أصبحت ام.. لمدة يوم واحد!!
 

خالد ولد أخوي عمره 3سنوات.. شقي خفيف دمه.. بس يضحك ويلعب ويخرب ويضحك أحبه وأموت فيه احب ينام معاي في غرفتي اشتري له شوكلاته وحلويات واعطيه ادلعه كثيير.

مايخفى عليكم كل وحدة تتمنى تكون ام وتحس بالأمومة.. مادري ليه احس بهالشي معاه يمكن لأنه بعد يحبني ويحب يلجأ لي بأشياء كثير.

اذا جا بيتنا مالقاني يزعج امه ويدق علي يقول وين رهتي أنا ديت ( وين رحتي انا جيت )

مرة كان بينوم عندي قال عمتي قولي قصة.. قلت : قل ماما قولي قصة قال : انت ماما؟؟ انت أمتي ( عمتي ) واحوسه يمين يسار ابغاه ينطقها مافيه فايدة

قلت شرايك نلعب انت اسمك عبدالله وانا امك قلي ماما قولي قصة..قال حطأ أنت أمتي ماما في البيت ( خطأ انت عمتي وماما في البيت ) عصبت انا

قلت اقول غمض عيونك وقل بسم الله واسكت مافيه قصة. قال ماما قولي قصة << ياحلو هالكلمة ياناس

طلعنا لمنتزه وانا في السيارة اقول لنفسي شرايك ياشوبارد تتخيلين انك ام وهذا ولدك.. اول ماحطينا أغراضنا مسكت يده وقلت يله نتمشى

وحاولت ابعد عن اخواتي وبنات أخوي وصرت انا وياه لحالنا دخلت جو أني امه وهو ولدي :25:

امشي معه ومرت من عندنا وحدة تناظرني انا وياه قلت بنفسي اكيد تقول ياملح ولدها!! << أدري ماجابت خبري بس خلاص انا دخلت جو

اكلنا ايس كريم .. مسحت فمه مسحت يدينه وانا مستمتعة اضحك انا وياه ادغدغه وامزح معه وكل شوي اقول مبسوط يابابا

وهو يتريق علي يقول انت تقولين بابا ههههههههه

ركبته لعبة وجلست اناظره وأأشر له بيدي وهو يأشر علي مبسوط ويقول اللأبه هلوه ( اللعبة حلوة )

رفعت عيوني لقيت واحد مركب اخوه او ولده قلت لو هذا زوجي اروح اوقف بجنبه ونعلق على ولدنا ونفرح ان ولدنا بينا ويلعب مبسوط

بدون شعور صارت عيوني على هالرجل وبس بدون اي سبب الا انه قبالي!! فجأة حسيت انه منتبه وبنفس الوقت خلصت اللعبة

خفت يفهمني غلط شلت خالد وعلى طول مشينا.. ركبنا قارب وبوسط المويه فيه نافورة اروح امر من عندها عشان تجي المويه على وجهه ونضحك وننبسط

والله من جد حسيت اني ام!! كل شوي يمسكني ومرة يخاف ومرة يضحك ومرة يحضني ياااااااه ماأحلاه من شعور


اقول خلودي تعبت أشيلك؟.. ناظرني بزعل قال انا ردال في العيد لبسيت سوب وسماغ لاتسيليني انا كبيل ( انا رجال في العيد لبست ثوب وشماغ لاتشيليني انا كبير)
دخلنا عالم الثلج.. لبسته جاكيت ولبسته بوت.. دخلنا شاف الثلج وخاف وصار يتمسك فيني ويقول انا حايف

قلت لاتخاف بخليك تجلس علي ونلعب مع بعض.. وصرنا نتزلج وهو يصارخ من الفرحة ومرة يخاف ومرة يحضني بقوة وانا طااااايرة من الفرحة

حسيت انه بردان طلعته برا شوي واشوف خشمه احمر ويدينه ترجف جيت عند الموظفة قلت ولدي مرة بردان<< خفت وانا اقولها احس اتنفس بسرعة بس تصدقون حلوة بعد

قالت تبغين قفازات؟ واخذها والبسه ونرجع نلعب مرة ثانية.. بأحد المرات قبل ماتنزلج وحدة جنبي قالت ياملحه الولد اللي معك شكله خفييف دم اخوك؟

قلت ولدي قالت معقول والله شكلك بنت ماتزوجتي قلت صدق ياليت زوجي يسمعك هههههههههه

طلعنا رحنا نشرب قهوة تدفينا.. اقوله خلودي مبسوط ياحلوك وانت قدامي علمني شسوي فيك احبك انا

قال انا احبك ويأشر بيديه على كبر السما.. كسيييييل احبك مسل السما ( كثير احبك مثل السما )


ركبته لعبة وبالصدفة كانت وحدة مركبة ولدها جنبي.. قالت ولدي غثيث من جينا وهو مايبي يلعب الا هذي اللعبة

قلت انا لعبت مع ولدي << لازلت اخاف وانا اقولها

لعبنا اللعبة الفلانية و ووووو التفت لمحت اخوي.. قلت خالد شف بابا هناك.. قالت الحرمة هذا زوجك؟ قلت ايه << موقصدي اكذب قاعدة اتخيل تراني

قالت ياختي صغيرة عليه شكله بالأربعينات هذ؟ قلت أحسن عشان اتدلع عليه.. قالت بس احسك توك عليه شكله مره عاقل وثقل وانت احسك بنت

خلصت اللعبة وخالد ركض لأبوه استأذنت منها ورحت قال اخوي هاه خالد من قدك تمشي مع عمتك شوبارد << انفضحت :d
قال تعالو اهلي كلهم يبغون يركبون القطار ويبغونكم معاهم.. رحنا شاف امه فلت من يدي وركض على امه

يووووووه حسيت بشعور غريب كان ماسك يدي بقوة لدرجة اذا مسكته على خفيف يضغط على يدي ويقول كووة ( قوة )

اقول خالد يالخاين تعال.. قال ابي ماما << خنقتني العبرة

جلسنا في القطار اقول اجلس جنبي بيني وبين امك قال لا << نسى معروفي كله

جلس بحضن امه ويمسك خدودها ويبي يشيل غطاها اشتاق لها الظاهر وصار يسولف عليها عمتي شوبارد لعبتني وعمتي سوت لي ووووو

وانا خلاص ودي ابكي اقول بنفسي لو هذا وولدك ياشوبارد سوا لك كذا!! اتمنى يجي ويركض لي اتمنى من نفسه يمسك يدي!!

امه تقول.. خالد قل شكرا عمتي جعلك تلعبين عيالك وهو يتلصق بأمه !!

نزلنا من القطار مسك يد امه قال نروه نلئب ( نروح نلعب ) قالت لا بروح اجلس

ركض ومسك يدي قال ابي ألئب ( العب ) << صايرة الفضلة

انا ا:19: :19:



بصراحــــة نفسي بطفل يملا حياتي.. دايم احس بهالإحساس مع خالد ليه ماأدري!!

حبيبتى والله انك شو حنون مش شو بارد الله يطعمك ولا يحرمك من زوج مخلص ويخاف الله انتى وكل من يتمنى والله انه ما فى احلى من الاولاد فى الدنيا انا لما العب مع بناتى احس انى رجعت طفلة ضغيرة
يارب يارب لاتحرم كل من يتمنى الستر والزوج الصالح والذرية الصالحة يارب العالمين اجلا غير عاجل

يا حبيبتي ياشوبارد..
دخلتي جو وصدقتي.. وقمتي تألفين قصة وتتخيلين زوجك ووو...

الله يرزقج بزوج وتجيبين منه درزن عيال..

موضوعج حلو وممتع وفعلا خلاني أحس باحساسج..

آآآآآآآآآآآآآه ياشوبارد

انت يوم فما بالك أم لطفلين لمدة اربعين يوم

مافي لا امهم ولاابوهم كنت انا وامي وولدين اختي

يناموا _ياكلوا_ يلعبوا_ يتحمموا_ اغسلهم

طول الوقت معاهم

كانت من اجمل ايام حياتي 40 يوم وطبعا جا ولد اختي الكبير اخذهم وسافروا جده

واول زياره لهم رحت المطار استقبلهم

والله العظيم اول مره اصرح بهذا الموضوع يوم شوفتهم من بين الزجاج والله رجولي ماشالتني كأني طايره صرت ابكي بوسط المطار والرجال يطالعوا فيني والعيال يأشروا لي من بعيد وانا مطنشه الرجال ماكأني شايفتهم احس اني لوحدي معاهم في المطار وهم يأشروا من هنا وانا أأشر من هنا

ولما ضميتهم وشميت ريحتهم ردت روح لي

آآه ذكرتيني ودموعي تنزل الله يبغلنا ولايحرمنا

وفعلا هذا لهم سنتين الي يومك هذا

اذا جوا عندنا من جده وطلبوا شي من امهم يطالعوا فيني >>>>>>>>انت موافقه



يارب ياشوبارت يوعدنا ولايحرمنا

يارب ياحي ياقوم برحمتك ارحمنا ونولنا مرادنا

اللهم هؤلاء اخوتي واحبتي فيك يالله فرج همهم ونولهم مرادهم وسخرلهم
اشفيهم واشفي مرضاهم وارحمهم وارحم موتاهم

وارزقني وارزق اخواني واخواتي الذين احببتهم فيك يالله الأزواج الصالحين بعزتك وجلالك ياأرحم الراحمين




اللهم اجرنا في مصيبتنا وأخلف لنا خيرا منها

استودعتك الله

ربي يشرح صدرك ويسخرلك الزوج الصالح الهين اللين الدين الحليم الكريم عاجلا غير آجا


لاتنسوني من دعواتكم

اختكم في الله

ذكرتيني في صديقتي تعدت الثلاثين من عمرها اتصلت فيني وهي تشهق من الصياح

طبعا أخواتها وإخوانها الأصغر منها تزوجوا

فضفضت لي وقالت نفسي أجيب ولد واحد بس يقول لي ماما

تقول أبي اتزوج أي حد المهم أحمل بعدين يطلقني يروح عني مو مهم المهم يكون عندي طفل

تقول مسكت بنت أختي ودخلت الغرفة ألعبها ومن غير قصد حضنتها بقوة وأبكي بكل ما فيني

تقول يا الذئبة بظل طول حياتي وحيدة وأنا اعطيها أمل وأحاول أهديها

وهي تبكي والله بكائها يبكي الحجر

والله قطعت قلبي ما قدرت أمسك نفسي من البكي

يارب يا كريم يا رحيم يا قدير ياااااارب يرزقها ويرزقك ويرزق كل بنت في المنتدى الزوج الصالح والذرية الصالحة عاجلا غير آجل برحمته

اختى الغاليه شوبارد


عسى الله ان يرزقك بالزوج الذى يسعد قلبك ويوفقك


اختى الحبيه لمعلوماتك


الامومه شيىء متعب جددددددددددددددددددددددددا


عندك مثلا ابنتى تسهر لساعه متاخره فى الليل وعلى على بالها:25:


وانا بكون بطق وعايزه اناااااااااااااااااااااااااااااااااااااااااااااااا اااااااااااااااااااااااااااااااااااام:23:



وطول النهار تعيط وتزن ومش عاجبها اى حاجه:(



وساعات بتضربنى كمان:29: لو منفزتلهاش اللى فى دماغها


واعتدت على سارينة المطافى اللى هى مركباها فى زورها:30:



ولازم عند النوم لها طقوس محدده:15:

الهدوء التااااااااااااااااااااااااااااااااااااااااااااااا ااام ولازم افضل نايمه جنبها:(


وكله كوووووووم ورغباتها فى الكل لازم تاكل اللى على مزاجها:26:



وبعد ده كلللللللللللللللله بتقول لامى (اللى المفروض انها جدتها) يا مااااااااااااامااااااااااااااااااا:15: :15:





حبيت اذكرلك سلبيات الامر


وان شاء الله نشيل ابنك قريب يا شوبارد:15: :15:

أختى شوبارد

لاحقه على خير اللي يسمعك يقول عمرك 45 سنه ، بكرا تطفشين منهم

الله يصلحهم وتقولى يانا قبل الزواج مادريت انى مبسوطه 0

الله يرزقك الزوج والأبناء الصالحين عاجلا غير آجل وجميع الأخوات 0 تقديري لك

شوبـــــــــارد ياحبي لك
ربي يسعدك ويحققلك مناكي ياااااااااااااارب ويرزقك بالانسان الا يستاهلك حياتى ..
فعلا شعور الامومه حلو .. بس كل تاخيره فيها خير ة حياتى
ويارب ربي يعطيكى المال والبنون والزوج الحنون يااااااااااااااااااااااارب

ربي يوفقك ياقلبي ونشوفك احلى عرووووووووووس في العالم انتى وكل الهضوات الحلوات يارب <<<<<< وانا معاكم يارب ههههههههه

بالتوفيق ياغاليه
بتول

حياتي يارب يسعدك وتتزوجي وتجيبيلنا كتكوت زي العسل يارب