المرأة هي مشكلة المرأة
 

لاحظت ان اغلب مشاكل المرأة هي المرأة

قبل الزواج المرأة هي التي تخطب لابنها اخوها قريبها فتقف عائق امام زواج الكثير من البنات برفع سقف الطلبات و المواصفات لدى الشاب.

و بعد الخطبة تكسر ام البنت ظهر الخطيب بالطلبات و الشروط.

و بعد الزواج ما تترك الزوجين في حالهم سواءً كانت ام او اخت او صديقة او حتى مالها اي علاقة فيهم. انواع الحش و الغيبة في الزوجين و التدخل في حياتهم و خصوصياتهم.

و اذا ما انجبوا تبدأ وكالة رويتر النسائية باثارة التساؤلات: ليش ما انجبوا ؟ البلا فيه و لا فيها ؟

و اذا انجبوا ولد مسكاين ما عندهم بنت و اذا انجبوا بنت مسكاين ما عندهم ولد !

و اذا راحت بيت اهلها يومين تبي تغير جو بدئت التساؤلات: ليش راحت ؟ شكلهم متهاوشين ؟ ما يحبها ؟

و اذا رجعت اكيد ابوها غصبها ! كم يوم و بترجع ثاني !

و اذا حبت وحدة زوج وحدة ثانية انواع الفتنة و السحر عشان تخرب بينهم !

و اذا تطلقوا بدأت وكالة الاخبار النسائية: وش سبب الطلاق ؟ يقولون ان فيه كذا او فيها كذا !
و فوق هذا كله لاحظوا ان اغلب اعمال السحر و الشعوذة و مراجعي السحرة و المشعوذين و الدجالين هم من النساء !

متى تفك المرأة شرها عن المرأة ؟

وش رأيكم ؟