|
لاحول ولا قوة الا بالله
الصراحه انا ما ادري ويش ابدا فيه لاكن اللي اقوله
حسبـــــــــــــــــــــــــــــــــــــــــي الله ونعم الوكيل على عاداتنا وتقاليدنا اللي ذبحتنا والبنت لولد عمها من يوم عمرها سنه وهذا الشي اللي جعلني اليوم مع قافلة المطلقات انا تزوجت ولد عمي بعد ما بهذلني ابوي وماترك مكان في جسمي الا وضربني فيه الين ماكرهت نفسي وبالفعل زوجني بالغصب وقعدت فترة سنتين مخطوبه لولد عمي وانا والله في حاله نفسيه مايعلم فيها الا الله كرهت الناس وكرهت البيت وكرهت الكون كله لاني ما ابي ولد عمي هذا مع العلم انه مافيه اي عيب لاكن هو ما يبيني وانا ما ابيه وكلنا مغصوبين على بعض هو يحب بنت خالته وانا ما اطيقه كذا لان لي شروط خاصه في اللي ابغاه زوج لي لاكن احنا محجوزين لبعض من ايام الابتدائي المهم بعد سنتين تزوجنا ومن اول ليله حسيت ان بيني وبينه حاجز واشعر كانه اخوي مو زوجي وهو نفس الشي لاكن كل واحد فينا خايف يقول للثاني المهم قعدنا نجامل بعض اسبوعين وماتركنا مكانما رحنا له وتمشينا فيه واخر يوم بعد ماتمشينا رجعنا للبيت حسيت بتانيب الضمير لاني كنت اعتقد اني انا بس الي اجامل معه وقلت لازم اقوله المهم رحت له في الغرفه قلت ايش رايك في وحده تخدع زوجها هل تستاهل تعيش معه قال لا طبعا بس ليش سؤالك وفهمته كل الموضوع قال الصراحه وانا مثلك واتفقنا انا نتطلق بهدوء وبالفعل تم الطلاق والاهل كلهم متفاجئين ما يدرون ايش السبب والحين هو تزوج وانا الى الان مالقيت الشخص اللي اتمناه مع اني والله على قدر كبير من الجمال والعلم والاخلاق والله الشاهد علي وتقدم الكثير لخطبتي لاكن انتم تعرفون من الذين يتقدمون للمطلقه اما رجل كبير في السن او من يبحث عن الزوجه الثانيه او الثالثه.....الخ وانا لي الان 4اشهر مطلقه وعمري21 والى الان ماتقدم لي الشخص اللي اتمناه واتمنى منكم تدعون لي بالرجل الصالح عسى ان يرزقني ربي بالزوج الصالح الملتزم الذي يخاف الله والقى سعادتي معاه تكفوون لا تبخلون علي بدعائكم لي في ظهر الغيب واحتسبوها عند الله ونصيحه لجمع الاباء ان لا يجبر بنته او ابنه على الزواج حتى ما يضيع مستقبله مثل ما فعل والدي فيني ولا حول ولا قوه الا بالله |
اللهم أني أسألك أن ترزق كل من طلب العفاف من شباب وبنات المنتدى وجميع المسلمين اللهم أني أسألك أن ترزق كل من طلب العفاف من شباب وبنات المنتدى وجميع المسلمين اللهم أني أسألك أن ترزق كل من طلب العفاف من شباب وبنات المنتدى وجميع المسلمين اللهم أني أسألك أن ترزق كل من طلب العفاف من شباب وبنات المنتدى وجميع المسلمين اللهم أني أسألك أن ترزق كل من طلب العفاف من شباب وبنات المنتدى وجميع المسلمين حسبي الله على هالعادات وهالتخلف وكان الزواج اكل وشرب وجنس فقط .... :29: :29: حسبي الله على هاالاقفال اللي في رؤؤسهم واللي عمرها ماراح تتغير :25: حسبي الله على كل من ظلم بنته عشان فلان وعلان لايزعل علي :29: حسبي الله على كل من نسى ان هناك رب قادر على كل شي الله اجر اختنا في مصيبتنا .. وعوضها خير منها يارب |
اقتباس:
طبعا لا تقبلي بأي متزوج ، لازم تسألوا عنه جيدا ، وينبغي ان يكون معروفا بالالتزام الديني في كل تعاملاته . ولا بد من الاستخارة وربنا يعوضك خير ان شاء الله. |
هذا قدر الله
اسال الله ان يفرج كربتى وكرب نساء المسلمين ااااااااااااااامين |
رزقك الله الزوج الصااااااااالح عاجلا غير اجل
وعوضك عن عن مافقدتيه وخسرتيه |
هلا فيك اختي بيننا
والله يعوضك ويرزقك بمن أخير منه.. |
حبيبتي الحمدلله انه طلاقك كان سهل والطرفين كانو راضين بالطلاق.. والحمدلله انك ما تطلقتي بعد العذاب والضرب الا انشوفه في ملايين البنات اللي اتطلقووو.. والله يرزقك بالزوج الصالح التقي الملتزم اللي يخاف الله ويستاهلك.. |
انتي في نفس عمري ....21
وانا عمري في حياتي مااتقدم لي احد ... رغم اني ايضا جميلة ومو ناقص شئ ... تصدقين حتى انا ما احب ابن عمري مررررة ولا اطيقه بس الحمد لله ماعندنا حكاية اولاد العم لبنات العم والكلام هذا ... نصيحتي لاتقبلي من واحد معدد او اي شي لانك لسه صغيييييييرة ... الله يوفقك ربي ان شاء الله ويرزقنا كل بالزوج الصالح اللي يعوضنا عن كل شئ شفناه في حياتنا |
جزاك الله خير يا اخي تركي ويا اختي ام فاطمه واسال الله ان يجعلها في ميزان حسناتكم
اختي البتول انا في مقتبل عمري كيف اتزوج انسان كبير متزوج وعنده اولاد انا ابغى انسان لي انا لوحدي احبه ويحبني ابغى احس اني مثل كل البنات والله حرام مو ذنبي اني انا مطلقه هذا نتيجة تصرف ابوي لاكن ما الومك عزيزتي فانتي من ضمن مجتمعنا وانا اعرف نظرة مجتمعنا للمطلقه اشكرك يا غاليه واتمنى منك الدعاء لي والله كفيل بحالتي ولا حول ولا قوه الا بالله |
الله يعوضك خير يا ميمي .... و إن شاء الله ما بعد هالحزن إلا الفرح
موفقة أختي |
| الساعة الآن 04:03 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©