|
لا تعجبني طريقة اخواتي في اختيار العروس
السلام عليكم
ها انا اكتب من جديد وابحث عن زوجه ... وكما تعلمون عن فشل خطبتي السابقه قبل ايام .. الان انا في حيرة من امري بصراحه البحث صعب جدا . لي سنه وانا ادور ولم يكتب لي خواتي الان يدورن لي ولكن طريقتهم لم تعجبني , في الحقيقه امس جت اختي وقالت لي لقيت لك 3 بنات ؟ انا زعلت عليها وقلت مايصير هالكلام لاتجيني وتقولين لقيت 3 بنات روحي انتي دوري لي واسالي عنهم ولما تتاكدين تعالي وعطيني المعلومات اللي قدرتي تحصلينه - اليوم جت وقالت لقيت وحده جديده ؟؟ تقول جميله من اجمل البنات .. انا زعلت عليها وقلت مهب سياره كل شوي تجين وتقولين لي .. لا والطامه الكبرى انها جت وقالت من اجمل .. يعني انا الان هدفي في الزواج راح يضيع لان النيه رايحه للجمال بشكل اساسي .. وانا بصراحه يهمني الجمال ولكن الاخلاق والهدوء عندي اهم .. المهم ابسالكم اخواتي في نجد شلون تبحثون عن زوجات لاخوانكم .. لاني بصراحه طريقة خواتي ماعجبتني وانا خايف بصراحه من الفشل مره ثانيه .. بصراحه ماعرفت اعبر لاني كتبت قبل شوي كلام ويوم جيت اثبته انمسح ورحت اكتب من جديد ## اخوكم/ مشـــاعر مهملـهـ ــــــــــــــــــــــ تم تعديل العنوان ليتناسب مع المضمون / البتول |
اخوي خلي اخواتك يدورون لك على بنت الحلال لا بأس في ذلك
لكن اخوي قل لأخواتك لا تحدثوني بهذه الطريقة اذا لقيتوا بنات اسألن عنهن عند النساء والعائلات المحترمة وعند صديقاتهن ومعارفهن حتى يتأكدن من الدين اولا ثم الاخلاق ثم الجمال حتى اذا تأكدن من هذه الأمور فاتحنك بالموضوع انت بعد اسأل الرجال الصالحين الطيبين من معارفك واصدقاءك هل يعرفون بنات في سن الزواج ومن عائلات محترمة ومتربيات اذا وجدت دع الوالدة او خواتك يسألن عن البنت وأهلها وتربيتها وعليك بالدعاء ..........ولا تيأس فأنا والله أعرف شباب صار لهم سنتين يدورون بنات وللحين ما تم لهم المر خاصة من يبحث عن مواصفات خاصة ........ولا عيب في ذلك . وفقك الله . |
أخي..
أشوف إن مب عيب يشوفون لك كم وحدة ويقولون لك عن مواصفات كل وحدة فيهم وإنت تشوف الانسب لك.. وإذا جاتك أختك تقول لك لقيت لك وحدة حلوة .. قول لها اشلون أخلاقها.. مافي داعي تتضايق لأنهم تكلموا عن جمالها.. لا تكون حساس وايد وخذ الأمور ببساطة.. وإنسى سالفة الخطبة اللي راحت.. بالتوفيق.. |
اخوي العزيز
انت لا تحاول تددق بالكلام كثير وخذ الموضوع بسهاله ..لانك تقول سنة وانت تدور ..!!! اعتقد انك معقدها كثير .. اخوي .. لما تجيك اختك وتقولك حصلنا لك بنت كويسه ..او حلوه ..اسالها عن الاشياء اللي تهمك ..وهي راح تجاوبك .. واسالها عن الاشياء اللي تبيها ..وهي راح تسال وتبحث لك عنها ..!! مدري ..انت كيف تبي يعطونك المعلومات ؟؟؟ هل يكتبونها لك في ورقة ويقدمونها لك بمعروض مثلا !!! حاول قدر الامكان انك تكون سلس شوي وتكون اكثر اريحية .. انت اسال وحدد لهم الامور اللي تبيها .. |
شكرا نور على التعليق والنصيحه
اخت بحرينيه انتي واخوي عبدالرحمن .. تدرون وش المشكله انهم يجون ويقولون عندنا لك 3 بناات اختر انا هالطريقه ماحبها وقلتلهم اني ماحبها بس يكررونها لاني مااحب اتشتت افكاري افكر بهذي واقول لالا هذيك احسن .. فهمتو وش مشكلتي ... الله يجزاكم خير وانا بتبع نصيحتكم اني اكون سلس واهدأ شوي واخذ من كلامهم اللي ابيه واللي ماابيه اقولهم اوكي مشكورين ومن بكره بتبع الكلام اللي قلتوه ,, مع السلامه |
ذكرتني بواحد من اخواني.. مرة قلت له لقيت بنتين وقلت له عن مواصفاتهم كلهم
قال تصدقين ياشوبارد كنك جايبة علبتين بيبسي وتقولين اختار:d لكني جلست معه جلسة وقلت له قلي بالتفصيل الممل اللي تتمناها.. والله اني اذكر شفنا وحدة مرة حلوة وخلوقة واهلها ماعليهم لكن حسيت انها ماتناسبه لأني درست أفكاره وعرفت مقصده واتذكر مرة شاف وحدة وانهبل من جمالها بس قال مابغاها!! يقول احس بصخرة على صدري يوم شفتها مارتحت لها والحين تزوج وحدة جميلة لكنها اقل جمال من الأولى وطاير فيها ماشالله .. تخيل يوم شفناها امي ماعجبتها مرة ولاارتاحت لاهلها وتركناهم فترة طويلة ورحنا لكم بيت ثاني.. لكن مازالت في بالي وحسيتها المناسبة واقنعته وراح وخطبها وتزوجو والحين بشهر العسل عسى الله يوفقه يعني انت اشرح بالتفصيل لأخواتك ثم خلهم يشوفون البيت اذا كان يهمك بيئة البنت مثلا وتوكل على الله موفق أخوي |
اقتباس:
عقال شوبــــــــارد يارب :14: أخوي بالنسبة للمشكلة فــ ... اقترح لو تحدد لخواتك : 1. .................... 2. .................... 3. .................... الأشيا الللي تريدها في زوجتك وكيفية البحث بما إنك تضايقت من طريقتهم ، وخذ الموضوع بجدية أكبر :) ، واطلب منهم إن غير هالطريقة ما أريد كي لا تتشتت . http://www.66n.com/forums/images/icons/icon7.gif و الله ييسر لك ، بس حاول ما تضغط على أعصابك لتسهل عملية البحث ، خذ الموضوع ببساطة وإن شاء الله بتسهل أمورك . :22: تحياتي لك ، إختك : خلك إيجـــــــــابي ! |
شو بارد ,, الله يوفق اخوك ويسعده اللهم امين
وانتي الله يوفقك ويزوجك الزوج الصالح اللي تتمنيه خلك ايجابي.. نعم انا من غدا سوف اناقش اخواتي بالراحه .. وراح اخبركم بما سوف يحدثـ ادعـــو لي الله يخليكم .. تصبحون على خيــر |
اقتباس:
هذا اللي يقصده اخوي .......... يبي خواته يدرسون افكاره وشنو يبي بالضبط :24: :24: الله يعينك اخوي ........ صراحة انا اكره سالفة العرض والطلب |
مرحبــــــــــــــــــــــــــــــــــــــــــــــ ا:17:
اخوي مشاعر مهملة,,, لو اني من بلدكم كان حكيتلك كيف نختار العرايس,, بس احنا بنعتمد على العريس بالاغلب هو بختار البنت ولما تعجبو بيحكيلنا واحنا بنباركلهم الزواج:14: سنة بحالها بتدور؟؟؟؟؟؟ والله البنات الامامير بالسعودية كتار وحلوين,, لا تخاف راح تلقاها ان شاء الله الله يوفقك,,, بعدين يا خوي طريقة خواتك مو غلط:25: هيك العادات انو الاخوات يشوفو البنت ويحكو للعريس اذا عجبتو او لا:28: وان شاء الله خير |
| الساعة الآن 12:35 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©