هل اصارحه ام لا؟
 

عزيزتي..
أنتهى الموضوع..
ومرت حفلة الخطبة على سلام والحمد لله..
بالنسبة لعاداتنا..
حفل الخطوبة وكافة التجهيزات التي تلحقها على أهل الزوجة..
هذا هو المتعارف لدينا..
لا تذكري له الموضوع حتى لا يتضايق..

مرحبا اختي,,,:17:
"لا يكلف الله نفسا الا وسعها",,
حبيبتي اقنعي باللي الله اعطاكي اياه,, وحرام تكلفي خطيبك فوق طاقتة وبالذات انو حابب يعتمد على نفسة من غير ديون ولا مساعدة اي شخص,,,
والله انو انسان رائع وانتي كمان ساعديه وشجعيه,,,
واللي ما بتاخديه في فترة الخطبة ان شاء الله ربنا بيعوضك عنو بعد الزواج وبالذات انك راح تكوني مراعيه ظروفه ووضعة ,, وطبعا هو ماراح ينسى هالشي.. بالعكس يمكن يحطك في عيونو وما ينسالك اياها
بالعكس ارضي بالقليل وماراح تلاقي الا كل خير ان شاء الله,,,,
ومتل ما حكت الاخت من قبلي انو تكاليف الخطبة كاملة بتكون على اهل العروس,,, يعني همة المكلفين بكل شي,,,
الله يهنيكي ويسعدك يارب,,, شكلو مبين عليكي انك طيبة,, حرام ما تكسري خاطر خطيبك:22:

نصيحتي لا تفتحين الموضوع وانسي السالفة
وما دام العرس وتكاليفه عليه فإنتي واجبك انك تساند ينه وتشجعينه وبالعكس لازم تكونين فخورة وفرحانه انه يريد يعتمد على نفسه
كبري عقلج ولا تهينين نفسج عشان كماليات ما لها اي معنى
الله يوفقك ويتمم العرس على خير

ليس عيبا أن نرى أشيائا ليست فينا ، العيب أن نتمادى في تصوراتنا ونربط مصير أناس بنا،

كنت داوما أتصور أنني أستطيع أن أتحمل أن اتنازل عن أشياء تبدو بسيطة في سبيل أن أتزوج (زوجي حاليا) ولكني اكتشفت أن ما هو بسيط عند بعض الناس قد يكون عظيم عندي ،

انت فقط التي ستستطيع أن تتخذ القرار ، تكملي أو لا ، تقولي له أو لا

اجمل حاجة في الدنيا ان بيتك يكون كله من تعب زوجك وليس ابيه انا اسست بيتي من راتب زوجي فقط ولايهمني رأي الناس فهو الانسان الذي احببته ورضيت به زوج وكل زواج وله ظروفه لماذا اتضايق عندما تخطب اختي او ابنت خالتي او اي فتاة هما عندهم المال والقصور والخدم والحشم وانا عندي هو وهو عالمي ودنيتي جنتي وناري هداكي الله

نصيحة لاترجيه الان تلاقيه شايل هم

اصبري عليه

اشكركم جزيلا اخواتى,,,,بس فيه امر اوضحه ,,احنا عندنا حفل الخطوبه نعم على العروسه بس حفل العقد يكون على العريس ومستلزمات العروسه هوه الى يجيبها مثل ما قلت لكم الفستان والكوافير حتى بوكيه الورد والسياره الى تزفها تكون عالعريس ,,, وهذا امر متعارف عليه عندنا ... لهذا حز فى نفسى ما حصل لانه ما جابو هذه الاشياء الا لما احنا قلنالهم عليها ,,يعنى(مثلا) معقوله اهل العروسه يرورحوا يقولوا للعريس انت ماراح تجيب الشبكه والا ايه؟؟ يعنى هذا مثل وقيسوا عليه يعنى الى عاوزه اوصله ان فيه اشياء ضروريه تكون عالعريس احنا ما نطلبها همه الى يجيبوها ,,,,لهذا انا تضايقت ان اهلى همه الى نبهوهم,,,
واريد ان استفسر لماذا لم يبادروا هم بيها

انا والله اطلب من ربى اقناعه بالقليل دائما ,,,لانه فعلا ما فائده القصور والخدم والحشم وليس هناك رابط قوى بينى وبين زوجى,, بس انا تضايق من الاشياء الى فيها جرح لكرامتى


شاكره لكم تفاعلكم معى عزيزاتى

حبيبتي و انتي تتكلمين ذكرتيني بنفسي
زوجي نفس الشي من النوع اللي يبي يعتمد على نفسه بالنسبه لأمور الزواج
و في وقت حفلة الخطوبة نفس الشي حصل شوي أشياء بالنسبة لاختيار الشبكة و حجم الحفلة و مين المفروض يدفع لأيش...بس ما كانت بالضبط خلافات كثر ما انها كانت اختلاف في التوقعات يعني مثلا أهله على بالهم ان احنا المفروض ندفع شي و احنا على بالنا هم راح يدفعونه و كذا...بس في هذيك الفتره كان تعرفين فترة حرجة فكان كل شي على طول ينحل بالتفاهم و بدون زعل بس أنا كان يحز في نفسي بالذات في مسألة الشبكة يعني هم يقولون ان المفروض أهل المعرس هم يختارون الشبكة موب العروس...بس احنا اللي نعرفه ان العروس هي تختار شبكتها و الدبل
المهم بعد كذا ملكنا و كل شي مر تمام التمام و مضت الأيام...بس بعد فتره أنا قلت لزوجي بأقول لك شي بس لا تفهم غلط ولا تفكر ان قصدي شي أنا بس ودي أقول لك عن مشاعري..و قلت له..قال لي انتي عاجبتج شبكتج؟ قلت له ايه..قال لي استانستي يوم الحفلة؟ قلت له ايه...قال لي خلاص هذا أهم شي
المهم احنا الحين بدأنا نجهز شوي للعرس فأنا حريصه ان كل شي يكون في المفتوح يعني أنا و هو وصلنا لمرحله ان ممكن نتصارح فيها مع بعض بدون ما تحصل حزازات..فجلسنا مع بعض و تفاهمنا على كل شي فيه أشياء احنا متفقين عليها فيه أشياء تناقشنا فيها لحد ما وصلنا لحل وسط و فيه أشياء و فيه أشياء هو رايه راح يمشي فيها في مقابل أشياء ثانية أنا يمشي رايي فيها....شي ثاني بعد في الخطوبة كان دايم الأحزاب المتقاتلة احنا (أنا و أهلي) و هم (هو و أهله)..الحين في الزواج احنا اتفقنا ان راح نكون حزب بروحنا يعني احنا (أنا و هو) و هم (أهلي و أهله)...و اتفقنا ان حتى لو جاتنا آراء خارجية احنا راح نتفاهم عليهاو بعدين نتفق و نطلع "بيان مشترك"

المهم كل اللي سبق علشان المستقبل
أنا رأيي قولي له عن احساسج..بدل ما تخبينه داخل و يجي يوم تنفجرين (مثلا وقت تجهيز العرس)..و خليكي صريحه بلاها تسوين كأنك تستفسرين لأن هو ممكن يفهم قصدك و ياخذه بطريقة غلط و يكبر الموضوع بدل ما يصغر...قولي له عن احساسك..بيني له انك قاعده تقولين له علشان تشيلين الحواجز اللي بينكم قولي له احنا راح نقضي حياتنا مع بعض و راح تمر علينا مواقف ناخذ فيها قرارات و ممكن تصير فيها خلافات فأحسن ان احنا نحلها في وقتها بدل ما تتراكم و يصير حلها صعب (تخيلي تسكتين و كل ما أحد انخطب تتضايقين و يجي وقت تجهيز الشقه و مثل ما انتي عارفه هو مو ناوي ياخذ من احد يعني لازم تعرفين وين تصرفين و وين لا و تصير حزازات و تسكتين و بعدين كل ما تشوفين بيت أحد ولا شقة أحد تتضايقين و بعدين العرس و نفس الشي...صدقيني ترا بتعيشين في جحيم...أنا كنت كذا أتضايق و أسكت ولا كأن شي بس بعدين يصير شي يذكرني و أتضايق..بس بعد ما حصلت هواشات من اللي تتطلب الدفاع المدني زوجي علمني اني أقول له أيش مضايقني..بس ما كان التغير سهل يعني ما كنت أقدر أقول له كل شي مثل ما قلتي أخاف أجرحه أو يفهمني غلط...علشان كذا صرت أقول له عن هذه الأشياء بعد ما المواضيع تهدأ..لما خلاص ينحل كل شي أقول له تذكر هذاك اليوم..الخ الخ...لأن هو كان أغلب الأحيان إذا قلت له شي غير كلامه في نفس الوقت هو يفهم إني أبيه يشوف له حل (مثلا هو عنده شغل خميس و جمعة و أنا كنت مخططه على طلعات لما أقول له كان ودي إنه نطلع مع بعض هو يصير يقول لي طيب وش تبيني أسوي؟؟ هذا شغلي و مدري أيش مدري أيش...بس أنا بعدين أقول له أنا مو قاعده أقول لك علشان ألومك أو أحسسك بالذنب أنا بس أقول لك إن كان ودي نطلع هالويكند و خسارة ان عندك شغل بس الويكندز كثير ما طلعنا هالأسبوع نطلع اللي بعده...الخ)

المهم اللي أبي أقوله لك قولي له...لا تخلي بينك و بينه حواجز...أنا أقول لك من تجربتي ما فيه أحسن من الصراحة..و ترا مثل ما قلت لك ما راح يكون شي سهل من البداية (يعني أنا و زوجي صار لنا مملكين أكثر من سنه و درجة الصراحة اللي وصلنالها الحين ما صارت الا حوالي من شهرين ولا ثلاثة)...بس صدقيني ترا و الله يسوى..أنا عارفه شعورج كيف كل مره تقولين عادي بعدين يحصل شي و تتذكرين و تنقهرين..أنا كانت تجيني لحظات أنرفز من زوجي أحي إني مو طايقته و بيني و بينك و ربي أول مرة أقول لأحد هالكلام جاتني فتره تمنيت اني موب مرتبطه فيه (هذه من الأشياء القليلة مرة اللي للحين ما قلت له عنها) و كله على أشياء سخيفه يعني يصير بيننا خلاف و ينحل بس تظل آثاره في نفسي و هو يكون نساه بس أنا أظل في داخلي زعلانه و أتوقع منه يراضيني و لما ما يراضيني أنرفز أكثر و أصير ما أعطيه وجه..أو أسكت عن الشي في هاللحظة لكن بس يصير خلاف ثاني أتذكره و أصير أزعل على الشيئين (أو الثلاثة أو الأربعة)...هذا كان في أول كم شهر بس الحمد لله رب العالمين كل هذا راح..طبعا للحين نتهاوش عادي بهارات يعني بس أهم شي ان كل واحد فينا فاهم بالضبط مشاعر الثاني و يشوف وجهة نظره حتى لو ما اتفق معاها و أهم شي عارفين ان اختلاف الرأي لا يفسد للود قضية
فنصيحتي ما دامك للحين بعد 5 أشهر شايله في نفسك صارحيه سواء بدون مناسبة أو اخذي زواج اخته كمناسبه اذا يريحك ترا صدقيني و من تجربه (أقصد تجاااااااارب) ترا بس انك تقولين له راح ترتاحين و يمكن وقتها تحسين انك ما تحتاجين تفسير ولا شي...دايما الأشياء في داخلنا تكون كبييييييييييرة بس لما تطلع نكتشف انها ما تسوى أصلا انا نتكدر عليها

بالتوفيق