هل ما فعلته صح وللا غلط ؟؟؟؟؟؟؟؟
 

السلام عليكم ورحمة الله وبركاته
.
.
.
.
.
اليوم أريد أشاوركم في موضوع صارلي وأريد تقولولي الذي سويته صح أو غلط .....

قبل يوم خطوبتي زوجي قال لأمه توصلي إنه عنده شرط قلت شو هذا الشرط.....قالت لي : إنك ما تشتغلين في مكان عام ....والذي فهمته بس في المدرسة.....أنا مستواي أعلى من مستوى المدرسة وكنت في كلية الكمبيوتر كنت أريد احول ضروري لظروف خارجه عن ارادتي قلت للوالد وقالي انا بخبره اليوم وبخليه يكلمك بس مكالمه وحدة...........المهم أيامها كان عندي امتحانات الفاينل في الجامعة
وكان عندي امتحان لأصعب مساق عندي ..........زففي نفس اليوم الذي كلمه الوالد أنا كنت مب مهتمه وايد وكانت 9 المسا بالليل فقلت أكيد باكر بعد المغرب انسب وقت ...........فمر اليوم ومن غير ما يتصل ....أنا متعوده إني كل ما اخلص من امتحان اتصل لأمي وللوالد اطمنهم علي .....وانا اكلم الوالد سألني اتصل (وهذا الكلام بعد كتب كتابي عليه فهذا حلال مب حرام وبعد إنه شي طارئ) قلت لا ،بس أكيد بيتصل اليوم .........الوالد سكر من عندي اتصل عنده وسمعه كلام يهز البدن وهو اصلا ما كان ناوي يتصل..........فقال لأمه تكلم اخي الذي هي الوسيط بيننا وكانت ساعتها اختي في استراليا فتخيلو كيف......المهم قالتلي اخي يلا نتفاهم قلت على شو نتفاهم هذا مب مزحة وقلتلها ما في حد يقدر يوصل الصورة بالضبط مثل ما يريد الشخص الثاني..........على العموم انتهت النقاشات بأني قررت ....أنا مكبرة السالفة وايد ليش ما احطي الذي يعجبني وبعدين يصير خير.....بس كنت اريد ابرد ذمتي ورحت وحولت لكيلة الادارة والاقتصاد....وانت اعلم بشغله ....وحطيت مب عناد لا والله بس لهالأسباب:
1) زوجي حالته المادية ممتازة وما باحتاج
2)ان شاء الله في المستقبل بكون عندي عيال وأريد اتفرغ لتربيتهم
3) قلت ما اعرف شو في المستقبل يمكن ما اكمل معاه يمكن يصير شي ....يمكن وهذا في علم الغيب
4) أنا احب مجال الادارة واكره مجال التدريس
5) قلت إذا صار بعدين وانتهت علاقتنا لا سمح الله بكون خسرت شهادتي ودرست شي اكره وخسرت مستقبلي على الأقل شي اكسب شهادتي واخسر شغلي أحسن من خسارة الاثنين

للعلم انا وافقت على شرطه وقلت بعدين يصير خير

إذا قلتي بعدين يصير خير..
وحولتي لمجال العمل به يكون خلط..
معناه إنتي ماوافقتي على شرطه..
أفضل إنكم تتفاهمون على الموضوع وماتسكرونه وهو معلق..
فالتفاهم عليه بهذا الوقت أفضل من بعد الزواج..

ولكن عندي سؤال..
لو إنك اشترطتي عليه تكملين دراستك بعد الزواج..
وقال لك يصير خير..
وبعد الزواج غير رايه وقال لك خلاص اتركي الدراسة.. بتوافقين؟؟؟
ألحين اللي صاير العكس وإنتي تبغين تخلين بشرطه..

من حق الزوج انه يشرط على زوجته تتوظف او لا.. ومكان الوظيفة مكان عام ولا لا مثل ما للزوجة تشرط قبل الزواج باللي تبيه يعني مثل انها تكمل دراستها او تتوظف او سكن خاص .....
وحلو انك غيرتي تخصصك للي يريحك واللي يناسب طموحك وميولك بس يكون تتقيدي بالشروط انك ما تتوظفي بمكان عام زي ماشرط عليك خطيبك ...
ومهم انك تخبري خطيبك وتاخذي رايو في مسألة تغيير التخصص ...:27:
انصحك تتفقي مع خطيبك قبل اي خطوة ... وذا من حقه تصدقي انا كان طموحي اكبر من الثانوية وخصوصا لني متفوقة وكنت اتمنى اكمل دراستي بالجامعة لا وتخصص طب بس زوجي ما يبيني ادرس ولا اتوظف ونا اخترت زوجي ومني ندمانة ولا عمري حندم
والله يوفقك بدراستك ومع خطيبك ...:)
تحياتي شقراء ...:cool:

بحرينية ولكن :
ردي على سؤالك ما بوافق
بس ما باليد من حيله ما اقدر اتواصل معاه.

شقرا السعوديه:
أنا بصراحة مندهشة منك كيف قدرة تتركين دراستك وتفضلين الزوج عليه ما كان بامكانك إنك تكملي......وثقتك الزائدة وما شاء الله بأنك لن تندمي من أين استمديت هذه الثقة بحيث إنك ضحيتي بمستقبلك عشانه.......أريد أفهم وأتمنى أشوف ردود كيف وليش وإذا ما في مانع تحكيلي قصتك للعبرة والفائدة.........يا أختي أنا ما قصرت يوم كنت أريد أشاوره........بس ألحين ما باليد من حيله.....أنا حولت والسبت بروح أشوف قبولي تم وللا لا وما اعتقد يرفضون بإذن الله...........بس أنا ضحيت بشغلي عشانه لأنه يستاهل

وينك يا شقرا السعودية

حبيبتي أنا أقلك عن حكايتي أن تخرجت بعد ماتزوجت وكانت وظيفتي مضمونة وقريب من بيتي لكن زوجي رفض تماما مع إن كل اللي كانوا معايا توظفوا وكانوا أهلي زعلانين عشان ماتوظفت لكن كان يقول أبغى أجي البيت ألاقي زوجتي تستقبلني ماهو ندخل أنا وياها سوى تعبانين وحالتنا حالة أنا أشتريت راحة زوجي وبعت كل شي وراها ومبسوطة والحمدلله وماقاصرني شي ....

اشكر لك مشاركتك اللطيفة

من الأفضل أن تقومي بعمل ما تم الاتفاق عليه من البدايه

حبيبتي اللي سويتيه مو غلط

انا اللي اعرفه انو البنـــــــت هي اللي تشرط مو الرجـــال اللي يشرط لما يجي يخطب!!!!!!!!


بصراحه هو لما خطبك اكيد عارف انتي ايش تدرسي او ايش ودك تشتغلي بعدين او المفروض سئل ابوك او اخوك او اي احد

واذا ماعجبه ياكثر بنات الناس

بس انو يجي ويخطب بعدين يجي يقول لامه توصل لك شروط هذي بالمررررررررررره مو مقبوووله


انا مااشجعك تعاندي خطيبك لاسمح الله بس لازم يعرف انو انتي بنت وانسانه حالك من حاله ولك طموح وامنيات ومن حقك تختاري وتقرري اللي تبغيه


حاولي تتفاهمي معاه بهدوء ووضحي له وجهة نظرك


الوحده المفروض ماتوافق تملك على واحد الا واهلها متفاهمين معاه على كل شي وكاتبين شروطها في العقد علشان لا يغير رايه بعدين

بس اللي صار صار


المهم اختي لاتتنازلي عن رايك لانك اذا تنازلتي الحين راح تتنازلي عن كل شي بعدين

والدراسه والوظيفه هم ضمان البنت الحين ماحد يضمن المستقبل

لاتعلقي احلامك لا على زوج ولا غيره اعتمدي على نفسك






تحياتي