|
ماذا لو...؟!
بعد يوم دراسي مجهد رجعت مها للبيت ما تشوف بين عيونها الا السرير
قابلتها امها على رأس الدرج : تغدي مها : مااشتهي الحين اذا قمت اكلت الام براحتك وهي طالعة الدرج رن التلفون .راحت الام ترد واستمرت مها في طريقها لفوق الام :مها تعالي وحدة على الخط تبيك تفاجأت مها من بيدق هالحزة !!!!!!!!!!!!!!!!!! شيكت على جوالها يمكن قضى شحنة أو مطفيتة الجوال شغال !!!!!!!! ترددت قليلا قررت ترد مها:الو المتصلة : انتي مها مها: ايه من معي المتصلة :انا نوف الفلان (عرفت عن اسمها كاملا ) مها :شبغيتي اختي المتصلة : الموضوع طويل وخاص ويبيله وقت ممكن تعطيني رقم الجوال مها: ما اعرفك علشان اعطيك رقم جوالي وبعدين اللي عندك قوليه في التلفون المتصلة :شوفي انا بأسلك فلان هو كان زوجك سابقا ...صح مها : اية وبعدين المتصلة : هو خاطب وحدة نعرفها وتعز علي وتعرفين لا زم الواحد يسأل وانتي احسن وحدة تعطينا خبر بحكم انك عشتي معه مها (طارت عيونها من الصدمة ومن صعوبة الموقف ) اختي انا ما عشت معه سنين كلها شهرين !!!! المتصلة : بس اكيد تعرفين عنة بعض الامور مها (سكتت وما قدرت ترد ) المتصلة : شوفي اختي هذي امانة وانتي ماتبين الضررلبنات الناس والاكيد انك ماتطلقت منه الا بسبب وسبب كبير خلاك تعطينة مهرة مثل ما سمعت ولا لا ؟؟؟؟ مها : اية صح عطيناة المهر المتصلة : طيب وش اللي خلا ك تطلبين الطلاق . مها: لله يستر علينا وعليه........... المتصلة : (وبعصبية) اختي هذا زواج مهوب لعب وانتي اذا تعرفين شي وماقلتية وورطتي بنت الناس بتشوفينه في نفسك ولا في وحدة من خواتك ولا بناتك بعدين وانا ما اقول سبيه اقولك عطينا الي انتي شفتيه منه هو معقد ولا بخيل ولا شكاك ولا ضعيف شخصية يعني مو معقوله تطلقتي منه بدون سبب مها :اختي والله ماقدر اقولك غير اللله يستر علينا وعلية المتصلة :شوفي اختي رجع ادق بعد كم يوم تكونين فكرت وحطي نفسك مكان هالبنت مها: طيب!( تبي الفكه ) مها بلغت امها بالتفصيل مادار في المكالمة وطبعا رد امها كالعادة الله يستر علينا وعلية وش نبي فيهم ماصدقنا نفتك منه طلعت مها غرفتها والنوم طار من عيونها وهي تفكر وش بترد على هالحرمة تقول انه طماع وامه تحركة يمين ويسار تقول انه ما نفذ ولا شرط من شروطها الي في العقد تقول انه يبيها تقسط له سيارة وتدفع قرض البنك اللي خذه مهر تقول انه بيها تدفع اجار البيت اذا تبي بيت بروحها ولا تسكن عند اهلة بغرفة من دون حمام تقول انه مهاوشها من اول يوم علشانها تأخرت في اللبس تبسمت مها قليلا اقولها انه ما يفرش اسنانه وإذا قلتله من باب المحافظة على الاسنان علشان ما اجرح مشاعرة ( هه مالت ) قال يعطش اقول انه يستحي يدخل مطعم ويطلب تعالت ضحكاتها واحتضت وسادتها ودخلت في تفكير عميق يمكن تغير يمكن معها يكون احسن ويكون تعلم درس من هالتجربه يمكن ويمكن ويمكن طيب بمكن اقولها اللي اعرفه وتصر وتأخذة ثمن تقوله اني قلت عنة كذا ؟؟؟؟؟ طيب هذي الحقيقة !!! امممممممم امكن هذي الحقيقة مايشوفها الا انا !!!!!!!!! ثمن يحقد علي ويشوه سمعتي !!! احسن شي اقول لاهلي يصرفونها وهي المفروض تفهم !!!!!!!!!!! ماذا لو كنت مكان مها ؟ كنت مكان نوف وقريبتها ؟ (موضوع أعجبني ولطشته:d ..قلت اتناقش مع قسمي فيه) وراح اكتب رأيي.. لكن بوقت لاحق ان شالله |
بصراحه ماراح اقول الا الصدق سواء حلو ولا لا
|
والله شي يحير ... اقووول او ما اقووول ؟؟.... :25:
بس عموما شكلي باقوول الصراحة والصدق لانه انسان مايستحق انه يعيش في نعمة اسمها ( الزواج ) .... :18: |
القصه هذه ذكرتني بقصتي مع طليقي .. بعد معاناة سنه في المحكمه حتى حصلت على طلاقي الحمد لله ... المهم بعد الطلاق خطب واحده أتصلت أختها علي تسأل عنه ..
ياااااااااربي مو قادره أكمل صار قلبي يدق بسرعه :30: ... اذكرت التعاسه اللي كنت عايشه فيها |
أختي الكريمه شوبارد
مسموح المشاركه للرجال ؟؟ فيه مثل عامي يقول (( زوجتك ليست التي عندك وأنما التي عند اهلها )) فكلما كان الرجل حسن التعامل مع زوجته في كل شئ كلما كان محط انظار أمهات الفتيات وبناتهم . أما للزواج من ثانيه فهو مرحب له . أو صار له ظروف و طلق زوجته فهو مرحب به ايضا . -------------------- والمستشار مؤتمن . |
رغم أن السؤال ليس موجها إلا لأخواتنا كما يظهر، لكن أتمنى أن تسمحوا لي بالمشاركة.
أنا من رأيي أن المرأة إذا سئلت عن زوجها الأول ، فتذكر ما تراه شيئا مهما تحتاج أن تعرفه السائلة وتظن أنه قد يؤدي بطلاقها منه هي أيضا. لكن الأمور الجانبية الثانوية ، كتقصيره مثلا في الإهتمام بنفسه أو نومه الكثير ، أو غيرها من العادات السيئة فلا أرى أن تذكرها لأسباب: 1- أنه يمكن إصلاحها بالنصح الطيب فيما لو ارتبطت به. 2- أو أنه بعد انفصاله من الزوجة الأولى قد وعى إلى تقصيره في هذه الأمور وسعى إلى تحسينها وتفاديها. ولا يعد ذكر عيوب الخاطب غيبة ، لأن الشرع أحل مواضع ستة يجوز فيها ذكر مساوئ المرء ، ومنها إذا تقدم الخطاب لامرأة واحتاجت إلى السؤال، لكن يكون هذا من باب النصيحة لا من باب التشمت. وقد تقدم 3 من الصحابة لامرأة فاستشارت النبي صلى الله عليه وسلم بأيهم تقبل، فذكر أن فلانا فيه كذا ، وفلانا فيه كذا ، ونصحها بالثالث. بارك الله فيكم ووفقكم . |
فال الله ولافالك
إن شاء الله مايصير لنا مثلهم تفائلوا بالخير تجدوه |
انا سوف اقول لهم الاشياء التي قد تؤثر على حياة تلك الفتاة معه مستقبلا وسأهمل الاشياء الجانبية التي ليس لها اهمية في حياتها معه |
لو مكان المتصلة.. لن أتحدث للطليقة مباشرة مراعاة لمشاعرها حتى لو لم أكن العروس.. سأتحدث للأم أو أبي يتحدث لوالدها.. للسبب الأول ولأن الكلام راح يطلع أسرع من ذويها !.. وقد أسمع كلام فيه ظلم وغير حقيقي عن الخاطب فأظل في حيرة لا أدري أصدق من وأكذب من.. وإن أردت السؤال عنه سأكتفي برئيس عمله ومن يعرفونه من الأهل والأصدقاء البعيدين والقريبين.. ولو كنت مكان مها سوف أطلب أن تعفيني وتوجه السؤال لمن يحب القيل والقال.. ولو ألحت سأقول لها أنا لا أعرفك.. ولا أثق بكِ. وبس.
هذه وجهة نظري في الموضوع كله.. وأسأل الله تعالى أن يبعد عنك وعني وعن جميع بنات المنتدى الشر وأن يعوض الله صبرنا بالرجل الصالح الهين اللين المتدين اللهم آمين.. |
موقف صعب
بصراحه تخيلت نفسي في هذا الموقف واقول والله اعلم ، اذا اصرت المتصله انها تعرف معلومات عن طليقي بقولها بالمختصر المفيد اهم اسباب طلاقي ، وما افصل ابدا لأن كل واحد راح في حال سبيله تحياتي لك شوبارد |
| الساعة الآن 10:14 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©