|
موقفي مع خطيبتي ..أفيدوني برأيكم؟
السلام عليكم ورحمة الله وبركاته أبغى أستشيركم في موضوع أنا عندي حرمة دايما توعدني بأشياء(وخاصة لما تبا تراضيني) وبعدين لما أسامحها تقول غيرت رايي وما تنفذ الوعد أمس سرت عندها وقلت بطلع من بيتهم الساعة 11:30 المساء ويوم وصلت الساعة لموعد الطلعة قلت لها بغير رايي مثل ما انتي تسوين فيني بطلع الساعة 12 تمت تقول لا إنت غير وأنا غير قلت لها علشان تحسين فيني وتحسين بالقهر اللي أنا أحسه يوم ما تنفذين وعودك عقب ما حسستها بالذنب وقبل الساعة 12 قلت لها يالله بتوكل وكنت واصل عند باب الغرفة شفت الجوال قريب منها قلت لها جيبيه أخذت الموبايل وحطته على الأرض وشاتته صوبي وظرب التليفون بالباب (مثل لعيبة الكرة) بطريقة جننتني:29: من القهر جلست وسكرت الباب وما طلعت وتمو أخواتها يدقون الباب يبونها هي ما ادري ليش كانت يالسة على الكرسي وجلست عبد الباب وقلت لها إنتي دفشة وإنتي ما تستحين على وجهك وما عندك إحترام وقلت لها إجلسي على الأرض لأنك ما عندك أدب وهاي أكثر مرة عصبت عليها من بعد الملكة والظاهر إنها كانت تبا تبكي وطلعت من الغرفة بروحي ورحت البيت اليوم الصبح بغيت أتصل فيها وما قامت ترد علي بعدين طرشت لها مسج عن أهمية العفو عن الناس إذا أخطؤوا وآيات وأحاديث عن العفو واتصلت فيها الظهر أكثر عن مرة وما قامت ترد علي ما أعرف شو أسوي؟ هل أستمر أتصل فيها ولا أخليها هي بروحها تتصل فيني؟ أفيدونا مأجورين _تم تعديل العنوان ليتناسب مع الطرح ويكون باللغة العربية الفصحى_ |
اتصل فيها وبين لها ان اسلوبها معك مااعجبك وانها لازم تحترمك ونقض الوعود من صفات المنافقين واليهود وبصراحة اخو اشوف انه الحياة مو منافسة ومعاملة بالمثل خليك احسن منها لانه النساء يحبون الدلع ويختلف من وحدة للثانية امكن هذا طريقتها بالدلع والله يوفقكم
|
اقتباس:
مع إنها هي اللي بدت المشكلة أنا متأكد إنها تباني ما أكرر لكن سؤالي هو هل أستمر أتصل فيهاولا أنقطع عنها لين ما هي تتصل |
اخوي هو كم عمر خطيبتك؟ عطنا مثال لاخلافها بالوعد عشان نفهم بالضبط الخلاف؟ ولي عودة |
شوف حبيبي دلعها على الاخر شبعها من الدلع خليك افضل منها كثير
واضح انك تحبها وواضح انك تبي ترتاح لذلك اعطيها كثير بدون ما توضح انك ممنون ومع العطاء اطلب منها العدل مقابل عطائك لها لازم هى ايضا تعطي |
من زمان عاهدتني إنها تتكلم معاي في التلفون بكل أدب وما تطنشني لكن تمت تطنشني لين فترة قريبة
أول ما ملكت قلت لها بدرسج رياضيات لأني مدرس رياضيات ووافقت لكن رفضت وبعدين يابت الشهادة (الثانوية العامة) ويايبة في الرياضيات 19 من 100 ومع ذلك سامحتها |
ما بعرف ,,, هي جد حركاتها مو من باب الذوق انها تعملها بالذات لما شاتت اموبايل برجلها !!!!!!!!
انت حر .. وايش ما عملت انت معذور ,,, |
تبي الصراحه اعذرني
ماني فاهم القصه زين اسف بس لو تسمح انك تعيدها لي ولك جزيل الشكر وبواضح |
هى اللى غلطت غلط كبير وبصراحة انت السبب لانك سمحتلها من الاول انها تتعامل معاك هيك وكمان حركة الموبايل كتير صعبة والمفروض تعرفها غلطها و انت لما تحاول تكلمها هى ما راح تفهم انها غلطت بالعكس راح تعذبك اكتر وتتجاهلك
بس فى شىء ثانى انت اخطأت فيه لماقلت لها إنتي دفشة وإنتي ما تستحين على ويهج وما عندج إحترام افتكر ان الكلام هذا طبعا ضايقها والمفروض انك كنت تعرفها غلطها بدون ما تغلط فيها وهى لسه صغيرة يعنى انت بتقدر تشكلها على راحتك بس نصيحة مني اتقل شوية وخليها بس تهدا راح تتصل فيك بس لما تتكلموا تانى ان شاء الله كن حازم معها وعرفها انها غلطت وما تكرر الغلط وبعدها خليك حنون معها عشان ما تخاف منك بس فى خطوط حمرا علمها انها ما تتجاوزها فى الاحترام بينكم والله يهديكم ويديم عليكم السعادة ان شاء الله |
اقتباس:
شاتت الموبايل بدال ما تييبها بإيدينها لي إلتفت لها حتى وما قالت آسف ولا لمحت بالإعتذار لكن سكتت ولا كنها مسويه حاجة غلط نازعتها والحين هي زعلانه وما ترد على الموبايل وهاي المرة الأولى اللي تزعل مني في المرات السابقة كلها هي اللي تعتذر مني وتكون هي اللغلطانة هاي أول مرة أزعلها هل أستمر في الإتصال بها؟ وهي ما ترد علي لين الحين أم ما اتصل يوم ولا يومين أو أكثر بعدين أتصل مع العلم إنه أتصل فيها في اليوم الواحد 3 مرات في الغالب |
| الساعة الآن 01:19 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©