|
آآآه تعبببت ...!!!
انا ضايقة
حاسة اني بنفجر ماتحمل والله مااااااااااااااااااااااتحمل مابغى احد يتقدم لي راضية بحااااااااااااالي راضية ثم راضية اهون من اللي يصير لي يجون ثم يروحون صرت اخاف من اي احد غريب اشوفه قدام عيوني اشك انهم قد خطبوني وراحو ياربي والله مدري وش اللي فيني من 3 سنوات وحالي منقلب لاحول ولاقوة الا بالله والله ماتمر فترة الا اقول هذا الفرج ان شالله توني بفرح توني بستانس اقول هذي الدنيا بدت تفتح ابوابها بوجهي وسبحان الله فجأة كل شي ينقلب انا يأست حاسة اني خلاص ماراح اتزوووووووج الظاهر اني ماني طبيعية زي اي بنت لحد يقول كل البنات مثلك لااااااااا محد مثلي مافيه انااعرف بنات كثير محد مر مثل اللي مريت فيه ابد والله صرت كل شي اشك فيه اشوف شريط الفيديو حق حفلة تخرجي واشوف سعادتي واقول بنفسي فرحانة مبسوطة اني متخرجة مااااااااادريت اني من حال السعادة والفرح لحال الشقااااااااااااااااااااااااااااااااااااااء.. اهلي يباركون لي ويقولون لي خلاص بنفقدك ياشوبارد كلها فترة قصيرة وتتزوجين. مساكين ضامنين زواجي مادرو اني بقابلهم ااااااااااااه ياربي ارحمني اللهم اشرح صدري ويسر لي امري |
يارب ارزق شوبارد الزوج الصالح عاجلا غير اجل اللهم امين
|
رغم كل ما قلتيه وتقولينه فأنا ما زلت اجدك صغيرة ومو مثل اللي بعمرك اللي تخاف من عدم الزواج ، وماذا تقول من وصل عمرها الى 40 و 45 وما عاد عندها امل في الانجاب اذا تزوجت ؟!! هذا ان تزوجت ؟
لو تشوفي بعض زميلاتي في العمل فوق الاربعين ، ولا حاملة اي هم ، عايشة حياتها ومبسوطة وحيويتها كإنها في العشرينات مع انها لو تشاءمت وفكرت بنفس الطريقة معها حق بسبب عمرها اما انتِ فلا ، لان الفرص ما زالت امامك . انا لا اقول ان لا تتمني الزواج فهو امر طبيعي ومن حقك ، ولكن تكوني بهذا اليأس وهذا التشاؤم ؟ فهو امر مبالغ فيه اسمحيلي لا اجد عمرك مبررا لكل ما تحسين به ، اكرر ما زلتِ صغيرة على كل تلك الاحاسيس التشاؤمية. لا تقولي انني اقسو عليكِ ، ابدا انا احبك في الله واتخيل انني اتحدث مع اختى والتي يهمني كثيرا ان لا تستسلم لتلك الافكار . |
ليش ياشوبارد ..
ياقليب والله اني احبك في الله من كنت قارئه فقط في المنتدى وانا اشوف مواضيعك وردودك .. والله انك ماشاءالله .. مافيك قصوور .. انتي خلي املك في الله كبير .. ليش انتي كم عمرك عشان تيأسين ..؟؟ الله كريم .. سبحاااااانه .. |
انا مع اختي البتول فعلا فيه بنات معي في العمل وصلوا الأربعين وما تزوجوا احياناً اقول اذا وصلت مرحلة اليأس .. ياترى لو وصلت سن الأربعين وما تزوجت وش راح يكون موقفي هل سأظل صابرة محتسبة .. ثم أجدني أطمئن نفسي بقول اللي صبرني هالسنوات يصبرني فيما بقي من عمري .. بصراحة أرجوا من ربي الهداية والثبات حتى الممات ... شوبارد : الله يثبتنا على دينه .. وأن لايفتننا .. أسأل الله أن يعجل بالفرج لنا ولك ولكل أخت مسكينة . . . . . . اختك / بنان |
شدعوووووووووووه شوبارد
والله ماتوقعت اقرا لك موضوع بالمضمون هذا .... تعوذي من الشيطان يا بنت الحلال ... نسيتي موضوع الأخ الكبير هذا هكذا تدمرين حظك بيدك فانتبهي حتى لو ماكان احد مثلك ولا مثلي ولا مثل اي شخص مو ضروري ... خلي مايكون احد مثلك عادي ياما في الدنيا غرائب وعجائب .. انتي اروع عجيبه في الدنيا ومخليك الشي هذا مميزه :d هونيها وتهون ولازم نمر بلحظات تعب واحباط كثيره .. لكن اللي يزيد وضعنا خطوره اذا دخل فيه لمحه يأس ... تعوووذي من الشيطان والرجل متى ماجاء الله يحييه ... واذا صرنا 26 او 27 او 28 او 30 او 40 او اكثر كل اللي يجي من الله خير وبركه .. اللي .مالقيناه في الدنيا اهم شي شي مانخسره في الاخره الله كريم ياشوبارد .. شده وتزوووووووووول . ومابعد الضيق الا الفرج .... استغفري كثير كثير كثير الحين بالوقت هذا والله ترتاحين |
لو مافيه احد يتقدم لي اقول هذا نصيبي الشكوى لله
لو خطابي قلال اكون على امل انه يجي الأفضل والأفضل لكن انا غيييييييييير ماخليت بنت ماحاولت اشوف كيف وضعها حتى بالنت اشوف البنات غيري انا كل شوي واحد يتقدم لي وينسحب كل فترة احس بالفرح في قلبي.. اشوف الأمل بعيون اهلي.. وفجأة ننصدم افهمووووووووني تكفووون تخيلو كل شهر او شهرين ناس يدخلون بيتوكم وبدا الأمر يمشي وفجأة يعتذرون مع انهم في البداية كانت الأمور تمام تخيلو كل فترة يصير موضوع خطبة مدتها اذا كانت قليلة شهر اكون بهالشهر متأملة.. تخيلو الاتصالات واللأسئلة والتفكير والمشاورة والبيت حالة استنفار واخوي فلان راح المكان الفلاني يسأل عنه واخوي الثاني راح للمكان الفلاني وحماس اهلي ويدخلون بيتنا واهلي يتناقشون فيه والحريم يدخلون بيتنا ويتفرجون علي كأني مسرحييييييية اااه يالقهر بس واخرتهااااااااا ولااااااااااااشي تخيلو منظري قدام اهلي.. تخيلو كيف نفسيتي المتحطمة فيه فرق بين وحدة تتامل ان احد يتقدم لها ووحدة كل شوي يجيها واحد وتتحطم فررررق شااااااااااسع |
عزيزتي شوبارد
والله ماادري وش اقولك ولا اعرف كيف اخفف عنك عزيزتي كل وحده لها مشكلتها تخيلي انا عمري 25 ولااحد تقدم لي يعني وش تفسريني هذا الشئ هل هو عيب فيني او مشكله احيانا افكر اقول ماينقصني شئ الحمدلله مقبولة الشكل جامعيه حبوبه وطيبه لكن سبحان الله مااحد جاني يالغاليه مابيدنا غير الدعاء والصبر اللهم فرج همنا |
حبيبتي شوبارد طيب شوفيني قدامك انا برضه مثل ريناد مافي احد اتقدملي رغم اني حلوة وجامعية ومتدينة وحبوبة وطيبة وكل شئ فيني حلووو لكن ربي مو رايد انا لو بيدي اتزوج الليلة قبل بكرة ..
والله انا عارفة ايش تبغي تقووولي وبايش حاااسة والله قهر لكن قوليلي ايش نسوي ؟؟؟ ماعندنا غير الدعاء والصبر وياقلبي استغفري ربنا كثير ... وخليكي معاه والفرج قريب ان شاء الله يارب ياقادر ياكريم عقبال مانشووفك عرووسة وتقولي انا اتخطبت باركووولي :14: |
أختي في الله شوبارد
اسمحيلي يمكن الي يتقدمون لكي مافيهم خير سبحان الله وربي ردهم عن الزواج بك لانه سبحانه عالم بكل شيء اختي اكثري من الاستغفار فهي من أسباب الرزق وفقكِ الله |
| الساعة الآن 09:03 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©