|
الانفتاح
تصميم منازلنا اذا افتقد الخصوصيه مثل انفتاح فراغ المطبخ مع الطعام وصالة الجلوس العائلي وصالون النساء وتكون كزوج عند حضور ضيوف لزوجتك من نساء انك تفقد كل الفراغات ولا تستطيع استخدام هذه الفراغات بوجود نساء كضيوف وكذلك افتقاد الزوج زوجته في جو منفرد يالجلوس في الصالون العائلي مثلا وذلك بوجود الخادمه او الاولاد اذا كبرو مثلا مما يبداء الزوج بالانزعاج ماهي مرئياتك كزوجه عن الخصوصيه بين افراد العائله بالمنزل والتعامل مع الفراغات غير غرفة النوم سلبياتها وايجابياتها تحياتي |
ما أنت أدرى يا أخي المعماري
..................... بالنسبه للفراغات أنا بتكلم عن الشقق الحاليه تكون بين الصاله والمجلس فراغ يعني لو جاء رجل لزوجي أنا أنحبس في أي غرفه ولو جاءت إمرأه لي زوجي ينحبس في الغرفه المجاوره ولكني أقمت حاجزا حتى يرتاح زوجي عند قدوم جاراتي وعند قدوم الرجال له أنا آخد راحتي في البيت وأيضا عند قدوم الضيوف يكون المجلس نظيف والصاله للأطفال يعثوا فيها |
ماشي يااخت ام جيهان انا فاتح الموضوع لهذا الغرض مايصير اننا نترك الناس تصمم شقق وهم ماهم دارين عن المشاكل صحيح اي عيب بيلقا علينا رضينا ام ابينا لكن الخطاء يصحح شاكر لكي تجاوبك تحياتي |
والله ياخوي النظام هذا جانا من الغرب ولايناسب ديننا وتقاليدنا<<<<<<مع العلم ان بيتي مفتوح على بعض وهذا اللي قاهرني ليش نقلدهم تقليد اعمى بيت اهلى الله يحفظهم علشانه قديم احس فيه بالراحه الدرج مستقل ومفصول بجدار <<<<اذا بيصعد احد من اخواني مانحس فيه واذا جلسنا بالغرفه نحس بالهدوء لان الارضيه موكيت اضافه ان الصاله غير مكشوفه<<<<<يعني مافيها بهو او قبه واللي ينام فوق يكون معزوول تماما عن الازعاج تحت عكس بيتي فيه قبه مسويه ازعاج وانت ياخوي كمهندس ياليت تحاول تقضي على الظاهره الغريبه الغربيه الصراحه لمست الجرح انا متضايقه من هاالنظام جزاك الله خير |
معماري ومهندس وتستشيرنا ؟؟!!! :d
أتوقع أغلب الفلل معزول قسم الرجال عن الحريم بكذا يكون الوضع المفتوح من غرف وصالات أوسع صدر بس مهم الدرج الجانبي علشان إذا فيه ناس بيصرفون أنفسهم للدور الثاني يقدرون :d الشقق المشكله مانقدر نعدل فيها يوم كنت بشقه اليوم اللي بيسيرون علي أهلي رجلي مسيكين أنواع التصريف :) الله يوفقك أطيب تحيه |
باختصــار ..
1. نعزل الصوالين ( غرف الضيوف ) بحاجز ( إما ستارة أو باب سحاب أو ... الخ ) عن بقية أنحاء المنزل 2. انفتاح المطبخ على غرفة الطعام أمر لابد منه *** كنت دوماً ما أطالع المسلسلات المصرية ، فيبهرني تصميم منازلهم ، فهو يحمل طابع ( الانفتاح ) الذي تتحدث عنه بينما كنت ومازلت أعلم في قرارة نفسي أنه نظام لا يناسبنا حيث أمر الحجاب مفروضاً ولذا .. لم يسبق أن دخلت بيتاً ، شقة كانت أو فيلا في السعودية إلا وكان الانفتاح فيها معدوماً .. !! *** خالص ودي |
من الطرائف واحد يحب ان المطبخ يكون مفتوح نفذ ها الشي طبعا هذا اهم شيئ عنده الكبسات والطبخ الثقيل اصبح البيت كل ريحة مطبخ وبصل نسي ان المطابخ المفتوحه كوفي شاهي شرائح خبز واكلات بسيطه جدا مشاركات قيمه جدا من المشاركين |
مع المطبخ المفتووووووووووح
أكيد أفضل يكون فيه مطبخ خارجي لو صغير الله يوفقك في تصاميمك عقبال ماتصمم بيوت أحفادك :d |
اقتباس:
جبيتيها يالاجوديه المفتوح منظر تستخدمه كثير من ربات البيوت لان له رديف مطبخ خارجي للطبخ وصممت كثير من هالنوع لكن هذا فيه هدر للمساحات وتكلفه زياده ومع ذلك المطبخ المفتوح كشخه مكلف كثير وديكور لكن بدون استخدام لازم يكون دائم نظيف ومرتب لانه بوجه الضيوف وقدامك دايم ليش كذا نرفع تكاليف عش الزوجيه تحياتي |
لكل شي حل لما يكون البيت مفتوح على بعضه لابد شي فيه من الخصوصيه مثلا لووضعنا درج اخر معزول عن الجميع وله باب للحوش غير الددرج اللي في وسط الصاله كذا يكون انحلت مشكله اللي يرقاوينزل لاصار فيه ضيوف بالصاله
ممكن نضع مجلس للرجال كنب فخم يقابله من الجهه الاخرى مجلس عربي وفيه تلفزيون ويفصل بينهم ديكور بسيط بس مكشوف طبعا يكون هذا القسم وله باب خاص من الجهه الثانيه للبيت ومعزول عن الصاله وغرفه الطعام المكشوفين على بعض واضافه نضع مطبخ داخلي مع المستودع الاكل اخر المطبخ المكشوف مع بابه اللي يطلع للحوش ونضع غرفه ضيوف بجنب باب الدخول الداخلي بحيث لاجى حريم علىطول من الباب للغرفه 000 وبكذا انحلت المشكله للي يبي الخصوصيه والتصميم الجديد000 ترى هذا مخطط سكن اهلي00:d |
| الساعة الآن 02:13 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©