراحه لم اجرب وليس عندي اخوات متزوجات لكي اعرف ماذا يطلب والدي
ولكن عندنا متعارف مهورنا 40000الى 50000 واتوقع شروط اهلي الوظيفه ان حصلت فقط ضمان والبيت المستقل واذا طلب والدي مهر غالي طبعا اتدخل بالرغم انني متاكده انه لن يطلب غالي |
لالالالالالالانشترط ابداولكن لانزوج الاصاحب الدين والخلق والمهور على استطاعة العريس فقد تكون ثلاثين اوعشرين اوخمسة عشر فالمهر اخر مانفكر به فتفكيرنامنصب على الشخص نفسه والحمدلله بهذه المبالغ نجهز احسن تجهيز المهم التخطيط قبل البدء بالتجهيز
|
اقتباس:
اهلين اختي اجمل باقة ورد لوالدك بصراحه ونعم الوالد اختي المهر من حق البنت واللي يطلب ان البنت تتنازل عن المهر مافيه خير .. ولو مايتزوج احسن لانه ماراح يكون قد المسؤاليه ولكن المرعاة في المهر شي جميل يعني لا قليل ولا كثير وخير الامور الوسط الف شكر لك |
وأسعد الله مساك اخوي..
أهلي مايطلبون مهر أبدا وعاداتنا 40 ألف - 50 ألف وأهلي عندهم عيييب الشروط.. لكن دايما يقولون للخاطب يففضل سكن مستقل- وماتمنعها من الوظيفة ومرة تقدم لي واحد وكل شي كان اوكي مابقى عالملكة غير اسبوع وربي ماكتبه الله يعوض علي.. المهم قلت ابغاكم تشرطون الوظيفة بغو يذبحوني يقولون بنات الحمايل مايشرطون << من وين جايبين المبدأ هذا ماأدري:30: وبالنسبة لسؤالك الثاني.. أبوي استحالة يسويها.. لأنه أصلا مايطلب.. |
اقتباس:
60 للي مثل وضعي كثيره على العموم شي جميل ان ولدك يرضى بما يأتي به الخاطب تحيتي لك |
اقتباس:
طالب !!!!!!!!!! تصدقين رتفعت معنوياتي يوم قلتي طالب وصار عندي أمل بالزواج :22: ونعم فيك يامجهوله والله يوفقك ويسعدك لانك اعنتي زوجك على الزواج الف شكر لك |
| الساعة الآن 08:01 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©