|
ارغب بالزواج منذ زمن ولكن ظروفي صعبة
السلام عليكم ورحمة الله وبركاتة
كيف حالكم اخواني وخواتي الكرام ان شاءالله دوووووم بخير قصتي اني تمنية الزواج وانا عمري 9 سنوات والان ابلغ من العمر 26 سنه ولم اتمكن والاسباب كثيره وانا اليوم اضع قصتي ولي اول مره عبر موقعكم الغالي متمني من الجميع المشورة والاقتراحات السديدة ابداء بسم الله الرحمن الرحيم ابي سعودي الجنسية تزوج والدتي من الهند ويبلغ من العمر انذاك 50 سنه ووالدتي 22 سنه وانا ولدة في الهند وبعد سنتين من ولادتي اخذنا والدي الي السعودية وعندما بلغة من العمر 8 و6اشهر يعني ثمان ونص من عمري مات ابي وعدد اخواني 2 بدوني و 2 بنات وانا اكبرهم قاسية ماقاسيته من انحراف وضياع والسبب اني ماعندي من يمسكني ويأدبني ويعاتبني ويضربني اذا غلطة عندما بلغت من العمر 9 سنوات تمنيت الزواج لاكن لم اتمكن بسبب صغر سني وعندما لغت من العمر 12 سنه بديت اعمل في محل خضار وفواكه براتب شهري وانا وقتها ادرس والسبب ضروف ماديه مما نعانيه من اقتصادية المنزل وملتزماته وعندما بلغت من العمر 15 سنه عندها تحسنة الامر قليلأ وانا تركت الدراسه وبديت اعمل لاكن في مؤسسة سكنية سكرتي بوابه براتب شهري لايتعدى 1500 ريال بديت الح على الوالده ان تزوجني ووالدتي لاتعرف احد في السعوديه وغير كذا ان مافيه فلوس والمهور غاليه في السعودية عاد انا وقتها مراهق سويت مشاكل مع الوالده مع انها تقولي اذا تبي تتزوج روح تزوج من ماسكك بعدين انت راتبك 1500 ريال من الي بيزوجك والى حد الان ماجمعت الى 2000 ريال بس وانت عارف ان المهور في السعودية غالي و الفين ريال ولا شي وانا ماعرف احد هنا لو كنت في الهند كان زوجتك المهم هذا الكلام الي كانت تقوله لي والى حد الان تقوله ولا تغير شي وانا مالومها اهي مابيدها شي تقدر تسويه لي كل الي تقدر تقوله لي ليه ماتروح الهند وتتزوج انا بصراحه فكرة اني اتزوج في الهند لاكن المشكله قوانين الحكومه السعوديه لاتسمع لي بالزواج في الخارج الى اذا لم اتمكن من الزواج في السعودية ام في الدول الخليج وشرط يكون عمري من 50 سنه وطالع انا الصراحه تحطمت وماصرت اكلم الوالده عن الزواج لأني عارف ردها وانا بنفس الوقت مقدر الوضع الي احنا عايشينه انا طشت كثر وانحرف لدرجة اني كنت بضيع في الحرام من خمر وحبوب وغيرها لاكن الحمدلله اني قدرت امسك نفسي على فكره انا تركت كل الرذايل والحرام قبل 4 اسنين كان عمري وقتها 22 سنه تقريبأ والان انا اعمل في شركة وراتبي 1800 ريال والوالد الله يرحمة ويسكنه فسيح جناته ترك لنا عماره وحنا نسكن فيها العماره تتكون من 4 شقق شقة نسكن فيها والباقي مأجره واحب اوضع ان راتبي الي اخذه يكون كله لي لأن البيت الحمدلله ماهم محتاجين شي كل شي متوفر وهذا الفضل من الله اللهم لك الحمد والشكر المشكلة ان من راتبي ماجمعت شي ومدري وش اسوي انا محتار وخايف من الضياع الله لايقولها وانا مؤمن بـ الله وبما كتبه لي انا صرت مثل ماقالو (الدكتور يعالج الناس لاكن مايقدر يعالج نفسه) ............. ...............( هي ليست آية كريمة يرجى الحرص عند الاستشهاد بالآيات ان تكون صحيحة وموثقة / البتول وانا اضع بين ايديكم قصتي راجي من الله عز وجل ان يوفقني وياكم بما فيه الخير وانا متأكد انكم راح توقفون معاي وتساعدوني بكربتي ولا تبخلو علي بقتراحاتكم السديدة بنتظار ردودكم بفارق الصبر اخوكم مساعد |
انت عشان كانت نيتك صادقة في التوبة ربي بيعوضك وبيرزقك باذن الله
في عائلات كثير هنا في السعودية ترضى بمثل حالك اذا كان رجل اخلاق ودين .. وليه ماتفكر تتزوج واحدة غير سعودية ولكن تعيش في السعودية ؟.. صعبة الفكرة او فيها مشاكل ؟ |
اتمنى لك التوفيق.انت اختار وحده وتوكل على الله ..............وان شاء الله بيسرلك امورك
|
نقل الى عالم المقبلين على الزواج
وتم تعديل العنوان ليتناسب مع المحتوى |
وعليك السلام ورحمة الله وبركاته
أخي أسئل المولى أن يهديك إلا طريق المتستقيم وأن يسعدك دنيا وأخره أخي يوجد عائلات لاتفكر في الراتب أو المستوى التعليمي أهم شي الدين وهذا هو المطلووب توكل على ربك وطرق الأبواب لعل وعسى أدعو العلي القدير أن يغنيك بحلااله عن حرامه وعلى فكره راتبك 1800 وأنت ذكرت أنك ماتصرف على البيت تقدر تجمع من راتبك وشوي على شوي يصير القليل كثير تحياتي لك السيف الذهبي |
يارب تتوفق وتحصل الزوجة اللي تسعدك وتعف نفسك معاها..
بس إنت وفر من راتبك عشان المهر وتكاليف العرس.. للأسف الواحد في هالزمن لازم ياخذ قرض عشان يتزوج.. وإذا والدتك ماتعرف حد بالديرة.. ممكن من أصحابك أو حد من معارفكم يدليك على زوجة.. والله يوفقك يارب.. |
أخي من ترك شيئا لله عوضه الله خيرا منه ,وصدقني أخي سوف تفرج فاجتهد في طلب الزوجة التي تعفها وتعفك فهناك الكثير من هم في مثل ظروفك بل أسوأ ومع الدعاء والاصرار فرجها الله عليهم ,أرجو من الله العلي القدير أن يرزقك الزوجه الصالحة .
|
اخوي ان شاء الله ربي يسهل امرك ويعينك ويوفقك وتلقى بنت الحلال اللي تسعدك ومن توكل على الله كفاه وفوض امرك لربك وان شاء الله وعلى نياتكم ترزقون ............................... وبالتوفيق |
هلا أخوي
الله يعينك ويوفقك أخي إنت تعاني من مشكلة الراتب بس .. ؟ صح إذا كانت هذي المشكلة الوحيدة فلا تشيل هم ربك كريم وراح يعينك ومن يتق الله يجعل له مخرجا .. صح ولا لأ؟ إنت بس حاول تمسك على عمرك وما تصرف فلوسك هنا وهناك وان شاء الله ؤاح تحصل بنت الحلال اللي تسعدك وبما إنك تركت الحرام فأبشر أخوي .... لأنه .. من ترك شيئا لله عوضه الله خيرا عنه وان شاء الله ربي يعوضك بفتاة طيبة وكريمة ذات خلق ودين تعينك على الحياة بكل ما فيها بالتوفيق |
اخي كبريائي شاكرلك مرورك الكريم على موضوع
بنسبه لسؤالك في عائلات كثير هنا في السعودية ترضى بمثل حالك اذا كان رجل اخلاق ودين ؟ انا ماشوف هذا الشي وعلى فكره المنطقة الي انا ساكن فيها مايقل المهل عن 70 الف هذا من غير الذهب وتكاليف العرس وغيرها 2 وليه ماتفكر تتزوج واحدة غير سعودية ولكن تعيش في السعودية ؟.. صعبة الفكرة او فيها مشاكل ؟ انا ذكرت في موضوعي ان قوانين الحكومه السعودية لاتسمح لي بالزواج في الخارج الى اذا كان عمري من 50 سنه وطالع لاكن اذا كان من البحرين والكويت ودول الخليج عامتأ مافيه مانع اني اتزوج واجيبها عندي في السعودية والله اخوي انا مكذب عليك ان في الهند فيه بنات اتدور الستر والاستقرار وعلى فكره في الهند اهم الي يدفعون لي المهر ماهووو انا هع هع وانا مستعد ادفع لاكن ماخذ منهم والي عاجبني في بنات الهند انهم مساكين وعلى قد الحال ولو تلاحض بعض بنات السعودية تكسر ظهرك من الطلبات وغيرها واسف على الاطاله يا الغالي اخي قطرة ماء تسلم يمناك على الرد الجميل اتمنى لك التوفيق.انت اختار وحده وتوكل على الله ..............وان شاء الله بيسرلك امورك اللهم امين الله يسمع منك اختي بتول انا اسف اني نزلت الموضوع في قسم غير مناسب والعذر والسموحه منك والف شكر على الجهووود المتواصله والله لايحرمنا منك اخوي سيف الذهبي شاكرلك مرورك الكريم أسئل المولى أن يهديك إلا طريق المتستقيم وأن يسعدك دنيا وأخره أخي يوجد عائلات لاتفكر في الراتب أو المستوى التعليمي أهم شي الدين وهذا هو المطلووب توكل على ربك وطرق الأبواب لعل وعسى أدعو العلي القدير أن يغنيك بحلااله عن حرامه وعلى فكره راتبك 1800 وأنت ذكرت أنك ماتصرف على البيت تقدر تجمع من راتبك وشوي على شوي يصير القليل كثير الله يجزاك خير وان شاءالله اخذ براءيك مع ان الراتب الي استلمه اول الشهر مايجي نهاية الشهر الثاني الي وانا مطفر اختي بحرينية ولكن مشكوره اختي على مرورك الكريم بس إنت وفر من راتبك عشان المهر وتكاليف العرس.. 1 ان شاءالله اخذ براءيك والله يجزاج خير للأسف الواحد في هالزمن لازم ياخذ قرض عشان يتزوج.. صدقتي اختي لاكن فيه مشكله حتى لو الواحد اخذ قرض من بنك لاتنسي ان ياخذون البنك ارباح وعلى فكره البنك مايعطي اي واحد قرض الي يجيب تعريف بالراتب ومايقل عن 3000 او 4000 الأف وإذا والدتك ماتعرف حد بالديرة.. ممكن من أصحابك أو حد من معارفكم يدليك على زوجة.. على طاري الاصحاب لي صاحب انا كلمته اني ابي اتزوج وهووو له علاقات في البحرين تدرين وش قالي قال اذا تبي تتزوج انا عندي اخت خويتي تبيني كلمها هع والمشكله حتى اخت خويته سعات يسولف معاه يعني صارت خويته ويبيني اتزوجها هع من ناحيت معارفنا احب اوضح للجميع انا مالي الي عمري وهوو يبعد عني المنطقه مشوار ساعه في السياره ومافيه خير مره جيته وكنت منكوب ومحتاج 1000 ريال تدروون وش قالي قال مثل ماحطيت نفسك في المشكله حلها وانا عندي فلوس لاكن ماتذوق منها ريال هذا ماهوو عم هذا غم ام عبدالله 6 الله يجزاج الف خير والله يسمع منج والف شكر على مرورك الكريم اختي قمر وبس الله يسمع منك وجزاج الله الف خير وشاكرلج مرورك الكريم اختي غارقة في همي الله يجزاج خير الجزاء والله يسمع منج يا رب والف شكر على مرورك الكريم شاكر للجميع مروركم الكريم على موضوعي وعندي سؤال لأهل البحرين عندي معلومات تفيد بأن المهووور في البحرين لاتزيد عن 20,000 الف هل هذا صحيح وهل لو جمعت 10,000 الأف ريال هل بستطاعتي الزواج بهاذا المبلغ او لا بنتظار ردكم بفارغ الصبر |
| الساعة الآن 03:03 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©