|
سؤااااال للرجال ,, كيف تصبح المرأه .....
السلاام عليكم اخواني واخواتي ,, انا مملكه من شهرين والحمد لله اموري ماشيه تمام ,,, سؤالي للرجااال ,,, كيف تصبح المرأه بنظرك هي العشيقه والحبيبه والصديقه ؟؟ وكيف تكسبها الثقه ؟؟ شاكره لكم احبتي ,,, |
والله سؤاللك ترى شوي صعب
يعني بالضبط ماادري تبين توصلين لايش بس اللي عندي احب المراه الثقيله ببداية الملكه مو خفيفه وهي اللي تتطلب تكلم واعشقها في رزانتها وفهمها لامور الحياه والزوج والبيت واهتمامها بنفسها واهلها يعني فاهمه الدنيا احبها اذا قالت احبك من قلب واذا شفتها تتعذب بحبي بس ماتكثر هالكلمه ولا تقولها الا لسبب تكتشفه فيني او عدة اسباب تخليها تحب واحسها صديقتي اذا صارحتني باللي بقلبها من طبايع وعادات واذا وقفت معي ببعض الامور وشاورتني بامورها الخاصه وراح اعطيها الثقه بمشاورتها واخذ رايها والمدح فيها اسف للاطاله بس عسى الكلام هذا يفيدك واتمنى للي يقراه يعطيني رايه كلامي صح ولا لا؟ تحياتي |
اقتباس:
اخوي كلامك قووووووووووووووووووووي جدا جدا بس ياليت تشرح لنا اكثر وتوضح لنا قصدك من الجمله (((احبها اذا قالت احبك من قلب واذا شفتها تتعذب بحبي بس ماتكثر من هالكلمه ولاتقولها الا لسبب تكتشفه فيني او عده اسباب تخيلها تحب )))) هالجمله تروع بصراحه ....... ليه تبيها تتعذب بحبك ؟؟ وش مقياس العذاب في الحب عندك ؟؟؟ غريبه ليه ماتبيها تكثر من هالكلمه ؟؟؟ وليه تبيها تحبك لسبب ؟؟؟ احيان يكون الحب من الله بدون اسباب مقنعه يعني قبول وعاطفه قويه وانجذاب بدون سبب . الله لايهينك اشرح لنا بسرعه .... ذبحني الفضول :cool: |
ههههههههههههههههههههههههههههههههههههههههههههههه
اكيد ياخوي يامزاجي الحب من الانجذاب والعاطفه بس هذا بالبدايه بعدين تصير اشياء تخليها تحبك اكثر و اكثر وبالعكس راح تشوف انت اشياء فيها وتحبها بزيادة وقصدي من انها ماتكثر من كلمة احبك لانها اذا كثرت بزياده احس انها مايصير لها طعم طبعا الكلام هذا قبل الزواج يعني فترة الملكه لاتفهم غلط لان بهاالفترة اذا جات كلمة احبك بعد الاطاله تعذبني يعني يوم ياصل وقت الزواج الا كلكم رايحين فيها من عذاب الحب وهنا المتعه يمكن ماتوافقني بس هذا انا ولو تجرب راح تشوف تحياتي |
تسلم اخو ي على هالتوضيح
وكلامك مقنع بصرااااااااااااااااااااااحه بس حبيت اوضح لك اني انثى ولست رجل :d ويعطيك الف عافيه على سعة صدرك |
لازم تدوري بالمنتدى كلة
في مواضيع ممتازة للمقبلين على الزواج انا مرررررررة استفدت منها |
هي ماهي جمل ونركبها
الزوجة اذا كنت تحبها فسوف تصبح لك الزوجه العشيقه والفاتنه والصديقة ....... ...... ...... واشياء كثيره تجعل الجمل هذي شعور حقيقي تشعر به ليس اشياء نحن نطلبها وتأتي |
مشكووور اخوي هاوي خيال
من جد كلامك قوي وحسيت وضح اشياء واجد ,, يعطيك العافيه ,, ++++ دلوعه سعوديه , مزاجي غير مشكورين عالمرور ويعطيكم العافيه ++ ابو راكاان صحيح بس توونا باول الطريق امور كثيره لازم تتوضح يعطيك العافيه يارب ,, |
السلام عليكم
أختي اولا : الله يوفقك ويسعدك و يرزقك الذريه الصالحه ............. انا لست رجلا لاكن لي تخيل عن مزاج الرجل بحكم عشرتي مع زوجي ... كوني طبيعيه بدون تكلف ولا مبالغه .......... سمعي زوجك كلام حب ... وتلهفي عليه اذا غاب عنك كثير بيني له شوقك وعذابك ببعده عنك ........... بس بثقل شوي ودلع .......... كوني حسنة المظهر دائما حتى وانت تطبخين او تنظفين ........... و لا تكثرين الزعل على الطالعه والنازله لان ببداية حياتك بيراضيك كل ما زعلت بس بعدين بيمل و يصير زعلك عنده شي عادي ......... و اهتمي باهله حيل ( امه وابوه واخوانه ) حتى اذا سافرتي او طلعت او جت مناسبة عيد او اي مناسبه تذكري امه بهديه زي هدية امك وقوليلها قدام زوجك ( احترت شجيب لك وبما انك زي امي جبت لك زي امي بالضبط ) و اذا اكلت اكله حلوه شيلي لها شوي و قوليلها ( اشتهيت لك هالاكله ما ذكرت الا انت وانا اكلها ) .......... ترا هالكلام انا ناصحه فيه وحده بالمنتدى مره شاكيه من معاملة ام زوجها .. ولو اني ما شفت نتايجه على حياتي وشكثر يسعد زوجي ما كنت نصحتك فيه ............ و اتخيل ان كل الرجال تقريبا يتشابهون ببعض النقاط ... اتمنى اكون افدتك ولو شوي واي استفسار اقدر اجاوبك عليه انا حاضره من عيوني ... على فكره لا تتجاهلين مفضلة المقبلين على الزواج اللي بالمنتدى تراهي روعه |
اختي الرجل يحب الشخص الي يهتم بكل تفاصيل حياته صغيرها وكبيرها لاكن مو بتدخل وفرض الراي عليه
طبعا يكون بمشاركته في كل شي وابداء اعجابك بكل مايفعله ايضا اعطه من الهدايا ماصغر حجمه ورخص سعره نعم فالرجل كالمراءة لايسال عن سعر الهدية وانما عن قيمتها المعنوية فمثلا في عيد ميلاده قدمي له 5 هدايا صغيرة وانا اتذكر اني كنت مسافر في رحلة في مدينة اخرى واشتريت ميدالية فيها دبدوب صغير واشتريت عطر واعطيت الاولى لامي والثانية لاختي ولا تتصوري بعدها مقدار الفرحة التي عمت عليهم وسبحان الله صدق الرسول الكريم عندما قال تهادوا تحابوا وعلى فكرة الهدايا ليس فقط للخطيبة او الخطيب بل من واجبك ان تهدي امك واخواتك واخوانك لانهم اولى بالهدايا من غيرهم |
| الساعة الآن 08:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©