كيف اتعلم الانجليزي
 

الاخوه والاخوات الكرام

هل استطيع تعلم اللغه الانجليزيه بطلاقه داخل السعوديه

اي في المعاهد المخخصه

وكيف استطيع تطوير اللغه لدي مع دراستي في المعاهد

وماهي الكتب المتوفره لذلك

ارجو ان يكون الرد ممن جرب هذه المعاهد واطلع عليها

اكيد فيها فايدة

بس المعلم لما يكون اجنبي يجبرك على استخدام الانجليزي معاه

اذا اردت شيئا بجانب الدراسة
ّ

انا وجدت بالصدفة من مدة في الانترنت مواقع كثيرة منها بالاشتراك النقدي واخرى مجانية لتعلم اللغة الانجليزية

وهي مفيدة جدا

ابحث عنها

اكتب في جوجل........تعلم اللغة الانجليزية

جميل

شكرا لك من الد ساذهب لابحث عن معهد انجليزي

أخي ... بس حبيت أقولك .. إن أساس تعلم الانجليزي .. هو الاستماع و التحدث


كل ما كنت تسمع الانجليزي أكثر .. كل ما كنت تفهمه أسرع وأحسن... وتقدر تتكلم فيه أحسن


وكل ما كنت تتكلم انجليزي أكثر .. حتى لو فيه (تنقيعات):23: ...بسهولة عليك بتفهم اللي يتكلم قدامك


أنا أنصحك .. أخوي.. بأنك تتدرب على اللغة من خلال قروب_مجموعة من الناس _ حتى لو كنتم شخصين

يعني تستمع وتتحدث


**نصيحة : لما تجي للبايع ويكون هندي أو غير عربي ... لا تكلمه عربي مكسر :29: ... أبدا.. لكن كلمه انجليزي

حتى لو تغلط ... عادي .. محد انولد متعلم :11:


خذ لك دفتر صغير خله ف جيبك ... أول ما تسمع /تقرأ كلمه جديدة ... علطووووووول سجلها ... واكتب معناها

أو انتظر لين ما توصل للبيت ودور معناها في المترجم /القاموس:22:

انصحك اخوي بأن يكون عندك قاموس عربي /انجليزي ... ووو انجليزي /انجليزي/عربي

وايد مفيد


والاحسن منه ... تاخذ المترجم الفوري .. شرات الكومبيوتر الصغير في الجيب .... وسعره معقول :22:

و الله يوفقك ويوفق الجميع:d

اخوي عليمي بعد التحيه
اسمع ياخلف جدي,,,,,
عمر المعهد ماراح يكون بجيبك,,..عمر المعهد ماراح يجبرك على الكلام,,,,
واسمع شروط تعلم اللغه الانكليزيه
1-تتعلم قواعد اللغه هذي بالكثير تاخذ منك يومين الى 3 لو ساعتين في اليوم كافي
وهذي يفيدك فيها اي معهد
2- بس خلصت القواعد صار الاساس تمام,,,الخطوه الثانيه هي تعلم مفردات جديده,,وين ماتشوف كتابه بالعنكليزي
حاول تقرا ..اسم مؤسسه اسماء شركات,,المصانع..المطاعم,,الخدمات,,,وماشالله البوردات تارسات الديره
3- السمع.....لازم تسمع اخوي,,,هندي تشوفه بالشارع امسكه وكلمه انكليزي ولاتستحي ابد,,
ترى اذا استحيت عمرك ماراح تتعلم..واخترع كلمات مافيه مشكله ..وهز راسك للي تكلمه ..وحتى تكسير..
واذا اضطريت مافيه مشكله استخدم كل الكلمات اللي تعرفهم حتى لو مالهم علاقه في الموضوع المهم لاتتردد
4-اذا كنت في السياره خليه على القنوات الانكليزيه ال اف ام ..لانه عاده يكونون بريطانيين وهذولا كلهجه يعتبرون اسهل من الامريكان..ولغتهم واضحه ومفهومه وخلك تسمع..واذا في البيت خليه على السي ان ان والبي بي سي
وتابع اخبار الشرق الاوسط..لانه الصوره موجوده وانت تعرف الصراع العربي الاسرائيلي فلما تسمع الامور كثير تكون واضحه لك,,,,على طريقة الجزيره ننقلك بالصوت والصوره ههه

نصيحه اخيره,,,,,
لاتعتمد بعمرك على شي اسمه معهد,,,,
المعهد اخوي مثل الجامعه يعطيك فقط خطوط عريضه وانت اللي عليك الباقي
طبعا انا اتكلم من تجربه لما درسنا برا والله ثم والله المعاهد مافادتنا بشي..
اللي فادنا صاحب البقاله والناس اللي مستاجرين عندهم ..حتى اكثر من الجامعه.....
اتمنى اني افدك اخوي

انا درست في معاهد اللغه والحمد لله استفدت كثير

والي بيجلس في البيت ماراح يتعلم شي

وهذا من رايي

السلام عليكم أنا اويد كلام الأخوة اللغة بالممارسة و الدراسة ة احب اضيف ان مشاهدة الافلام ومتابعة قصة الفليم راح تساعد كثيرو احضار دفتر صغير وتسجيل اي كلمة تعلق في الأذن """"""وجزاكم الله الف خير

شكرا جزيل لكم جميعا

انا قررت ادخل معهد وان اعمل في مؤسسة الوالد واللغه غالبا هي الانجليزي

بس مكسر انجليزي هندي يعني

وشكرا لكم

عن تجربه بقولك ما راح يعلمك الا كثرة المحادثات مع الناس اللي حولينك واللي بحياتك الاجتماعيه .. صدقني معهد او جامعه !! ماراح يعلمك الا نفسك وحفظك للكلمات ومعرفتك بالقواعد والمحادثات بالحياة العامه ..

وبالتوفيق