|
ان شاء الله ربي بيعوضني باللي احسن منه
السلام عليكم
ماتدروووون قد ايش انا متضايقة وتعبانة في اللحظة هذي واحس انه مالي حظ في الدنيا ,,, حصل شئ وابغاكم تقولوا رايكم اتعرفت على واحدة من الاخوات في احد المنتديات بطريقة عفوية وحلوة وفجاة الاخت هذي طلبت مني اذا فيه عرووسة حلوة لاخووها لانه يبغى يتزوج قلتلها ان شاء الله باشووف وانا عندي صحبات كثير في الجامعه ومن هذا الكلام وما انكر انه جزء مني كان يقوول يارب تلاحظني وغريبة مااختارتني انا ويمكن اسلووبي مو حلو المهم بعدييين نسييييت واتذكرت اخت واحدة من صحباتي عمرها 26 وحلوة وعسوولة وماافيها شي ودليتها عليهم طيب العلاقة اللي بيني وبين هذي الاخت بس بالرسايل الخاصة في المنتدى وطلعت ماكانت عارفة عمري ولاشئ عني عشان كذه مافكرت فيا وتحسبني متزوجة انا اصلا خلاص نسيت الموضوع بس الحييين صار الكل يسال غريبة ما اخذتيه لنفسك ؟ >>> كاننا في حلقة خضار نبيع ونشتري حلوة هذي :d صحبتي سالتني وتقلي يالولو غريبة طيب ليه ماقلتيلها عن نفسك ؟.. وانتي محتاجة زواج اكثر من اختي >>> لانها تعرف كل شئ عني وعارفة ظرووفي فقلتلها لا انا على طوول فكرت في اختك وهيا تتمنى اكثر مني وانا لسه صغيرة ومو مستعجلة ومن هذا الكلام الحيين تقولوا فيين المشكلة ؟؟؟.. المشكلة اانه احس الكل يقوول عندك شئ ومو طبيعي اللي سويتيه حتى امي مستغربة وانا كان قصدي طيب ويابخت مين وفق راسين بالحلال وانا خاايفة انه مايحصل نصيب بينهم واكوون مثلا انا السبب يعني في رايكم انا غلطت اني ارسلتها لصحبتي ؟.. او ممكن مايتم الزواج بسببي ؟.. واني والله ادعي واتمنى من كل قلبي وربي الشاهد على كلامي انها تتزوج ويحصل نصيب لانها مسكييينة ومالها ذنب بس بسبب الكلام الكثييير صاروا يحسسوني بالندم واشياء تافهة مالها داعي يعني الحيين لو كنتوا مكاني كان سويتوا نفس الشي ؟.. وايش كان تصرفكم ؟؟؟.. بغى اعرف كيف حتتصرفوا ؟ |
السلام عليكم ورحمة الله وبركاته
السؤال هو موجه للأخوات لكن اسمحي لي بالمشاركة. ما فعلتيه أنتي ستفعله اي فتاة في موقفك ، لأني أظن أن حياء المرأة أو قد يسميه البعض عزتها تمنعها أن تقول : أنا هنا .. أنا أريد أن أتزوج بأخيك! ولكن كان بالإمكان إيصال هذه المعلومة بطريقة فيها تلميح أو دعابة ، لأنها ربما لو كانت تعلم أنك لست متزوجة ربما اختارتك أنت. وفي النهاية : هو لا محالة شر صرفه الله عنك ، وخير ساقه إلى صاحبتك. |
بالفعل يا اخي الكريم عزتي وكبريائي يمنعوني اقوول كذه ... وهيا عرفت اني مو متزوجة عن طريق مزحة قلتها
قلتلها لاتحسبيني متزوجة انا بنووتة صغيروونة <<<< ادلع نفسي :d وسالتني طيب ياعسل ما انطبقت عليكي شروووط اخويا وقلتلها الا انطبقت بس مافكرت في نفسي وقاعده امزح واحاول اغير الموضوع اصبر نفسي دائما بانه شر وراااح بس والله خايفة على صحبتي وما اعرف ليه رغم اني مو حسااادة ابدا ويعلم الله لكن كثر الكلام سبب صداع |
اهلين اختي كبريائي..
انا اكثر من مرة بمنتدى بنات يرسلون لي رسايل خاصة للخطبة ماأنكر ودي بس كنت بصراحة خايفة وشاكة بالموضوع واعتذرت.. وحدة أصرت ودايم صارت ترسلي تذكرت وحدة من صدديقاتي وقلت لها عنها تحمست وقال عطيني معلومات عنها.. كلمت صديقتي ومرة كانت فرحانة وتدعي لي وتترجاني أكمل الموضوع أخذت رأي الأعضاء هنا والعضوات وماشجعوني وبنفس الوقت شلت هم اخاف اوهق صديقتي او يكون غير مناسب او الشغلة فيها لعب اعتذرت...حتى انحرجت بصديقتي ايش اقولها؟ لكن دبرت صرفة وصرفتها الحمدالله كبريائي.. الأقدار بيد الله وربي كاتب لك زوجك لما كنت ببطن امك صح.. اذن ماهو مقدر لك.. وانت سويت خير.. وان شاءالله ربي بيرجعلك الخير الله يوفقك ويسعد قلبك |
اقتباس:
آآمين يارب العالمييين ويوفقك انتي كمان ويسعدك ويسعد كل باقي الاخوات ويحققلهم ربي اللي يتمنووه |
كبريائي
اولا هو ليس من نصيبك ثانيا لا تندمي على خير فعلتيه فانتي تمنيت لاغيرك مثل ماتمنيت لنفسك وعموا علاقات الانترنت غير مطمئنه ومخيفة وتسبب شي من القلق ولا تخافي رزقك بيجي ان شاء الله |
اقتباس:
إن شاء الله وعاد انا صار عندي ادمااااااااان على النت من كثر الفراغ وبالذات هذا المنتدى :d البث يشتغل 24 ساعه تسلمي ياقلبي على كلامك الحلو انتي وباقي الاخوان الحمد لله انبسط لما اقرا ردودكم احس في احد معايا :29: |
ما شاء الله عليك
والله اللي سويتيه الله يجزاك خير عليه يارب ويرزقك اللي احسن منه |
اقتباس:
آآآآمييين عاد انا صارت عندي احلام وردية مثل المراهقات :d ومستنية اليوم اللي اكتب في المنتدى باركولي انا اتخطبت :25: |
ربنا يجازيكى كل الخير على ما فعلتى
ولا تندمى اخيه على شيىء فعلتيه لله وكما قلتى يابخت من وفق راسين بالحلال تحياتى غاليتى |
| الساعة الآن 06:37 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©