|
مفتاح المنزل مع زوجتك
زوجتك ماتتاخر ليلا اقصى حد وللطواريء قبل منتصف الليل بمعنى تمعنك زوجتك من التاخر ويجب ان تتواجد في المنزل وتتناول العشاء وبعده مافيه خروج الا وهي معك هل هذا في مصلحتنا كازواج اما هذا من انواع الحظر لدى الزوجه ام تصرف فردي من بعض الزوجات وضعف منا كازواج ام ان الزوجه تهدف الى صحة الزوج البدنيه وابعاده عن اصحاب السهر ام ان الزوجه من حبها لزوجها تود ان تسمر معه ام ن الزوجه من باب افتخارها امام عائلتها ان زوجها متواجد معها ام ان الزوجه تحس بالامان العاطفي ام ان الزوجه من النوع اللتي تخاف الجلوس لوحدها تاخرت احد الليالي ولم تعلم او تخبر زوجتك بتاخرك زوجتك اغلقت الباب من الداخل ونامت و انت بالخارج ماذا تفعل عند الصباح وردة فعلك كزوج وانتي كزوجك ماذا تتوقعين المواجهه في الصباح طبعا الزوجه لم تقصد ولكن غلبها النوم |
هههههههههههه مرة قريبتي تأخر زوجها برع البيت ولا اتصل بها ولا خبرها بتأخيره..
قفلت الباب وخلته يولي.. لما وصل حضرته.. طلت عليه من الشباك وقالت له ما أفتح لك روح نام بيت أبوك..(وهو ملاصق لبيتها).. عشان ماتكررها مرة ثانية.. بصراحة أعجبتني وهو طيب ماعمل لها مشكلة على هالحركة.. أصلا كان منحرج لأنه تأخر.. أعتقد الزوجة ماتحدد وقت معين لرجوع الزوج إلا إذا شافته مصخها وايد في السهر برع البيت.. مع إني ما أؤيد هالحركة من قبل الزوجة.. أحسها عيب.. ****** |
حلوة مرة يامهندس .. :d :d نرقد في الشارع :( :( .. هذي أخرتها .. بس تدري أنا ما أطلع إلا ما خذ كل احتياطاتي ( المفاتيح أهمها ).. بس لو صار صحيح ، عندي حلين : الأول : أنقز من فوق الجدار .. وأرقد في الحوش :25: :25: والثاني : عيال عمي ولا بعض اخوياي المقربين ( اقوله طفشان ولا متضايق من مشالكل العيال الخ...) لكن ردت فعلي لا زم أوريها العين الحمراء .. وإن كان غلبها النوم .. حتى المرة الجاية تهتم أكثر ، بس على فكرة الزعيمة ما يجيها نوم وأنا خارج البيت بالمرة.. (( الكلام الصحيح المسألة متوقفة على الرجال وليس على المرأة ، لأن الزوج إن كان رجل في علاقته .. وروحته وجيته .. وزملائه واخوياه رجال ، ما راح تحدث هذي المشكلة أبداً ، لكن إن كان .... راعي دوجه واخوياه ..... مثله تأكد راح تحصل هذه الحركة كل ليلة )) ودمتم سالمين ،،، الزعيم55 |
لاوالله الا اخليه ينبسط ويسهر ويطلع يشوف اصحابه واهله ولو يبغا يجيب اصحابه في البيت واعملهم عشاء على عيني وراسي
لأسباب طبعا وشروط: 1_من حقه ينبسط ويغير جو ويشوف شباب العائله وشباب الدوام وشباب الطفوله والدراسه لأنه بيرجع مبسوط ومفرفش ويكون رايق لي 2_لأني واثقه فيه واحبه واتمنى ان اشوفه مبسوط طول الوقت اما الشروط: 1_ان مايحرمني منه. 2_ مايحرمني من طلعاتي مع صحباتي واهلي 3_اذا حب يتأخر يبلغني عشان ماقلق عليه 4_ان تكون سهراته نظيفه خاليه من النساء والكحول والحرام 5_ ان لايقصر في حقوقي من جلسات وتمشايات وكل الحقوق الزوجيه 6_ان يكون في اتم الأستعداد لأي طارئ يعني لاسمح الله صار لي شي او العيال واتصلت عليه مايقولي شوف واحد من اخوانك 7_السهر الكثير كل يوم الي ساعات متأخره مررره مو حلو يعني لو سهر مره في الأسبوعين الي بعد 1او2 مومشكله لويحب يخرج كل يوم من بعد العشاء الى 12ماعندي مانع ماأدري ايش رايكم ياشباب لو طرحت هذي الشروط على زوج المستقبل بيكون راضي ومبسوط مشكور اخي المعماري على طرح المواضيع المفيده ربي يسعدك ويفرج همك وينولك مرادك ويريح بالك ويسخرلك اختك في الله |
روح الغالي رائع كل شيئ وله مقابل هنا يظهر الوعي اشكرك على رؤيتك الهادفه والرائعه اقتباس:
مصدق نفسك زعيم لكن بينت زعامتك في آخر كلامك اقتباس:
الحيطان لها آذان شكرا لكي على روحك العاليه ومشاركاتك الرائعه |
اقتباس:
انا بايد كلام الاخت روح الغالي.. بس في نقطة لا وهي المعلمة بالازرق موضوعجميل جدا انا لو سويت هيك مع اني ما بسويها الله يستر يمكن ابات في بيت اهلي :D |
ماراح أكون نايمه
بكون أسوي نفسي ناااااااايمه إذا مو أول تصرف وتأخير زايد عن اللزوم يتحمل اللي سواه صح بيصير شيء ماطرا على البال بيطلع لي الاخضر واليابس بس بكون حاطه رجولي في مويه بارده لانه هو الغلطان مااعرف امثل واقول والله عادي اوقف له عند الباب باالعصير البارد كل شيء يزيد عن حده ينقلب ضده بس مثل ماقلت لك اكيد بكون طااااااااااقه من كثر التأخير اللي ماله داعي أطيب تحيه |
ليه مايطلع كل يوم يا(شخصيه مجهوله)
أوزنيها معايا نفترض انه رجع من الدوام الساعه 3 العصر نتغدا ونصلى وننام شويه مع بعض (سواء كنت موظفه او غير موظفه) لأني احتاج للراحه..... صارت المغرب صلى المغرب ورجع اكون جاهزه نشرب شاي نشرب عصير ندردش سوا أذن العشاء بيروح يصلي ومنها على اهله فرضا هذا لو صلاة العشاء متأخر (8 ونص) من 8 ونص الين 11 او 12 مايستاهل يغير جو ويطلع وفي هذا الوقت اخذ وقتي انا اشوف حالي اذا في غسيل في كوي واولاد اهتم فيهم في صلة الرحم اكلم امي واسلم عليها امه كمان اسلم عليها خواتي اذا في اتصالات وسلامات وتأدية واجب عن طريق التلفون:27: اهتم بنفسي احط زيت احني راسي <<<<<<<<<<<<<مايبطلون الحريم من حركاتهم اقرأ كتاب اقرأ قرآن اصلي اتهجد استعد لمفاجأه اخر الليل اروق شوي ولا انا غلطانا لأن لو كان موجود مستحيل تروحي وتخليه تقولي وراي غسيل ولا تحطي حنه وتجلسي جنبه ولا تمسكي التلفون:27: ولا تنظفي البيت طبعا انا وشطارتي في ايام اخليه يروح للشباب ويرجع على نار زي الصاروخ............ ولا ايش رايكم يابنات |
عليك نور ياروح
بس إذا ماعندك أحد يشغل وقتك وشغلك مخلصته يعني فاضيه كل يوم يطلع؟؟ انا باالنسبه لي الاربعاء والخميس الله يساعده لاني بكون برا البيت والباقي مو كل يوم بيصير عندي شغل بعد انا بطفش وخصوصا إذا كان كل يوم المغرب الى العشاء بيروح لاهله مدري بس طفش كل يوم يطلع يمكن غيري باالعكس يقول عادي !!!!!!!!!! |
اكثر شي اقدر اسويه اني اسوي نفسي نايمه
اما اقفل البيبان ولا ادخله كان يشوووووووووتني برا وبعد ما تحسون فيها قلة ادب من الزوجه لو سوت كذا |
| الساعة الآن 10:48 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©