منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المطلقات والأرامل والمتأخرات (http://www.66n.com/forums/forumdisplay.php?f=36)
-   -   كل شي انتهى بمسج (http://www.66n.com/forums/showthread.php?t=97144)

ميثى 13-08-2006 12:51 AM

كل شي انتهى بمسج
 
ا[B]لسلام عليكم ورحمة الله وبركاته
( هذا الموضوع كتبته قبل بس اتمنى انكم تقرون نهاية صبري شو كانت )
انا صارلي متزوجه سنتين بس سنه ويا زوجي وهذي سنه ثانيه بينا مشاكل ومقطوع الاتصال بينا صارله سنه وعندنا بنت عمرها سنه ومريضه عندها شلل دماغي .
المهم انا عمري 25 وزوجي هو ولد عمي عمره 28 انا جامعيه وهو لا مب متعلم بالمره , انا كنت اشتغل ولكن عقب الزواج تركت الوظيفه لانها كانت بعيده عن بيتي وهو لا ما يشتغل كان المهم تزوجنا وانا كنت حاطه في بالي اني راح اغيره حسب ما سمعت عنه انه عصبي وعنيد وكنت اقول انه تعليم مب مهم المهم الاحترام .
تزوجنا وطبعا ابوي اللي تحمل كل شي فتحنا لبيت ودفع ايجار الشقه لمدة سنه يعني في البدايه كان معاي طييب ومره يحبني وانا حملت على طول وبعد زواجنا بثلاثة شهور صارت مشكله فمد يده عليا انا انصدمت عاد هو قعد يعت>ر فانا سكت وما خبرت اهلي وقلت يمكن يوم يشتغل راح يتغير ويهدا بعدها باربع شهور حصله ابوي وظيفه المهم انتقلنا لشقه قريبه لشغله وكان شغل في منطقه بعيده عن اهلي كنت في شهر الخامس حامل تصدقون خلاني شهر ونصف من غير مكيف في عز الحر بحجة انه ما عنده امكانيه انه يشتري مكيف طبعا ابوي درى وراح اشترلنا مكيف طبعا بدا اي مشكله تصير بينا على طول يمد يده المهم في الشهر الثامن قالي روحي بيت اهلج عشان كنت تعبانه ورحت بيت اهلي في اخر الثامن اكتشفت انه الجنين في بطني مريض وطبعا تعبت نفسيتي وللا سف بدال ما يوقف زوجي وياي راح يقول انتي سبب انتي ما اهتميتي بعمرج المهم من كثر الضغط والله صارلي شلل نصفي في وجهي والله الله من كثر الاعصاب وبديت اتعالج طبيعي وكنت في الشهر التاسع المهم ولدت وطبعا بنتي طلعت مريضه وانا تحسنت صحتي فيوم طلبت من زوجي استخراج شهادة ميلاد لبنتي رفض وقال بعدين سكت انا وعقب ما خلصت الاربعين رحت بيتي والله اني اكتشفت انه انسان حقييييييييييييييير هذي شوي فيه تعرفون رفض يجيب سرير لبنته ولا كان يرضي يوديها المستشفى عشان تتطعم اللا يوم اضارب معاه وبالقوه طبعا زادت المشاكل بينا صرنا مب متحملين بعض لغاية مره والله انه طردني من البيت انا وبنتي الساعه ثلاثه الفجر وكان والله العظيم هو السبب في المشكله المهم طلعت من البيت وكنت مصدومه من اللي صار وقفت عند باب الشقه مب عارفه وين اروح طبعا هو فتح الباب بعدا بشوي وسحبني لداخل البيت وقعد يصيح بصوت عالي ويقول انا ما كنت في وعي وانا سامحته وقلت يله عشان بنتي ممكن يتغير ( انا لين لحين مب عارفه شلون كنت افكر وقتها )
اخر مشكله صارت بينا واللي سببها انا في بيت اهلي جاء اخوه وصاحبه عندنا البيت وكان معاهم فلوس بس مبلغ كبير المهم ثاني يوم سمعت انهم يتهمون زوجي انه سرق فلوسهم من شنطتهم زوجي انكر طبعا الكل درا بسالفه وجلس
يحلف يقولي انا ما اخذت شي منهم , فبعدها بيومين قالي قومي بوديج بيت اهلج لغاية ما اخلص مشكلتي يوم جاء بيت اهلي طبعا ابوي كان مصدوم باللي سمعه راح زوجي وطلب من ابوي نفس المبلغ اللي اخوه يقول انه زوجي سرقه منه يوم ساله ابوي قاله ليش تبه تعطيهم الفلوس وانت تقول انك برئ اونه يقول عشان اسكتهم وعشان ما يوصل الموضوع لشرطه طبعا بدينا ننصدم انه في ناس جات عند ابوي تقوله انه زوجي كان يدين من عندهم مبالغ كبيره وزوجي مب راضي لحين يعطيهم شي طبعا المشكله بدت تكبر فاكتشف ابوي انه زوجي كان ما يروح شغل لين ما انطرد وكان يدين من صاحبه عشان يسد مصاريفه راح ابوي تضارب مع زوجي وطرده من البيت . عاد زوجي سوا عنده كرامه وقال لابوي خذ عفش بنتك وابوي ما صدق وقال اوكيه ومن يومها صارلنا تقريبا سنه لاهو يتصل فيني حتى يسال على بنته .
أهم مشكله جواز بنتي هو مب راضي يطلعلها جواز وبنت يمريضه وابا اسفرها كلم ابوي اخوه الكبير ولكن زوجي رفض وقال مابغي احد يعالج بنتي رحت انا وطلبت من ابوي انه يرفع عليه قضيه ويطلب فيها جواز بنتي ومصروفها ورفع عليه قضيه ولسه ما صدر الحكم .


شوفوا النهاية شو كانت :
بس مادري ليش انا كنت رافضه هذا شي او بمعنى ما كان عندي الاستعداد اني اطلبه هل هو خوف من كلمة مطلقه او هل كان داخلي حب بسيط ناحية زوجي وكنت على أمل أنه يتغير .
طبعا انا كتبت اني رفعت عليه قضيه وهي اني أطلب منه شهادة ميلاد حق بنتي وجوازها عشان اسفرها للعلاج وهو راااافض .
المهم هو طبعا سبقني اني اطلب طلاقي وتخيلوا والله العظيم اني اصح من النوم البارحه الصبح على مسج طرشلي اياه وكاتب فيه بالحرف الواحد " إذا لم يتم سحب القضيه قبل الظهر فاعتبري نفسك طالق طالق طالق "
وانا اقرا الرساله والله اني انهرت بس تصدقون من كثر الصدمه واهلي طبعا فرحانين بهذا الشي انا مب متخيله انه خلاص كل شي انتهى بمسج بس يمكن اليوم بديت احس بالي صار والله يوم اقعد اطالع بنتي بموت من الصياح لانه مالها ذنب وخاصة انها مريضه يعني في هذي اللحظه كنت اقول يارب خلها تشوقني ( لانها ما تشوف ) يمكن انها تواسني او انها تخفف عني او حتى تقولي كلمة ماما تنسيني اللي صار كله ( لانها لين لحين ما تتكلم ) الله يخليكم وانتوا تقرون رسالتي ادعووووووا لابنتي بس على الاقل ابغاها تشوفني او تقولي ماما بس وادعوا انه الله يثبتني لاني والله لين لحين مصدومه .
واسفه على الازعاج



.

روح الغالي 13-08-2006 01:14 AM

لاحول ولاقوة الا بالله

انا لله وانا اليه راجعون اللهم اجرها في مصيبتها وأخلف لها خيرا منها

ربي يفرج همك وينولك مرادك ويريح بالك ويشفي بنتك ويعوضك خير ان شاء الله

اللهم انزل عليها الصبر والسكينه وثبتها واعنها على تربية بنتها


الله يكتب لك الخيره الطيبه

اختك في الله

عروس بالاسم 13-08-2006 01:20 AM

سبحان ربج يمكن خيره لج ماتدرين
هالريل صراحة ماينظمن غير مسوؤل لا عنج ولا عن البنت
الله يصبرج يارب ويفرج كربتج اللهم آمين
ويشفى بنتج يارب امييييييييييييييييييييييييييييييييييييييييين

البتول 13-08-2006 01:22 AM

ومن ماذا مصدومة يا اختي ؟ من خلال ما ذكرتيه عنه فمتوقع انه ينهي كل شيء بمسج ، واضح انه انسان غير مسؤول .
وبالنسبة لبنتك اسأل الله ان يشفيها .

وانتِ واظبي على الدعاء والاستغفار والصدقة . وان شاء الله ربنا سيفرج همك.

de rom 13-08-2006 01:29 AM

الله يعينك يا أختي

و يعافي بنتك و يشفيها و يجعلها لك كما تتمنين و يرزقك من فضله الواسع و يعوضك باللي اخير منه


لا تحزنين اختي انتي بنعمة .... شتان بينك و بينه و ان شاء الله ربي بيعوضك بالصالح


قولي الحمدلله كثيرا فأنت أفضل من غيرك

لورنس الشمري 13-08-2006 01:42 AM

خيتي,,,,,,,,والله العظيم احمدي ربك انك خلصتي منه هذا انسان لايستحق انك تظلين معاه يوم مو سنه,,,
بعدين انا اقول المفروض تكونين فرحانه,,,,وتصلين ركعتين لربك حمد وشكر,,,
بصراحه وقسما بالله استغرب من نوعية هالرجاااااااااال,,,كيف قلبه يطاوعه يترك زوجته وبنته بهالحاله
بعدين اختي الحق عليكي تعرفين انه عصبي وعنيد ومب صاحي وش تبين فيه وانتي انسانه جامعيه,,,,
يعني انه ولد عمك وخير ياطير يعني وربي قهرررررررررررر
عسى الله ايسرلك امرك ويعوضك بواحد احسن منه بمليون مرررره اللهم امين

ginan 13-08-2006 02:34 AM

الله يفرج عليك وييسرلك امرك ويشفيلك بنتك يارب العالمين

omfateeeema 13-08-2006 03:06 AM

لا حول ولا قوة الا بالله

انا لله وانا اليه راجعون

نسال الله ان ياجرك فى مصيبتك ويخلف لكى خيرا منها


اكثرى من الاستغفار والدعاء وبامر الله ستجدين هنا نعم الاخوه لكى

فوفو 13-08-2006 03:24 AM

الله يساعدك يا اختي على مبتلاكي ولكن افرحي نعم افرحي لان الله اذا احب عبدا ابتلاه فلتكوني فرحه بمحبه الله لك والله يشفي بنت يااااااااااااااااااااااااارب

شخصية مجهولة 13-08-2006 03:35 AM

اقتباس:

المشاركة الأصلية كتبت بواسطة روح الغالي
لاحول ولاقوة الا بالله

انا لله وانا اليه راجعون اللهم اجرها في مصيبتها وأخلف لها خيرا منها

ربي يفرج همك وينولك مرادك ويريح بالك ويشفي بنتك ويعوضك خير ان شاء الله

اللهم انزل عليها الصبر والسكينه وثبتها واعنها على تربية بنتها


الله يكتب لك الخيره الطيبه

اختك في الله

اللهم امين


الساعة الآن 09:05 PM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©