ستايل الشعر
 

مرحبا حبايبي.. حبيت أسألكم كيف تغيرون من ستايل شعركم للبيت أو للزيارات أو الأعراس.. بليييييييييز حطوا تجاربكم

حسب المزاج :)


إيش نوع عشان نعطيكي أفكار شعرك كيف قصير / طويل / كثيف / خفيف / ناعم / مموج / مصبوغ ولا لأ ؟


الدارج الآن إذا كان شعرك طويل.. القصة تكون مسشورة و مفروقة من النص أو جنب قريب من النص.. وباقي الشعر فيه طعجات عريضة.. ومفرود.

أو ترفعيه بطريقة عشوائية مع بعض الطعجات.. بالنسبة للزيارات.. أما الأعراس ما أفضل التسريحات المبالغ فيها..

تكسير و يترك على ذلك بدون سبري.. يعني التغير يكون في تفاصيل صغيرة مو جذرية.. يعني تكون القصة نازلة من الجوانب شكل انثوي ما تلفي شعرك وراء اذنك..


أما في المنزل بعد الإسحمام.. اتركي شعرك مفرود وقبل أن يجف لفيه " كعكة " والبسي بندانة هتى الشعرات المتطايرة الصغيرة تمسد.. وبعد ساعة أفرديه.. وشوفي الفرق !


أرجوا أن أكون قد أفدتك.. وإذا في سؤال أنا حاضرة :)

مشكوورة حبيبتي mis hawaii بس أنا كنت حابة أعرف كيف يلفون الشعر رولات مثلا أو بشكل أوضح كيف تستعملون الرغوات والجل وغيرها بطريقة تغير ستايل الشعر وتكون حلوة.

الصراحة هذي يبغالها فن مو أي أحد يضبطها.. وبعدين ما تناسب أي نوعيه شعر.. إذا كان شعرك قصير الجل حلو فيه تكوني مستحمية وقبل ما ينشف شوي تحطيه.. نفس الشي الرغوة.. أنا ما أحب أستعملها لأنها تزيت شعري أولا.. وما احب أحس شي ثقيل على شعري أنزعج ! لمن شعري قصير كنت أستعمل جل.. ويطلع شكلي مرتب, الرغوة تضعيها على منابت الشعر قبل السشوار عشان يبن الشعر كثيف.. بالنسبة للرولات كمان قبل ما ينشف الشعر لفيه برولات حارة اللي بالكهرباء.. يبغالنا الصراحة ناخذ كورسات.. شوفي بمنطقتك يمكن تلاقي معهد أو كوافير يعطوا كورس تدريبي.

مشكووووووووورة حبيبتي mis hawaii .. نحن الأمهات ياليت عندنا وقت لأنفسنا!