|
ماذا يوجد في ثلاجتك؟؟؟؟؟
لايخلو بيت من الثلاجه وذلك لأهميتها في حفظ الطعام وأشياء أخرى مثا الأدويه البهارات......و.....و وجاتني فكره إنه كل وحده في المنتدى تدخل تحط ماذا تحتوي ثلاجة المنزل عندها يعني كل وحده تحط أفكارها لترتيب الثلاجه :confused:
فمثلا عندي بالفريزر إسبرنغ رول مجهزته لوقت الزنقه وكبه ولحوم بأنواعها وفي باب الثلاجه جاتني فكرة حلوه قوارير الصلصه حفظت بها بعض أنزاع البهرات مثل الكمون الفلفل الأسود وكمان الهيل والبن علشان يجلس محتفظ بطعمه وعلى فكره الأشياء حفظتها مصححه مو مطحونه علشان لما أطحنها تطلع طازه :p أما الثلاجه ففيها الدقيق والبقوليات في درج والدرج الثاني للخضروات والرف التحتي معلبات الجبنه واللبنه والمخللات وغيره الرف الموجود في النص باقي الطعام حق الغداء أو أشياء أخرى الرف العلوي قوارير العصير أما رفوف الثلاجه فهي للمايونيز والصوصات وقوارير ماء الورد والكادي ......... والبض وعلشان مايكون هناك را~حخ في الثلاجه وضعت فحمه في الشاش ووضعتها في الرف وسلامتكم وياريت كل وحده تدخل تحط طرق ترتيب الثلاجه عندها وأفكارها في ذالك وياريت الفكره تكون عجبتكم :rolleyes: أختكم ريتال |
أكيد ريتال أصلا كل أفكارك حلوه
بس انا بخاطرى أعرف إشلون نقوم بتثليج ( المانجو ) والفراوله حتي نكون جاهزين لي أعداد عصير الكوكتيل لان احس طريقه غنك تشترى المانجو والفراوله بموسمها وتقومي بتثليجها لكن ماني عارفه بالضبط كيف ؟؟؟ مع العلم إني اشتريها مثلجه وخالصه ......... بس حابه انا من نفسي اسويها ؟؟؟؟؟؟ تثبيت :) |
انا عندي ثلاجتين <<<<<< قولوا ماشاءالله
وفريزر لوحده الثلاجه الاولى : للخضروات وعلب النعناع والبقدونس والغدا الزائد على قولة ريتال وقوارير موية الورد والكادي والبيض يعني شوية حوسه... أما الثلاجه الثانيه وماأدراك ما الثانيه...... مكشوفه يعني زجاج هذي سبشل للعصيرات سواء الطازجه او الجاهزه وكمان للفاكهه وللحلى الكاسات او الصينيه .... الصراحه شكلها يهببببل وتفتح النفس... انصحكم فيها ..... والفريزر بحط فيها انواع اللحم والمعجنات والحبوب وبعض الخضروات مثل الذره الفاصوليا ... وسلامتكم وحياكم الله |
على فكره نسيت أقولكم طحنت الثوم ووضعته في الكيس وفردته يعني بسمك أصبع وبعدين وضعته في الفريزر ولمن جمد قطعته على شكل مربعات ووضعته في علبه في الثلاجه وبكذا ماأحوس لمن أحتاج الثوم أخرج قطعه قطعه والزنجبيل الأخضر كمان سويته بهذه الفكره :eek: :confused: هيا ياستات البيوت أفكاركم علشان الثلاجات :p
غاليتي أكوان أشكر لك مرورك وتثبيتك للموضوع وطريقتي في تفريز المانجو هذا لمن يكون موسمها أجيبها بكميات كبيره وخاصه الطريه منها وأقشرها وأقطعها شرائح وأضعها في علب بلاستيكيه أو كيس وأسطحه مثل التي في السوق تقولي سوبرماركت ريتال هههه :D :D المهم الفراوله أجيبها في موسمها وأغسلها جيدا وأقوم بتقطيع رأسها ياحرام :p وبعدين أغسل علبها إللي جات فيها وأرصها مره ثانيه فيها وأغلفها بالنايلون((الكلاد)) وأضعها في الفريزر وكل ماأحتاج أخرج علبه وأستخدمها على فكره برضه أنا أحب عصير الكوكتيل (( ما أقول فوله وأنقسمت نصين هههه)) :p ;) الأخت سابرينا ماشاء الله أولا علشان لاتقولي حاسدينك وشكرا على مرورك ثاتيا وثالثا ماأعطيتينا فكره مسويتها عندك في الثلاجه :cool: علشان الكل يستفيد وأي سؤال أنا حاضره |
ما شاء الله عليج عيني عليج بارده
حلوه افكارج وان شاء الله نستفيد من بعض والف الف شكر لج |
اليكم يا سيدات المنتدي
فكره حفظ الجوافه اغسليها ونظفيها قطعي الجوافه الي قطع مكعبه او صغيره نوعا افصلي البذور عن اللحم الخارجي ضعيها في كيس وافرديها ثم تحفظ في الفريزر علي وجبات حسب الأحتياج ملحوظه .......... تضرب البذور منفصله لسهوله تصفيه الباقي بدون عناء |
الغالية..ريتااااال..
ست...بيت..ماشاءالله.... الحقيقه......انا..اكره..ترتيب..الثلاجه..وخصوصا..عن د..عودتي..من السوبرماركت..وترتيب..الاغراض..فيها... لكن......عندي...سؤالين....مهمين...جدااااا.. الاول..كيفية..الاحتفاظ..النعناع..لفتراااات..طويله. . الثاني:قلتي..انك..تحفظين..البن..والهيل..بالثلاجة.. طيب.....ماتتغير..رائحتهم..وتختلط..رائحتهم...مع..رو ائح...بقية..الاطعمه.. والف.....شكرررر...مقدما.. |
شكرا لأماني على مرورها :rolleyes:
وشكرا لمتزوج على الإضافه الحلوه بس أكيد هذه اضافه من زوجتك الله يهنيكم :rolleyes: حبيبتي توته والله إنك صادقه أحب أروح للسوبرماركت وألملم كل إللي في خاطري :D بس لما نرجع أتكدر من الترتيب ساعتها أقول ياريت ما لميت هذا كله ( طبعا إللي شريته يكون ناقص في البيت ) :rolleyes: غاليتي عن طريقتي في حفظ النعناع طريقتين أول وحد أجيب علبه بلاستيكيه وأحط فيها منديل أسفل العلبه وبعدين أنظف النعناع من الشوائب ما أغسله وأرصه في العلبه ومن فوق كمان منديل الطريقه الثانيه وهذه مره تحفظه بشكل مطول جدا وهي حفظه في قاروره زجاجيه محكمة الغلق بعد نزع الشوائب منه وبصاحه أستخدمت الطريقه الأولى في بداية زواجي وبعدين تعلمت الثانيه وأصبحت أستخدمها وعلى فكره لمن تحسي إنه بدء يذبل غسليه وأنشريه على ورق وجففيه وأحتفظي به لوقت الحاجه للسلطات ..... أما عن البن والهيل فهو مطحون بكميه بسيطه كما قلت وكل ماتخلص أطحن جديد علشان يكون كأنه طازج ولمن تحطيه في قاروره زجاجيه محكمة الغلق ما يأخذ ريحه ترى كل العيله على هذا الوضع وأي سؤال الأخت ريتال تجواب في الحال ;) :p :cool: |
| الساعة الآن 04:35 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©