|
ما حيلتي ؟؟؟؟ زوجي يهددني بالطلاق
والله ماادري وش فيه ابدأ .. مشكلتي مؤرقتني ...
انا يااخوان احب اولادي واموت فيهم .. وبرضوه زوجي .... واخاف مررررررره من موضوع تشتييت عيالي او لاسمح الله يجي ابوهم شيء ...-بعد عمر طويل يارب - يعني احس اني بفقد عقلي او بتم اتعالج نفسيا ... إن شاء الله ما يصير هذا أبداً .. والله لو اقعد من اليوم لبكرا اشرح لكم حبي لهم ماتصدقون ... المشكله هي : ان زوجي عارف هالشيء وعارف اني اموووووووت فيه وان الدنيا بدونه ولاشيء ... ودايم ادعي قدامه اني امووت قبله علشان مااموت من القهر والجنون ... المشكله انه مستغل هالنقطه .. وكل ماتخانقنا انا واياه لأدنى سبب يهددني بالطلاق !!!!! والسبب اتوقع انه لانه مره تخانقنا ووصل الامر حده يعني هوشه كبييييييييييره فعلا بغت تنتهي بالطلاق بس الله ستر .. قال لي وقتها وكان قبل الفجر بساعه بس : ( قومي وشيلي اغراضك علشان من بكرا تروحين بيت اهلك ).. انا على طول جلست ابكي واقول ماابي اروح ابتم جالسه في البيت وفعلا مارحت !!!! انا اتوقع انه مسك هاي الكلمه وعرف ان ماابي افارقه دقيقه وحده .. بصراحه هو رجال عاقل بمعنى الكلمه يعني انا مستغربه من كونه يهدد بالطلاق ؟؟؟؟ وش رايكم يااخوان؟؟؟؟؟؟ كل ماتخانقنا يقول : ليش ماتروحين لاهلك بس ؟؟؟ ريحي نفسك وريحيني .. يمكن هو يكون قصده فتره معينه لحد ماتهدأ الامور وبعدها ارجع .. لكن والله تعبت من هالكلام ... احس انه يهييني فيه ... انا والله امووت في اهلي واغليهم ومسألة ماابي اروح لهم مو علشان شيء بس علشان عيالي اولا لانهم ( حركيين) ويفسدون احيانا ... والشيء الثاني اني مااحب ان اي مشكله يكون اهلي عارفين فيها .. يعني فرضا لو رحت لهم .. مو بيسألون ليش جايه؟؟؟ وبيستنتجون بالنهايه ان بيناتنا مشكله ؟؟؟ الله يخليكم ... طلبتكم... وش رايكم؟؟؟؟ والله من جد مقهوووره الله يحرم وجوهكم عن النار .. ويبعدكم عن المشاكل .. ويسعدككم دنيا واخره لاتبخلوون علي تكفوووون |
شكله يهددكي لانها عاارف انها نقطة ضعفك لكن في قرارة نفسه مايبغى والله اعلم
نصيحيتي حاولي تتجنبي المشاكل وماتردي عليه وسوي اللي يبغاه ولاعاد تبيني نقطة الضعف هذي ولما تكونوا رايقيين ولوحدكم كلميه بحنية وعبري عن حبك واساليه ليه يسوي كذذه؟ الله يسعدكم ربي ويبعد عنكم كل خبيث |
اختى الكريمه لاتسالى بيه ولما يقولك روحى بيت اهلك
قوليله ده بيتى انا لو تعبان شوف انت عايز ايه انما ده بيتى وبيت عيالى اياكى تسيبى بيتك مهما صار واتقلى عليه ولا تسالى بيه وحاولى يعنى لما يصفى معاكى تدللى عليه وسوى شوى حركات وحسسيه بغلطه وحننه قلبه عليكى وعلقيه بيكى اكثر منه |
والله ثم والله ثم والله ... اني احاول قد مااقدر اتجنب المشاكل ... ومااكدر خاطره ... حتى تصدقين اني احيانا اتغاضى عن اشياء ضروريه جدا ... مراعاة له ولحالته النفسيه .... وتجنبا لتكدير خاطره ...
اغلب مشاكلنا تتعلق بالناحيه الماديه ... اهو موظف كبير لكن نصف راتبه يسدد فيه قروض .. والنصف الثاني مصاريف ........... .. وانا غير موظفه .. ولي 3 اولاده ... يحتاجون مصاريف وملابس وغيرها .. ويحتاجون كمان يصير حالهم حال الاطفال الثانيين .. يروحون ملاهي او يشترون حلويات .. انا دايم ساكته واتغاضى ... لكن مسألة انه مايعطينا اي شيء ويتم ساااااكت الى حد ما افتح معاه الموضوع بعدها يعصب وووووو ..... الخ .. حاولت فيه اكثر من مره اني اتوظف علشان اساعده في المصاريف ومارضى ... ويقول انا مو مقصر عليكم .... واللي تبا تحتاجونه اشتريه لكم ... لكنه مجرد كلااااام ... والله صرت ابيع من ذهبي ومصوغاتي علشان مااكثر من الطلب اللي مايجيب نتيجه ... صرت اقول له نبي مصاريف وتنقلب هوشه على غير فايده .. ومااحصل اللي ابغاه ... وبعد كل هذا .. ما اتحمل اشوفه زعلان لايام طويله ... اروح واراضيه واحب على راسه علشان يسامحني ... والله من جد تعبت .. حالتي النفسيه في تدهور ... ودي بحل .. الله يخليكم |
شووفي حبيبتي يمكن هوا شاايل هم الديوون
حاولي قدر الامكان بس تجيبي الاشياء الضرورية في البيت واخرجوا مثلا مرة واحدة في الاسبووع مراعاة لزوجك وربي بيعوضك وفي البيت اشغلي نفسك انتي والاولاد والملابس وغيرها في المناسبات والاجازات صدقيني راح تتعبي بس عندي امل كبير في الله انه يتغير لما تطلبي منه شي اطلبي في وقت يكوون رايق وما يكوون شي كبير وكمان انا عندي فكرة >> عبقرينو:d ايش رايك تشتغلي بشغل عن طريق النت ؟؟؟؟.. انا ممكن اساعدك بمنتديات او مواقع تشتغلي فيها وانتي في بيتك والراتب وغيره عن طريق حوالة بنكية وانا اعرف بنات كثير ....... يشتغلوا بالنت والله احسن مننا :( |
كبريائي ... ياليت تفيديني اكثر ؟؟؟؟؟
ماعندي مانع ... تصدقين افكر اني اسوي طبخات وابيعها على الجيران او اتعامل مع تموينات؟؟؟؟ افيديني الله يخليك ... فكره حلوه |
حبيبتي ممنوع وضع روابط خارجية لكن سوي بحث في القوقل عن
موقع لك >>> بكسرة تحت الكاف متجر حواء وموقع الفراااشة ادخلي واقراي وشوووفي الحريم ايش يعرضني واتعلمي مثلهم والله العظييم الاخوات يجيبوا اشياء ممكن تكوون اقرب الى العادية ويبيعوا وفي اخوات ..... الله يعطيهم الصحة يجيبوا اشياء من بلدان أخرى ويبيعوها في بلدهم وفكرة انك تطبخيين وتبعيين روعه :22: ترى احنا ماهمنا الا بطووننا :23: >>> الله يعطيكي الصحة وطمنيني عليكي ياقلبي واذا تبغيني اساعدك اكثر ماعندي مانع |
الله يسعدك إنت ورجلك بس أختي أنا أنصحك الرجال ما يحب النكد وراعي نفسيته وترا الرجال دايم يحس بكسره لو أهله طلبوا منه شي وحس إن وضعه مايسمح إتحملي والله يفرجها عليك وبالتفاهمه قوليله أنا مره تظايقني كلمه روحي بيت أهلك أنا هذا بيت أهلي وبيتي ومالي بيت غيره وأنا بتغير وماراح أنكد عليك وأبيك إنت كمان تتغير وتراعي إللي بينا وعمرك ما تقول هالكلمه عشان مره تجرحني ولو كررها لا تزعلي ساعديه يبطلها
يا أختي أهم شي الحب مدام وجد والحمد لله كل شي بعده سهل إحنا الله عطانا نعمه العقل والحمد لله فكري في حل المشاكل السهله هذي ودربي نفسك على الصبر يوم ورى يوم والله يكون في عونك |
نقل الى عالم المتزوجين مكانه المناسب للتفاعل
|
اه يا امى كل يوم ازداد احتراما وتقديرا لكى
يضربها ابى فتعتذر له يسبها ابى فتراضيه يتجاوز حدوده معها فلا تتحدث وهل تعرفون مالذا يحدث بعد ذلك يصالحها ابى بالرغم من كل خطاه وما يفعله تقبل الصلح لكن بعد تدلل امى فهمت ابى جيدا لذلك احتوت غضبهوعرفت كيف تعامله اضحك كثيرا عندما يتشاجران لانى اعلم انه الخاسر فى النهاية وانه سيبدا الصلح سيدتى افهمى زوجك واحتويه كما فعلت امى تحياتى |
| الساعة الآن 08:52 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©