|
زوجي والحشيش
السلام عليكم ورحمة الله وبركاتة
اول مرة اشارك وابغى نصيحتكم ودعواتكم انا متزوجة من سنتين وشهرين اكتشفت من الاسبوع الاول ان زوجي مريض نفسي ويتعالج بحبوب صبرت ولا بلغت احد وكان فية اشياء مو زينة فية ماكان يصلي وكان انطوائي ولا يشتغل بس هذي الاشياء مابينت من قبل الزواج المهم حاولت معه لين الحمد لله ترك العلاج وبداء يروح للصلاه وصار الحمدلله مايترك فرض بس صار عقليته شوي تشرهون علية اتوقع نكسة من ترك العلاج وحاولت معه وكانوا يشرهون علية والحمد لله اصريت وعالجتة طب شعبي وصار الحمدلله رزين وعاقل بعد فترة صار يسهر مع اخوياه وصار يتاخر ثم لاحظت ريحة كريه ولاحظت انة يطول بالحمام(اكرمكم الله) بالساعات والاحظ بالحمام كانة ريحة اعشاب محترقة المهم بعد فترة اكتشفت انة يحشش انا ما اعرف الا انة مخدرات وبس المهم حاولت لكن بدون فائده قلت مدام من اتزوجت مصائب وانا ماقصرت بروح لاهلي وفعلا رحت وانا كنت حامل قعدت فترة طويلة وفالاخير استجدت مشاكل ثانية وطلقني انا اصريت اني ما اتخلى عنة عشان طفلنا ابية يتربى بحضن امة وابوة وكلمتة واترجيت ترجع حياتنا والحمدلله رجعت وكنت ابكي عشان الطفل المسكين وما ابغى بكرة ياخذونة مني والحمدلله قعد سنة ونص من ترك اصحاب السوء والحشيش وعشنا سعاده الحمدلله التزام وصلاه وعباده قبل اسبوع رجعت مكالمات اصدقائة وسهر لين الفجر وجيت فجاءة الا مقفل غرفتة وطقيت الباب بسرعه وفتح الا اثار الحشيش بالارض انفجرت من البكاء وهو منكر وانا اعرف الاثار لانة سواها قبل تكفون وش اسوي ابي رايكم عارفة اني طولتها بس وش الحل اهلي مراح اقولهم ولا اهلة لانة مايجوز ولا ابغى اقلل من اهميتة وش الحل؟؟؟ |
اختي الكريمه
ما دام الطلاق لم يعد حل لكي عليكي بالهدوء و تغير طريقه معاملتك له زيدي حبك وعطفك و تشجيعك له حتي تسحبيه من شلته و لا مانع من زياره طبيب نفسي للمساعده د.نبيل |
جزاك الله الخير كله بالدنيا والاخرة
انا ما اقصر اتجدد له دائما واقترح علية اشياء جديده من تعليم ومن رياضة لاملئ يومة ولكنة اشتكى من الوحده الوحده= اصدقاء السوء |
ما هو المرض النفسيي الذي كان يعالجه و اوقفتي علاجه????
|
السلام عليكم
اختي الفاااضله, ربي يعينك ان شالله ماجربتي تدخلي الاهل بالسااالفه يعني اختااري واحد من اخوانك يكون كبير وتوثقين انه ماينجر لهذي الاشيااء عافانا الله حاولي تخليه يصاحبه اختاري صحبته وقد ماتقدري املئ وقت فرااغه لاتخليه يحس ابدا بالفرااغ جربو تطلعون لاهلكم اكثر سوي برنامج اسبوعي وخليه يختار اشيااء كثيره اهم شي مايبقى فاضي الا بالبيت ونادرا تكونين انتي معه واذا سااائت الامور لا سمح الله حاولي تتصرفين بحكمه وإستخيري بجمع اسماء اصحابه اللي يقعون بهذي الرذاائل وإتصلي بالجهاتــ المختصه بسريه تامه لكن قبلها تكوني عالجتي زوجك حتى إقتراح الدكتور نبيل ممتاز بالتوفيق وبشرينا عنك اختي طمنينا اوكي في امان الله الأخت الفاضلة، برجاء تغغير التوقيع لمخالفته التعليمات |
اخوي اسم العلاج بروزاك اما المرض ماعندي خلفية
اختي الحلوة اهو مايعطيني مجال دايم طالع وحاولت اني اشغلة في اشياء اهو يحبها ونتعلم كمبيوتر ورياضة وغيرة الا من بعد ماصاحبهم ترك البيت فقط للنوم متاخر بعد الفجر اما من ناحية اخواني لا حل لديهم الا الطلاق وهم سبب طلاقي الاول |
اختي
اسم الدواء مكتوب كذ1؟ Prozac لانو هذ1 الدواء على حد علمي مضاد للكئااابه ولا دكتور نبيلــ >>قاعده تسوي بحث عليه وبجمع معلوماته ان شالله تحملوني احاول اكون مفيده شوي برب |
صح يا اختي بس العلاج مبطله من زمان
|
هنا معلومات عن الدواء
لانو له تاثيرات جانبيه ومن الادويه اللي يتم الادمان عليها احسن طريقه سمعتها انو تتم معالجته تحت إشراف طبي لتخلص من اثاار الادمان ومعالجة حالته النفسيه اختي الله يكون في عونكــ ويساعدكـ هذ1 اللي اقدر اقوله وان شالله يرد مختص وان شالله كلامي بمحله الروابط الخارجية ممنوعة / البتول |
اختي اكثري من الدعء في ثلث الاخير من الليل لان فيها فايده
وبالنسبه لانك تشكين زوجك لاحد من اخوانك انا لست معك في هذا الشي لانك انت الستر والغطاء حق زوجك فانت اللباس الذي يستر جسد زوجك ويخفي كل عيوبه عن الناس فحافظي على هذا اللباس من التمزق الذي لايصلح بعده اكثري الحوار مع زوجك لا تحاولي ان تتركيه وحيدا قومي بتغيير شي في شكلك او في غرفتك او البيت حاولي تجديد حياتك باستمرار اكثر النقاش الهادى معه بخصوص الحشيش مبينه مضاره عليه وعليك لاتحاولي ان تغضبيه في البيت لانه سيكون الحشيش المتنفس الوحيد له واحمدي ربك على الحال فغيره مدمني الهروين وغيرها اخيتي اكثري من الدعاء له تقبلي تحياتي |
| الساعة الآن 04:01 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©