معاناتـــــــــي....
 

السلام عليكم
كيف حالكم ان شالله بخير
ماشالله الصراحه لما دخلت هالقسم وقريت حسيت براحه نفسيـــــــه كبيره لاني حسيت ان انتم اخوان وكأنكم يد وحده ومتعاونين وقلوبكم على بعض ماشالله
وبما اني عضو معاكم ياليت اكون معكم وتعتبروني اخت ((مدري عاد كم رقمها ماشالله انتم كثار))
فصراحــه انا اعاني من مشكله هي مو مشكله كبيره بس موضوع جدا مضايقني صراحه
انا اكبر اخواني والبنت الوحيده من اولاد ومتعديه العشرين بالعمر ومشكلتي صراحه في موضوع الخطبه والزواج وبالذات مع عماني اللي هم اهل ابوي انا بصراحه مايتم لي اي موضوع خطوبه كامله سبحان الله ربي يردد الامر...
والمصيبه اني اتعب واتضايق من هالموضوع والسبب في ان عماني مايدرون عن وجهة نظري في الخطوبه فهم دايما حاطين في بالهم اني دلوعه واني راعية شروط ((طبعا كل البنات يشرطون لكن هم حاطين في بالهم اني شروطي اعجاز)) ودايما يقنعون في امي اني اوافق على اللي يجوني ولااتشرط
مع العلم اني والله العظيم اي شخص يجيني لو كان شخص عادي جدا وميسور الحال افكر فيه دامه انه راعي صلاة واخلاق..يمكن على قولتهم اني مدلعه في البيت لكن انا الكبيره ودايما اكبر الاخوان يكون فاهم ومتفهم مو مثل الصغير بالعمر ........وبالنسبه لخالاتي عارفين الوضع وبالعكس واقفين معي الله يجزيهم خير ويوفقهم
بس فعلا انا تعبانه من هالموضوع
ياليت الاقي منكم احد يواسيني او يساعدني في حال هالموضوع

أختي الكريمه
طلباتك عادية جدا بل هي الأساس
الدين والاخلاق أساس نجاح أي زواج بإذن الله تعالى
وعندي لك سؤال كم عدد من تقدم لك ؟؟ ولماذا كان الرفض ؟؟
ولا تهتمين وفوضي أمرك لله
ومن ترك شئ لله عوضه الله خير منه

أخيرا عمر 24 سنه ليس كبير والوقت الحاضر الكثير من الفتيات تزوجن اكبر من هذا السن
تحياتي

الحل بيدينك

راجعي نفسك ، وسوي جلسة مصارحه مع نفسك

هل فعلا انت متطلبه؟ وشروطك تعجيزية؟

اذا شفت انك على حق وشروطك معقوله والاهم انها تحقق سعادتك اللي تتمنينها.

فلا تتأثرين بالضغوط والكلام الكثير.

وانصحك اقرأي موضوع اخونا صاحب رأي سديد بعنوان

" ما اتعسنا عندما تكون سعادتنا مبنية على معايير الناس"

وهذا الرابط


http://www.66n.com/forums/showthread.php?t=93985

تحياتي ، واهلا بك بينا

السلام عليكم ورحمـــــــة الله وبركاته
صراحه انا كنت متوقعه انك ياصاحب راي سديد اول من بيرد على موضوعي ماشالله عليك .......وبالنسبه للي تقدمو 4 وكلامك صحيح والله يريح قلبك بكلامك الطيب ويعطيك على قد نيتك ومشكوره على مرورك
اختthe swanمشكور على الرد وصدقيني انا مااتشرط الا البيت اني اكون ببيت لحالي وقد يصرف على نفسه
اخ سنون ومنون شكرا على مرورك ماعندي جرأه اتكلم معهم والله لانهم اغلبهم حريم والحريم صعب تتكلمين معهم في هالموضوع
حيك الله ياوجه الخير وان شالله وجهك خير علي بهالردود
بيور سول شكرا على نصيحتك وهذا اللي انا ماشيه فيه والحمدلله

أختي الكريمه
تقدم لك أربعه ولكن ما السبب في ردهم ؟؟؟ أو مالاسباب ؟؟
وايضا كم اعمار اخوانك ؟؟
تحياتي

بعضهم بلا سبب والبعض الاخر اسباب عجيبه البعض يكون في اهلي والاغرب الاهل يكونون عندنا ويترجون الوالده انه يدخل يشوفني لاني معجبتهم ونعطيهم الموعد وبعدها مانشوفهم

اخواني اربعه واكبرهم عمره 20 والاصغر 14والاصغر 10واخر العنقود 6

أختي الكريمه
ما شاء الله 20 سنه سيكون سند لك ولا تخافين وأنصحك بالتالي :
@ عليك بقراءة سورة البقرة
@ أشربي ماء زمزم فماء زمزم لما شرب له .
@ عليك بالدعاء .وخاصة في أوقات الاجابه مثل يوم الجمعه العصر .
@ إذا تقدم لك أحد عليك بالاستخاره فإذا أنصرف فهو خير لك .
@ تصدقي بنية التوفيق والزواج ولن يخيب الله ظن والصدقه مجربه .
@ لا تهتمين كثيرا بكلام أعمامك وإذا حبيتي ترتاحي طنشي وفوتي كثير ولا ستتعبين .

الله يوفقك للخير