|
ماكنت أنوي المشاركة لكن!!!!!
السلام عليكم ورحمة الله اخواتي في هذا المنتدى اللي اخذت منه كم نصيحه
بصراحه ماكنت ناوية اشارك .. وكنت اشوف أكثر من مشكلة تشابه لمشاكلي لكن ماني قادرة ابوح حتى بالنت..تقدرون تقولون خواتي مليت حزن!! خواتي ماودي اكثر عليكم..بس بحاول اختصر اللي بقوله: انا متزوجه من سنة تقريبا..توي دخلت 21 سنه..رزقني الله ببنت من شهرين ولله الحمد..زوجي يكبرني بـ3سنوات..خواتي ..أنا أكره العلاقة الحميمة مع زوجي لأني احس معاه بإمتهان..ماودي أدخل بمحظور..لكنه يبدى على طول وان شاءالله تكونون فاهمات قصدي..وأحس بألم فظيع لنفس السبب..مايتدرج بالعلاقة كلمته أكثر من مرة وقلتله لازم تصبر شوي عشانك وعشاني..لأني لو ارتحت أكيد اني بريحك أكثر..وسمعت حديث للرسول اللهم صلي عليه بما معناه انه نهى عن المواقعة قبل الملاعبه!!! وحطيت شريط في سيارة زوجي اسمه في غرفة النوم يقول زوجي هالشيخ فاااصخ الحيا!! يعني ايش اقوله بالضبط؟؟ ضمني..؟قبلني؟قلتها يقول طيب أنا حبيتك قبل شوي يعني لازم اقعد احبك طول الوقت؟؟؟ غير انه ينسى احيانا يفرش اسنانه واذكره يقول نسيت خلاص بعدين ولا بكره! طووووول وقت العلاقة القصير اللي مايجاوز 4 دقايق وربي شاهد اكرهه فيها..ومن يقضي يدخل يتحمم وينام كأن اللي معه ماهي ادميه مع اني من يخلص وان كنت كارهته وربي احب راسه واقول يعطيك العافيه لأن هذي نصيحة قريتها من سنين للدكتور مروان المطوع..وغير الكذب والتمثيل اني مبسوطه وانا احس بضيق يعصر صدري لأني اعرف وش بدينا فيه وكيف راح ينتهي غير ظهره اللي بشوفه اول مايخلص ويحط راسه وينام! وربي اني اسوي له اللي ابيه يسويه لي عل وعسى يتغير..أنا اللي اقعد اضمه واحبه وهو لا..اللي ضايقني ان الشيخ يقول للرجل لا تتجرد من ملابسك الا قبل.(...).بالضبط وليس من البدايه!وهذا اللي يضايقني لأنه يكون جاهز ومتحمس وانا لسه...! وربي اتكلم معكم واحس بضيق لأني كرهت هالموضوع..وماطرحته الا لأني ابي حل اغير نفسي علشانه وعشان يتغير معاي..ما انكر اني احب زوجي واموت فيه رغم تقصيره بنواحي ثانيه..انه مايسولف معي ودايم يقول تعبان وان كان احيانا يمارس معي العلاقة يقول تعبان وينام بدري..عساه على القوة.. ارجع واقول كيف اغير نفسي عشان هو يتغير معاي..انا راح ارجع لبيتي بعد اسبوعين لأني خلصت نفاسي..وانا عند اهلي لأن بيتي فيه صيانه..وتكلمت مع زوجي امس بأكثر من موضوع متعبني نفسيا ومن ضمنها هالموضوع اللي قلته وثار في وجهي ورفع صوته وانا ببيت ابوي! وبعد نص ساعه من البكا والانهيار قال خلاص اسف وبتغير!!!! سؤال ثاني..ايش يعني رعشة الجماع؟او الذروة؟ وكيف احس فيها وهل هي ضرورية؟ لأني ماعمري ارتحت بعلاقتي معاه..لأنها ان كثرت 4 دقايق وربي واكون توووني وربي شاهد ولا عمري حسيت براحه عقب..... افيدوني..جزاكم ربي خير دنيا واخره.. لأني امس افكر بالانفصال عنه مليت بتقصيره بأشياء كثير..غير انه يكلمني كني واحد من الشباب..ومتحملته غير انه مايراعي وضعي اني توني طلعت من ولادة وعمليه وهو كل شوي ناط بمشكله |
دخلت أقولك الله يفرجلك وأختك ترى عندها غلقه علشان كيذا برد عليك بعدين
بس اطمني الاخوات والاخوان معك بعد الله ما راح يقصرون |
الله يفرج همك وهمي وهموم المسلمين..
ويفرجها علينا بدون مانحتسب |
حبيبتي والله ضيقتي صدري الله يفرجها عليك
مشكلتك ان زوجك ماهو متفهم رغباتك الجنسيه اسفه اختي بس احسه اناني يبغى يخلص شغله وينام لازم يكون متفهم لرغبتك وصراحه انتي صارحتيه اذا سوى اللي انتي تبينه قولي الحمد لله واذا ماسوى حاولي تبينين له يعني انتي تقولين بعد الجماع تحبين راسه هالمره لاتسوينها يمكن يزعل بس يحس ان في شي وانك ماستمتعتي ويمكن كل اللي تحتاجينه تجديد سوي له ليله غير شكل خليه يحس بانوثتك ابرزي له مافاتنك شكلي له بالقمصان وعلى فكره انتي الحين جايه من النفاس يمكن اول مره يالمك وماتستمتعين يعني لا تستعجلين وعليك بالدعــــــــــــــــــــــــــــــــــــــــــــا ء في احتمالات كثيره بس انتي ادرى بزوجك الله يوفقك وطمنيني عنك لاني والله بديت احاتك من الحين على فكره بنتي كبر بنتك وهدا اول مولود لي الله يخلها لك والحمد لله على سلامتك |
عزيزتي..
إنتي حملتي بسرعة.. يمكن ماحصلتي فرصة إنك تنوعين له في أوضاع الجماع بسبب حملك.. ألحين خلاص.. أقراي عن أوضاع الجماع.. وخلك نشيطة.. وكوني إنتي المتحكمة في العملية.. قولي له جرب كذا وكذا.. بعدين نقطة ثانية.. 4 دقايق.. يعني زوجك يعاني من سرعة القذف.. وهذا الشيء يستوجب علاج طبي.. وماتشوفون شر... |
حبيبتي...
قريت لتو موضوع عن اوضاع الجماع.. واكتشفت ان احنا سوينا اغلبها!! وتبين تضحكين؟ انا اللي اشكل له... وحتى القمصان انوع فيها.. وكل شوي اشري جديد.. بس ربي الهادي مع اذانه اللي انرفع... ادعولي تكفون.. واللي يقدر يساعد بعد الله لا يبخل... |
كلي ملح...
جزاك الله خير واثابك على صدق دعائك.. خلاص بناتنا يكونون صديقات :) |
احلى صديقات بس طمنيني
|
حبيبتي الله يفرج همك بس عندي لكي نصيحه ليه ما تزيدي الدلال علي زوجك مثل قول يتمنعن وهن الراغبات وتحاولي اثارته حتي يريدك اكثر ويمتعك بالكلمات واللمسات الرقيقه حتي ترضي عنه.
صدقيني عزيزتي تلك الطريقه ناجحه كتير وتثير الزوج وتجعله اكثر شوقا ورقه حتي ترضي عنه زوجته وابدئي انت باللمسات الرقيقه والهمسات في بعض الوقت حتي يشعر باهتمامك ويقدرك ويكون الحب والاشتياق متبادل. والله يسعدك حبيبتي مع زوجك ويسعدك |
ربي يفرج همك اختي الفاضلة و الصبر مفتاح الفرج غاليتي
|
| الساعة الآن 08:52 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©