|
أخيرا اجتاح حياتي الملل .. وانا اتألم!!!
بسم الله الرحمن الرحيم والصلاة والسلام على سيدنا وحبيبنا محمد وعلى آله وصحبه أجمعين وبالله العظيم استعين أحبتي في الله انا اليوم احتاج مساعدتكم .. انا الان في مرحلة الدورة الشهرية (في نصفه تقريبا) ويمكن يكون لها اثر سلبي على نفسي .. ولكن انا جد متألمة.. احس نفسي حزينة لابعد الحدود والاسباب كثيرة ومنها .. ملل زوجي ..اقولها وكللي حسرة واسف !!! مؤخرا حاسة زوجي مو طايقني ويصدني بالكام ويجرحني (انا حساسة جدا) .. ويتلف اعصابي ويطنشني وللعلم انا ساكنة في بيت اهلي..لأانو لسة بندور على بيت يجمعنا ... انا اصبر احيانا واحيانا ازعل وابكي حرقة وحسرة على هالحال!! انا مستعدة اسوي اي شي..بس للاسف الدورة اعاقتني..وخصوصا اني كنت بسوي له مفاجاة جميلة ولكنه ما قدر يجي عندي عشان اشغاله .. وكان وقتها بيدور على بيت لنا.. المهم انا سالته اليوم..مالك متضايق ومو طايقني.. قللي مافي شي ..قلتله: بس انا شايفتك مللان.. قللي: بصراحة الدنيا عندكم ملل!!!..امك طول الوقت حاطة على الاخبار واختك على الانترنت..وابوكي مع امك والتلفزيون مافيه شي..والبلي ستيشن زهقت منه .. قلتله ذكرت كل شي ونسيتني..قللي وش اسوي فيكي..قلتلو بنحكي ونلعب.. فقلي: العب معاكي بالطين..وقلتلو وشو فيها..نلعب ونمشي حافيين بالشارع والله ما عندي اي مانع المهم ننبسط ..سكت زوجي الحبيب..وانا والله اعشقه من كل قلبي.. ودائما ارتب نفسي قدامه ..واحنا يعني صرلنا سنة ونص تقريبا متزوجين ومو ساكنين مع بعض!! وهاد اللي زايد قلبي حسرة وقهر .. والحين ما يريد يجي عندنا عشان بيمل من القعدة عنا..وانا حاسة نفسي مالي اي لزوم..اكتب وعيوني تريد تبكي وانا امنعها السبب التاني لحزني هو اختي الحنونة... اختي تعرف شخص وتكلمت معاه عالتلفون بغرض الزواج..وهوا ما تاخر جا عندنا وقابل الوالد على طول.. ولكن انا خايفة عليها بحكم العادات والتقاليد البلد اللي هوا منها تختلف نهائيا وخصوصا مشكلة القــاط!! هوا ما يستعلمه نهائيا بس والده والله اعلم مين بعد!! المشكلة الاكبر اختي متعلقة فيه ومشاعرها مايلة له...ومستحيل تبعد عنه.. والمشكلة الاكبر زوجي خوفني وقللي الشباب هدول من البلد هادي الزواج والطلاق عندهم زي السلام عليكم ونا اختي احبها واخاف عليها..بس ما اقدر احكم عليها ..والوالد ما يريد الا سعادتنا والوالدة نفس الشيئ انا ما اعرف شو هوا الاكتئاب ..ولكن اعتقد اني خلاص صرت مكتئبة.. الحياة هادي اكرهها..مع اني انسانة مرحة واحب الجميع والكل يحبني ويقدرني الله يستر عليكم شو اسوي ... حزينة يا الله واتالم سامحوني طولت عليكم..ولكني مللت ببساطة من هالحال الرديء سلام عليكم |
يبدو أنّ زوجك .. يبحث عن الخصوصية ومن منّا لا يحب الخصوصية .. أنت وهو لم تشعرا بالاستقرار في منزل واحد ، إن شاء الله يجد المنزل المناسب قريباً وتصبح الكرة في ملعبك .. لتجديد في حياتك مع زوجك . نصيحتى : حاولي أن توفري له قدر لا بأس به من الخصوصية والاستقلالية عند زيارته لمنزلكم إلى أن ييسر الله لكم منزل مستقل . بالنسبة لأختك .. لو وضحتي أكثر عن تفاصيل الخطبة ومميزات الشخص والفرق بين بلدكم.. وبلده حتى يستطيع القارئ إبداء رأيه ، وعلى فكرة أنا لم أعرف مشكلة القاط ؟ هلا فسرتيها.. وفقك الله .. |
ان شاء الله كل الاوضاع تتغير بعد استقرارك مع زوجك في بيت مستقل
واذا زوجك متملل من زياراتكم المنزليه لاتكثرين منها يعني مرتين بالشهر تكفي وباقي الايام طلعي معاه بالسياره روحو اي مكان اما بموضوع اختك فلاتستعجلين بالحكم على بلد كامل .. يمكن يكون يبي الاستقرار عن جد .. ثم ان مسالة الطلاق في احتمال انها تقع (الله لايقولها) بغض النظر عن جنسية خطيبها كل هذا بعلم الغيب واختك اذا تزوجته وعيشته بهناء ماراح يفرط فيها ابدا |
حبيبتي لا تزعلي ولا تتضايقي منه الرجل يحمل مسؤلية مأواك وعدم وجود مأوا لزوجته يؤثر سلبا على نفسيته لا تزعلي
وإتعوذي من الشيطان وإلمسي لزوجك العذر وحني عليه زي الطفل وبالنسبه للمفاجأة ما خلص وقتها أول ما تطهري إعمليها له وإبدي من هاللحظه دلعيه ولو شد إرخي ولو قسى ليني عشان يتحمس ولو جا وقتها تكونوا كويسين مع بعض مو زعلانين وما تلاقي فرصه تعملي خطتك والله يوفقك إنتي وكل بنات المسلمين يارب وتلقون عش الزوجيه بأسرع وقت ويسخرك لزوجك ويسخرك له يارب |
انا راي من راي الاخوان بعد الاستقرار بترتاحين ان شاء الله بس اتعوذي من ابليس واختج في راي ان ابوج يرووح ويسال عن الريال احسن (ومن ترضون دينه وخلقه فزوجوووه ) والطلاق ما يخص بلد عن بلد اذا الله راد ها الشي بيصيير سواء من هاي البلاد ولا غيرها او بلادكم ها راجع للرجل و المرأه
|
الأخت الفاضلة
آمل منك كتابة موضوع في قسم الرسائل الخاصة باسم Reemona تحياتي |
أعتقد أنك تقصدين ( القات ) مو ( القاط) :d :d :d
|
شو هى مشكلة القات؟؟؟؟؟؟؟؟؟؟
|
الزعيم55
اخي الفاضل..ما احد يتدخل فيه ابدا..يعني بس بيمزحو معاه..غير كذا مافي اي شي وخصوصا انو لنا غرفة في البيت..ما احد يفوتها.. وبيبات عندنا وكل شي تمام ..ما اعرف ليش طبعو كذا!!! أما عن مشكلة القات .. فهذا العشب اللي بيتعاطوه بعض الناس .. وهوا مفعوله كالمخدر على ما اعتقد!!! اما عن مميزاته فهوا انسان خلوق ومحترم ,.. وبارك الله فيك اخي الفاضل مهمومه2 كلامك صحيح .. وان شاء الله يجعل نصيبها فيه الخير والامان والسعادة.. اما عن موضوعي انا..فما عندنا سيارة ولكن نقدرنطلع..بس هوا ما يبي!! وجزاكي الله خيرا lovely lulu والله انتي الغالية يا خيتي..بس اللي مو فاهمته..هوا يمل من عندي ويروح عند اصحابه ويلعبو مع بعض في الكومبيوتر..وانا صراحة بدأت اتضايق.. لانو يقول انو لو يجلس مع اصحابه احسن له وينبسط اكتر..بالله مو كلام يضايق؟؟؟ وعن موضوع المفاجة ان شاء الله..وانتي بصراحة شجعتيني اكتر عليها تسلمي ام تويتي عندك حق اختي الغالية.. اما بخصوصي انا..فموضوع الشقة هادا شكلو راح يطول والله يعينا!!!!!!! وبارك الله فيك يالغالية رادع هاد اللي افصده بارك الله فيك..وانتظر ردك ورايك بالموضوع فاكيد بستفيد منك!! بنت حيرانه كما ذكرت للاخ الزعيم هوا هاد القات واهلا وسهلا فيكي اخيتي |
شخصوصة ... حبيبتي ...
يمكن زوجك طفش من هذا الحال الصعب وانتوا بعيدين عن بعض .. صدقيني ماطفش منك .. لكن طفش من الحال اللي انتوا عايشين فيه .... حاولي لما يجي يزورك تعملي جو خاص فيكم ... وابتكري شوية افكار ... وشوفي ايش يحب ؟... اطبخي الاكل اللي يحبه ... ماشاء الله عليكي باين انك حبوبة وقمر ... وبالنسبة لاختك انا فعلا خائفة عليها وما اعتقد ابدا انها راح تسمع كلام احد ... الله يحفظكم |
| الساعة الآن 04:33 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©