حركة اعجبتني
 

السلام عليكم
اليوم بعد الصلاة ركب معي احد جيراني وهو ملتزم وذهبنا لمشوار خاص واثناء عودتنا توقفت عند محل ونزل للمحل و بقيت انا في السيارة وفي هذه الأثناء رن جواله وظهر على الشاشة اسم ( حوريتي ) ولما ركب السيارة اتصل على ( حوريتي ) وعلمت انها زوجته وبصراحة استغربت هالحركة <<<<<<<<< :d
واحنا راجعين قالي وقف عن محل ايس كريم ووقفت عن با سكن روبنز وياخذ كاسة كبيييرة من الايس كريم تكفي شخصين وملعقة وحدة الظاهر انها من دواعي السهرة :)
ويوم قربنا من البيت اتصلت عليه زوجته وقالت له وينك قال خلاص تحت انا وسمعت زوجته وهي تصيح من الفرحة وسألها قال العيال ناموا قالت ايه اطلع بسرعة قال طيب الحين جاي
ونزل وتركني وانا اتقطع من القهر
لأني قبل يومين فقط كان المفترض انه يكون يوم زواجي اللي تفركش
لا حول ولا قوة الا بالله
المهم حركته اعجبتني كثير وحبيت اطلعكم عليها عشان تسوونها
بس تراني ماني موصل احد :)

بسم الله ما شاء الله ولا قوة الا بالله
الله لا يحرمهم من بعض ويبعد عنهم الحساد واولاد الحرام وكل من يريد لهم سوء
الله يهنيهم

نسال الله العلى القدير ان يرزقك الزوجه الصالحه

اما بالنسبه للاخ الملتزم انا اعتقد ان الانسان كلما ازداد من الله قربا كلما ازداد قلبه رقه

ولن نجد مثالا للرومانسيه خير من المصطفى عليه افضل الصلاة والتسليم

تحياتى

ماشالله تبارك الرحمن

ياسلام اعجبتني هالحركة والله ماهقيت ان رجالنا تطلع معهم هالحركات بس بدو يتمدنون شوي ههههههههههه

الله يرزقني برجال مثل هذا

ان كانك مستغرب عشانه ملتزم والله الحين في الأسواق استحي امشي من عندهم اقول الحمدالله اني متغطية مايشوفون وجهي

وهو يتقلب ماسك يدها بقوة وكل شوي يقرب منها كنه خايف عليها لاتنحاش

الله يعوض عليك ويرزقك الزوجة الصالحة

رائئئئئئئئئئئئئئئئئئئئئئئئئئئئئئئئع عقبالنا يارب

اذكر الله على الرجال لايجيهم شي...وبصراحه انا ما احب الحركه هذي ابدا حتى لا يدق عند احد ويشوف الاسم الي حاطته لزوجي وينق عليه ويكتب عني بالانترنت.... يعني لو كتبت حبيب روحي ولا قلبي ولا غرامي ايش موقفي لكنت في مجلس حريم ودق وانا بعيده؟؟او ان يكون جنب ابويا وشافه او احد من اخواني ولا خلاص زوجي يعني افصخ الحيا مره!!!هذا رأي احس ان في اشياء لابد ان الواحد يوقف عندها مايتعداها وتبقى مشاعري لزوجي واسم الدلع سر بيني وبينه انا استغرب بصراحه من اللرجل الي يكتب اسم زوجته او عبارات ماصله احس ماعنده غيره على زوجته افرض انسرق الجوال ؟؟وفعلا صارت مره لعمي وكان مسجل اسم زوجته صار يدق عليها الحرامي ويقول ادوني حنان ويدق على الرجال الي في القائمة ويقول ابغى حنان الي مسجله في هذا الرقم وفضح الرجال وصارو يعايروه حن عليه وخليه يكلم حنان!!
وانا اشوف لو لابد يكتب الاسم بالانجليزي حتى مايقراء بسهوله من قبل المتجسسين..او حروف يعني انا زوجي مسجلني حرفي +حرفه=حرف طفلنا بالانجليزي

ماشاءالله تبارك الله الله يهنيئهم ويخليهم لبعض ولايحرمهم السعادة

وعقبالك يااخوي وعقبال بعد مانشووووووفك سعيد ومنبسط مع زوجه صالحه ياااااااااارب قول آميين

تحيتي

صباح الخير
ســــــــــؤال أنت ايش اللي جاب عيونك اتطلطل :eek: بجوال الرجال؟؟؟ هااااه ترى اللقافه مايمدحونها:16: .....

والله يوفقكك ويتمم عليك ..وعن زواجك كل تأخيره فيها خير وانشاءالله كاتب لك الخير بس تصبر واحسب الأجر.