هل تخرج معكم ؟؟؟؟؟؟؟
 

السلام عليكم ورحمه الله وبركاته..................:d


اليوم اريد ان اتناقش معاكم بموضوع وابي الكل يبدي رايه لاهنتو.....:22:


وياليت النساء والرجال المتزوجين ما يبخلون علينا

ام الزوج هل ترافقكم في ""طلعاتكم ونزهاتكم وسفركم """



بالنسبه لي انا ولله الحمد زوجي بار بأمه ويارب عيالي يطلعون على ابوهم:d

فعودني من اول الزواج ان امه تكون معانا في طلعاتنا وسفراتنا طبعا هذا اذا هي كانت حابه تروح وللعلم انه ما يقصر في حقي شئ


ما اخفيكم علم في البدايه كنت اتضايق لكن بعدين تاقلمت مع الوضع والحمد لله ام زوجي طيبه ولا عندها طلبات وتشرط يعني حالها من حالنا

لكن الغريب في الامر ان صديقاتي يعيبون علي هذا السكوت:(


فحبيت اشوف اوضاعكم علشان مااحس ان تصرفي غريييب:)


يالله ياحلوين طلعو الي عندكم :d

حياك اختى والله يعوضك بعيالك يكونون زي ابوهم

انا بنسبه لي ماطلع مع زوجي مشوار او سافره لا لزم نقول لام زوجي

والله فشيله نطلع قدامه ولا نقولها

بس صراحه هي ترفض تروح معنا <<<<ام زوجي شوي فهمه انا العزيمه بس كلام من باب الفشيله

تروح معنا اذا كانت الطالع عائليه يعني كل البيت


بنسبه لك اذا كنتي مرتاح مع ام زوجك وام زوجك مو من الامهات الى تتحكم وتجلس تحلطم بسرعه نرجع للبيت

الحمدالله خروجه ماراح يضرك

وانت حول بعض الطلعت اذا كانت ام زوجك برا البيت تستغلين الفرصه وتطلعين مع زوجك الحالكم

وبنسبه الزميلاتك لاتسمعين كلامهم دامك مبسوطه ومرتاح وام زوجك ماتربط حريتك لا يهمون الناس ويسببون مشاكل بينك وبين زوجك

بعدين ترا حشيمك وتقديرك الام زوجك بيرفع غلاك عند زوجك اذا كان زوجك من النوع البر بامه

الله يعطيك على قد نيتك ويسخر لك زوجك

ويجعلك قرة عينه

الله يجزاك كل الخير اختي وانا ما اسمع كلام زميلاتي بس هم الله يهديهم حسسوني ان وضعي ماهوب طبيعي


كل الشكر على الرد

انا في بيت مستقل عن ام زوجي



جزاك الله كل الخير على هذا الكلام الجميل

السلام عليكم ..
اختي الفاضلة .. ماعليكي من صديقاتك , اذا انتي مبسوطة , فخليكي على كذا , مارح يضرك شي .. بالعكس , يمكن تكون سبب بعدالله انها تكون بينكم وماتخلي المشاكل تطرأ بينكم بسهولة .. والزوج غالبآ انه يرتاح اذا أمه كانت تطلع معه هو وزوجته ..
أخوك More Than a MAN

جزاك الله اخي كل الخير على الرد

انابصراحة ما اقدر افيدك لان امه الله يرحمها
بس لو كانت موجودة بصراحة في بعض الاوقات احب اكون لوحدي انا وزوجي بس وما احب حد يكون معانا

والله جزاك الله خيرا على تصرفك هذا وخصوصا اذاكانت امه وحيدة بالبت او ما احذ يطلعها واذا انتى مبسوطة معها وهى ما تنكد عليكم فى طلعاتكم خليك على حالك وانا ما اقدر افيدك لانى عايشة فى بلاد اوربية وامه بعيدة لكن لما تزورنا شى طبيعى جدا ان نطلع طلعات عائلية وما عليك من الكلاموضعك طبيعى وكثيرات مثلك جزاك الله خيرا

اعتقد اللي تسويه



عين العقل



ودليل كبير إن تربتج حلوة



ولأن عمتج الله يحفظها حقكم ما تضايقج فمافيها عيب

ماشاء الله

مثل عمة أختي ... وأتي مثل أختي والله ...

أما أنا في زواجي الأول ... كانت تنكد علي وأنا في البيت كيف إذا بطلع معاها
والله ما أكذب .. عينها ما تشيلها علي .. وشو ما أقوله غلط .. وإذا حد سألني .. هي تجاوب... وإذا كشخت والكل تمدح في لبسي .. تزعل وتقول بدلي .. وهذا صار أكثر من مرة .. وإذا اهديتها شي .. تقول مب شي ؟؟؟؟...وووووو

يعني كانت فيه كثير مضايقات منها...و الله يسامحها ...

مو بس كذا .. كانت حتى تتحكم بطريقة أكل (زوجي سابقا) ... وطريقة كلامة وكل شي .. وغذا كلمني
عينها ما تروح من عيني

ودايما تجرحني وتزعل ولدها .. لأشياء تافهه


عشان كذا كنا ما نطلع كثير معاها .. وأصلا إذا طلعنا .. تقعد تنتظرنا لين نص الليل لين ما نجي
تقول يهال ما نعرف الدرب؟؟؟؟؟

واحيانا لين ردينا متأخر .. تزعل .. وتقول حق ولدها .. يعني أنا جالسة احاتيك وأترياك (انتظرك)
طول الليل وإنت جاي الحين.. ولا تفكر أمي الحين قلقانه علي ولا ..........................


شو أقول وشو أتكلم ؟؟؟؟؟؟؟؟؟؟؟


بس بصراحة أنا حاولت معاها كثير وطنشششششششششششششت كثيييييييييييييييييييييييييييير

بس مافيه فايدة


وإنتي الله يهنيج معاها وما عليج من كلام ربيعاتج اللي يحاولون يخربوج

و الله اللي تسويه صح .. وأهم شي رضا زوجج .. اللي بيدخلج الجنة .. ورضا أمه اللي هي أمج

و الله يوفقج


ملاحظة: أنا ذكرت قصتي يالغالية .. عشان أبين لج اشكثر عمتج طيبة .. واشكثر زوجج يحبج .. من محبته لأمه ..
وإنتي لازم تكافئينها لطيبتها واحترامها لج .. مب مكافئة رمزية .. بس حب وطاعة واحترام ...و الله يوفقج