كل بنت تتمناه ولكني لم أتقبـّـله.
 

السلام عليكم

اخواني ابي رايكم في مشكله يمكن تشوفونها صغيره او وحده دلوعه بس والله التفكير ذبحني
انا عمري 21 سنه من عمري 16 وانا انخطب بس ابوي يرفض بحجة اني صغيره بدون ان يشوف رائي بصراحه انا كنت اموت قهر ليش مايستشيرني على الاقل لاني بصراحه كنت برفض بس حبيت انهم على الاقل يحسون ان في وحده هي صاحبةالقرارالمهم انا وحيدة امي وابوي من البنات ابوي وامي يحبوني ومايقصرون معي بس الحين كبرت وصرت افهم اكثر تقدم لي ولد عمي بصراحه اهو طيب وراعي صلاه ابوي من زمان قاعد ينتظره يجي يخطب لما توظف وجاء سالني ابوي عن رايي ولاول مره انا على طول قلت لا ما تقبلته وبعدين قام ابوي يحاول فيني صليت صلاة استخاره وكانت حالتي النفسيه سيئه من كثر الضغوط المهم قلت موافقه وشرطت عليه شرط ورفضه قلت خلاص جات منه ابوي زعل علي
بس انا ماتراجعت اهله زعلوا مادري ليه الزواج قسمه ونصيب المهم سمعنا ان اهله قاعدين يخطبون له بعدين جاء لابوي قال اهلي خاطبين لي بنت وانا مابيها مابي الا بنت عمي وانا موافق على شرطهاتكفى زوجني ابوي ماكذب خبر جاء وقالي بملكك عليه انا قعد اصيح قالت امي لا تغصبها ابوي حبيب يوم شافني ابكي قال كيفك قال فكري مره ثانيه
انا بسافر وان جيت قولي وش قررتي بصراحه اهلي قاعدين يضغطون علي وانا مادري شفيني مانيب متقبلته صدقوني حاولت ماقدرت هوفي كل بنت تمناه بس عجزت اتقبه مانيب قايله احبه على الاقل القبول تكفون ساعدوني انا في دوامه
اختكم في الله الطايره

اختي اذا انتي كلش مو راضيه تتقبلينه خلاص بلاها ..

عادي حبيبتي يعني كل وحد حلو او زين بعين غيره و في ناس يشوفونه شين ..

انتي قرري .. اذا مو متقبلته رفضي .. الزواج عشرة عمر .. مو يوم يومين .. ولا فيها تراضين عمك او ابوك ..

انتي صاحبة القرار ..

اذا لم تتقبليه فارفضي الزواج ولا تستسلمي لضغوطات الوالد

السلام عليكم ..
اختي الفاضلة .. موقف أبوكي في البداية ( يوم كان عمرك 16 سنة ) موقف صحيح ( لأن بعمرك هذا مستحيل تفكري بالزواج من كل زواياه ) أكيد انه كان يبيكي تكبري عشان توافقي وانتي مقتنعه ومحتاجه للزوج 100% , ولاتحطين زعلك من أهلك على من يجي ويتقدم لك , والله غلط , وش ذنب ولد عمك بهالشي .. شوفي .. اذا كنتي تبينه ومقتنعه فيه , خلاص استخيري وارضي فيه اذا اقتنعتي , ( شفتي كيف , الحين صار لك كلمة وأبوكي مستحيل يسوي شي الا بأذنك , عمرك وسنك صار يفرضك على أهلك ) ..
واذا ماكنتي تبينه ارفضيه بس بطريقه مو قاسيه ( عللي بأي عذر مثلآ ) ..
والله يوفقك ..

جزاكم الله خيرا

ولماذا الحيرة والتردد اختي ان كان الحد الادنى وهو القبول غير متوفر لديك ؟!

وعلى فكرة هذه الاحاسيس لا تأتي بالإقناع ، فإما تتقبلي من تلقاء نفسك او لا .

لا تظلمي نفسك وتظلمي معك ابن الناس في زواج انت ِ مكرهة عليه من البداية. .

ملاحظة : تم تعديل العنوان ليتناسب مع المضمون.

الزواج مو مشروع او لعبة تجربينها عشان خاطر حدة ..
مين ما كان هل الحدة ..
يعني اذا ما كنت مقتنعة 100% ..
اكيد لا توافقي

بكرة ما حدة بتغلب غيرك
ديري بالك ...

اختي الغاليه
حقك الذي كفله لك الاسلام ان تختاري من يشاركك حياتك للأبد

اعيدي الاستخارة

وقرري قرارك النهائي بعدها

وحتى لو زعلوا الاهل فترة وتعدي

اذا من بدايتها كذا
ارفضيه
ولا تتورطي معاه بعدين

واستخيري ربك