|
سأتكلم !!!!! عجزت اتكلم !! ساعدوني
السلام عليكم ورحمة الله وبركاته
صراحة مادري كيييف ابدأ مشكلتي ،، ياناس طفلي عمره 3 سنوات اوكي مشااااغب الله يصلحه يعني اذا جلست بشوف برنامج او ادخل النت اوجالسين نسولف ،، لازم يحووووس الجلسة ويدخل عرض، اومثلا ابوه جالس يقرأ الجريدة ،، يجي ويحوس فوقها بدراجته ،، ماينفع معاه ترغيب اوترهيب،، احيانا اقول يفهم واحيانا اقول لا،، يعني إذا جلست اعلمه ان هذا مايصلح او الكلام هذا ما يصلح تقوله،،، يفهم ويرسخ في ذهنه واحيانا لما اغلط يصحح لي،، وفي نفس الوقت إذا اشغلني او ابوه نهاه عن شيء ،، ما يطبق ولا كأننا نتكلم ،، او مثلا اذا كنا طالعين للسوق يدخل يحوس في المحل او اذا كان مجمع ،، يبغى يمشي لوحده واحنا نخاف عليه,, اذا شاف طفل صغير: لازم يعطيه:29: ،،، ما يستحي من أحد،، جربت العقاب ،، فأحيانا احرمه من شي محبب إليه ،، واحيانا اقفل عليه في غرفته،، ويبكي فترة بعدين يجلس يلعب بألعابه،، وينسى العقاب ،،، واحيانا أذا كنت في السوق وكان المحل قريب من السيارة خليته في السيارة كعقاب،، او اقول ترى ماتنزل من السيارة اذا اشغلتن،، ويقول خلاص بصير مؤدب،، ولما ينزل تختفي الأداب،، وجربت اني مثلا اضع في فمه شي حار مثل( فلفل) حاجة بسيطة لكن مانفع ،، يعني أذا هددته بأي شي من السابق ،، يقول لالاخلاص ،، بصير مؤدب و و و و و ... ولحظة بسيطة فقط ويرجع لمشاغباته،،، اللي يقهر إني لما اعاقبه انا يجي لأبوه ويشكي حاله فأبوه يقول ليش انت ماتأدبت ومن ها الكلام ويقول له خلاص رح لماما وبوس راسها وقل بصير مؤدب وتوبة ،،، فهو يجي ويطبق نفس الكلام ،،، ونصف ساعة تزيد او تنقص ويرجع لسابق عهده،،، ونفس الموال مع ابوه،،، ودايما ادعي ربي يصلحه ويهديه... صراااحة تعبت منه ابغاه يصير كله آآآآآآآآآآآآآدآآآآآآآآآآآب :22: :22: ابغى حل تكفووووون الله يخليييكم... تبغون الصراحة إذا كان نايم نفقده ونروح نبوسه ما نتحمل بعده ،،،الله يخليه لنا مــــــــــن جـــــــــــــــــــــــــــــد ابـــــغــــــــــى حـــــــــــــــل..... ودمـــــــــــــــــــــــــــــــــــــــتـــــــ ـــــــــــــــــــــــــــــــــــــــم |
ياحبيبت قلبي
ربي يخليه لكم ويقُر عينكم بشوفته ويجعلكم قرة عين له ويجعله بار فيكم بسم الله عليه الرحمن الرحيم الله يحفظه ويخليه حبيبتي العقاب ليس حل دائما خلي العقاب أأأأأأأأأأأأأأأأأأأأأأأأأأأأأأأأأأأأأأاااخر الحلول بسم الله عليه انا اشوف ولدك مؤدب عارفه ليه لأنه يعتذر ويتوب شويه وبعدين يرجع في اولاد والله لو ايش مافي اعتذار اولا يالغاليه املي وقته الطفل يحب اللعب روحي بعض المحلات (المثلث ،التعليم المبكر) في عندهم العاب تعليمه وترفيهيه بنفس الوقت جدا رائعه كل فتره جيبي له لعبه اعملي بغرفته زاويه وافصليها بحواجز صغيره (غرفه داخل غرفه) حطي فيها مثلا مكتب وكرسي صغير ويوجد في هذه المحلات مثل الكمبيوتر فيها ايات قرأنيه واحاديث وفي جميع المحلات اسمه (بابا سلام) وممكن كمان تجيبي له صبوره وطباشير طبيه عشان ماتأذيه ممكن تجيبي قصص مناسبه لعمره يتعلن من الصور فيه قصص مع شريط كاسيت تجيبي له مسجل صغير وتخليه يسمع القصه ويقلب الصفحات ويشوف الصور ممكن تخليه يحكي لك القصه في قناة المجد للأطفال مرررره حلوه وتعليميه ممكن تخليه يتفرج عليه في ساعات محدده موطول الوقت في دفاتر للتلوين تجيبي الوان ودفتر للتلوين وتخليه يلون وممكن انت تلوني معاه بعض الرسومات في بعض الرسومات تكون تعليميه مثل طفل يصلي او يتوضأ او ينظف او يساعد الفقرأ وانت لما تلوني معاه تتكلمي عن الصوره وتخليه هو يتكلم عنها حبيبتي اهم شي مو كل شي تعطيه اياه فجأه ودفعه واحده كل مره اغريه بشيء كل اسبوعين ممكن تعملي تحظري لوحه وتقسميها بالأيام والتصرفات القسم الأول نام بدري 2_رتب سريره 3_دخل الحمام وفرش اسنانه 4_ فطر 5_غير ملابسه 6_ كنت هادئ لما جا بابا 7_تغد بهدوء 8_رتب اغراضه بعد اللعب 9_هادي ومحترم ومؤدب في السوق والمطعم 10_مؤدب في السياره وهادي ورابط حزام الأمان وكل خانه انت تحبيه يتبعها بنقاط ايجابيه وتحطي نجوم اوسيارات او الإبتسامه طبعا كل اسبوع غيري نوع الإستيكارات لأتنسي الطفل يحب التجديد لأنه يمل بسرعه وكل مايعمل شيء ايجابي على طول كافئيه بوضع الصوره في الخانه المناسبه وخليه يشوفك وانت تحطيها وامدحيه واشكريه وقولي له اذا عبيت هنا كل الصور اللي الممتازه بنكافئك انا وبابا ونشتري لك شي انت تحبه. ملاحظه لازم الأب يكون معاك في وضع النقاط وفي اتخاذ القرار وليس الزعزعه والتذبذب انت تقولي لأ وهو يقول نعم ثانيا في العاب حلوه تطلعيها له فقط في السياره او المطعم لأنه ينبهر فيها وينشغل يعني مثل مثلا دفتر تلوين جديد وصغير وان شاء الله اكون افدتك لو بالقليل بس هاااااااالاتزعليه ولاتعاقبيه انا ضد العقاب وربي يخليه لكم ربي لاتذرني فردا وانت خير الوارثين اختك في الله |
اختي الكريمه
حصني ابنك بالقران وكذلك نفسك وبيتك واظبي على الأذكار :18: حاولي ان تكلميه بهدوء واكثري من ضمه الى صدرك وانك تحبينه ولاتريدين ضربه:30: اشغلي فراغة بما هو مفيد واشبعي فضوله بالإجابه عن تساؤلاتة:24: اتمنى لك التوفيق |
اذا لقيتي حل قوليلي
كل شي جربته والله تعبت لاولدي أبشرك يزود حبتين يضربنا بالألعاب والجزم بعدين يعتذر شيء مايصدق بس أقولك الطفل اذا كان كذا يكون بسم الله عليه شخصية قيادية تحمل الذكاء والنباهة الله يحفظهم ياااااارب |
الف شكررررررررررر لكم جميعا
روح الغالي كلامك درر تشكرررررري تحياتي |
والله انا بنتى الوسطى مطلعة عينى
ابوها بيحكى انا مش عارف لمين طالعة قوية بتضرب اخوها الكبير بس انا ما بتحمل كل الى بتعمله بضربها شوية وشوية بحكيلها ما راح اطلعك بتخاف شوى بس انا كمان نفسى بنتى تصير مؤدبة شوى تبطل الى بتعمله الله يهدى يارب اولادنا |
| الساعة الآن 04:55 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©