|
جهاز العروس محتاجة خبرتكم
السلام عليكم
كيفكم حبيباتي :22: راح أدخل في السالفه على طول أنا زواجي باذن الله راح يكون الصيف الجاي.........ايه بعد سنه :23: المهم شي ثاني...عارفين الدراسه قربت :( و أنا أيام الدراسه أصير مشغووووووووووووله؟؟؟ أخلص دوام الساعه 5 و أغلب الأيام عندي اختبارات...يعني ما فيه وقت أحك راسي فيقولون لي لازم تبدأين تجهيز للعرس من الحين علشان ما تصير عندك زحمه بعدين بس أنا مدري وين أبدأ :29: ...و ما عندي أخوات أكبر مني علشان أسألهم.. أحس إذا اشتريت شي من الحين راح أستخدمه :18:...أنا من النوع اللي اذا اشتريت شي ما أصدق على الله أوصل البيت علشان أجربهم :23: فتخيلوا أشايء تظل عندي سنه كامله و أنا مقدر أستخدمهم :30: ...ما راح يجيني نوم :p و أحس مدري بالضبط أيش المفروض آخذ :28: و متى؟؟؟ :15: و مدري على أي أساس أختار....أقصد يعني عادي مثل ما أختار لي ملابس الحين؟؟...ولا أشياء غير....(غير ملابس النوم أقصد..بما ان ما عندي خبره فيهم الحين أقصد) :29: أغلب اللي أسألهم يقولون لي ابدأي قبل كم شهر من العرس علشان تكون الموديلات جديده...أقول لهم ياااااااااا ناااااااااس قبل أشهر عندي دوام ما أقدر غير بالويكند...و إذا عندي اختبارات حتى الويكند ما أقدر....و أخاف ما ألحق...و أنا من النوع اللي إذا حسيت اني مضغوطه يجيني جنون :30: المهم أنا أبي نصايحكم و تجاربكم....بلييييييييز لا تبخلون علي...ودي أبدأ أسوي مخطط من الحين علشان أعرف كل اسبوع أيش المفروض اشتري و كذا و مشكورين مقدم :22: |
مبروووووووووووووووووووووك الف مبوووووووووووووووووك الله يوفقك ويسعدك ويسهل عليك ان شاء الله
مدري اختي احس قبل سنه تبداي كثير :::: اولا راح تنزل موديلات جديده والالوان تختللف ثانيا ما ارح اعتقد انك تقدرين تصبرين ان يكون عندك شي جديد وتصبيرين عليه سنه ثالثا يمكن جسمك يتغير يمكن تنحفين او تسمنين ؟؟؟؟؟؟ انا اقول كل شي يجي بالتنظيم وحاولي تشتري المهم الاشياء التكميليه خليها بعد الزواج خاصه انك يمكن تسافرين لمكان ثاني وتشوفين شي احسن واجدد واحلى انا اقول اهتمي بالعنايه الشخصيه من الان وليس بالجهاز قبل كم 3 او 4 شهور قبل موعد الزواج ابداي انا الصراحه هذه خبر من عند صديقاتي اللي تزوجوا ((((( لاني غير متزوجه)))) دعواتي لك بالتوفيق ان شاء الله تعالى |
اقتباس:
ايه اختي هذه مشكلتي...ناس يقولون لي بدري قبل سنه.... و ناس يقولون لي انتي ما عندك وقت خلال الدراسه و كذا....و أنا مقتنعه بالرايين علشان كذا مدري شأسوي :21: أدري بتنزل موديلات جديده...و أدري ما راح أقدر أصبر...أعرف نفسي أنا ما راح يجيني نوم :18: ....إلا إذا خليت امي تخبيهم عندها....بس قبل 3-4 شهور أخاف ما يمديني...يعني أنا مثل ما قلت يدوب عندي الويكند ممكن أروح أتسوق...بس مو معقوله أقضي الويكند كله في السوق...يعني وراي حياة و دراسه...و صراحه ما ودي أجي على حساب دراستي....مثل حفلة الخطوبه طلعت ويكند ادور لي فستان و كان عندي اختبار يوم السبت و سويت فيه بطاطس :( :14: بالنسبه للجسم ما أعتقد راح يتغير مقاسي كثير...صار لي سنين نفس المقاس :25: بس عجبني رايك اني أشتري بعض الأشياء بعد الزواج....مثلا الشنط و كذا..ممكن اشتري بس وحده ولا ثنتين قبل و اذا سافرت أشتري لي اشياء غير اللي هنا تعرفين أنا فكرت في شي أطالع الحين ملابس النوم....بس يعني أسوي أبحاث ميدانيه...و إذا عجبني شي ممكن أشتريه...لأن يعني ما راح ألبسهم الحين...حتى ولو سولت لي نفسي أجربهم :23: ...و بالنسبه للموديل يعني الأخ ما عنده خبره يعني ما يدري موديل جديد ولا قديم :) و الملابس الثانيه خليها بعدين...يعني أحاول قبل العرس بكم شهر مثل ما قلتي أنزل السوق كل ما مداني و آخذ راحتي كل ما عجبني شي أخذته....يعني السوق مليان أشياء حلوه...و أخيرا راح تجيني الفرصه اني أشيل اللي أبيه بدون ما أحد يتفلسف علي :29: مشكوره اختي مره ثانيه على الرد رفعتي معنوياتي :26: |
يا كتكوته يا مشغوله
ههههه بالبركه عليج الغاليه شوفي حبوبه انا اشوف اخذي فلوسج وسلميها ابوج وقوليله لا عاد ترد علي اذا طلبتها منك الا على اجازة منتصف العام تعرفين ليش حبيبتي لانه جد الموضه تتغير بشكل سرررررررررررررريع وصدقيني المحلات على شهر 12 تبدأ تنزل النيو كوليكشنز وبعدها بتتحسرين انج استعيلتي اهم شي الحين تبدين ترتبين ميزانيتج حطي مبالغ تقريبيه لكل شي وابدي دوري في المنتديات النسائيه عن زهبة العروس لانه جد انا وحده في وايد اشياء ما كنت اعرفها واكتشفتها من المنتديات النسائيه وبعد ما ترتبين امورج بتكون اجازة نص السنه شرفت وبتبدين على بركة الله |
اقتباس:
بس اجازة نص السنه اسبوووووووع واحد و هي الاجازة الوحيده اللي ما راح يكون عندي اختبارات بعدها بعدها (اجازة عيد الفطر بعدها اختبارات نص الترم و اجازة عيد الأضحى بعدها اختبارات نص السنه :( )...يعني الواحد يبي يتنفس شوي أنا عارفه ان الأشايء تتغير..علشان كذا أحس ما ودي اشتري شي من الحين بعدين البسه و احسه قديم...بس وش رايك في فكرتي؟؟...أطالع ملابس النوم الحين...بما ان محد راح يشوفها غيره...و هو (على ما أعتقد :11: ) ما يدري عن هالسوالف يعني ما راح يدري هذا من الحين ولا من بعدين...و حتى الحين مو ضروري أشتري الا اذا شي مره عجبني...يعني اللي أقصده ما راح يضرني شي...و الأشياء الثانيه ممكن نفس الشي اذا شي مره عجبني و ما يتعوض ممكن آخذه..بس يعني أشياء خفيفه و بعد اجازة نص السنه خلال الويكندز أشتغل جد وقتها يكون كل شي في السوق جديد و أنا راح تكون عندي صوره أفضل عن أيش اللي أحتاجه و أيش لا وش رايك؟؟ |
لقيتلك حل :17: :17: :17:
اول علشان ترتاحين نفسيا اشتري الاشياء الاساسيه اللي لايمكن ان تتغير موضتها وحتى لو تغيرت ماراح تتغير كثير مثل ]ملابس داخليه ملا بس نوم خيطي فستانين افراح وابداي بفستان الزفاف اشتريلك مفرشين او واحد وخلي الثاني بعدين الذهب خليه اخر شي لان يمكن راح تجيك هدايا العطوراشتري ثلاث بس ممكن تشتريها وتحطينها بصندوق بدولاب بعيد عن الشمس علشان لا تتاثر المكياج خليه بعدين وبكذا تكون قطعت شوووط كبيييييييييييييييييييييييييييييييييير وترتاحين نفسيا وتكملين دراستك وانت ان شا ءالله مرتاحه قبل الزواج ب3او 4 شهور كملي اللي ناقصك و ان شاء الله تصيرين احلى عروووووووسه :14: :14: :14: :14: :14: هاه وش رايك؟؟؟؟ :22: :22: :22: |
اهديك تجربة صديقاتي في تجهيزهم ..كانوا يستخدموا اسلوب تجهيز القطع المميزة وذلك يعني انهم كلما اعجبوا
بملابس داخليه او روب نوم معين اشتروه ولكن يكون فيه فكرة بحيث لاتتشابه الارواب لان فترات تاتي قطع مميزة لاتتكرر..ممكن تاخذي لك بعض الاحذي والشنط المميزة جدا وملابس الاستقبال وغيرها لاتستعجلي اشتري المميز جدا الان واتركي الباقي لبعد كم شهر.. بحيث قبل الزواج ب5 شهور تكوني انهيتي تجهيزك الله يسعدك أختك حائزة الأمل |
الف مبروك حبيبتي
نصيحه مني اكتبي في ورقه ايش اللي انتي محتاحه له وبعدين اكتبي اي شي اشتريته عشان ماعاد تشترينه مره ثانيه واستغلي فترة التخفيضات واشتري الاشياء اللي مالها موضه مثلا شنط السفر صنادل وشباشب للبيت و قمصان النوم ولبس البيت من بيجامات وملابس داخليه وتي شيرتات وبنطلونات وكل اللي راح تلبسينه عنده واي لبس يعجبك تحسين ماله موضه معينه اشتريه لانك بعدين يمكن ماراح تلقين شي حلو وتندمين انك مااشتريتي اللي شفتيه من زمان وصدقيني اذا اشتريتي على شوي شوي راح ترتاااااااااااااااااحين وقت الزنقه وتقولين الحمدلله اني شريت وخلصت بالتوفيق ان شاءالله والله يعينك ويعين راسك بس صدقيني اللي تبدأ بدري ترتاح اكثر |
نعم لازال الوقت مبكراً ولكن أنصحك بشراء الملابس الداخلية وقمصان النوم في الوقت الحالي وأيضاً شراء ما هو مميز لأنها من الملابس التي لا تذهب موضتها أبداً يعني لا تستعجلي فلازال الوقت مبكر
أتمنى لكي التوفيق |
اقتباس:
مشكوره أختي سمانجد على ردك مره ثانيه هذا بالضبط اللي أنا فكرت فيه آخر شي... و انتي الحين شجعتيني أكثر و أكثر يعني راح أطالع ملابس النوم و الداخليه و اذا عجبني شي راح آخذه فستان الزفاف أنا أنتظر موديلات 2007 بس و اذا قررت على موديل راح أبدأ فيه على طول فساتين أفراح ما فهمت تقصدين فساتين سهرات؟؟ احم...بس ليش؟؟ :21: ولا تقصدين فستان الصباحه؟؟ مفارش للسرير يعني؟؟؟ خل نشتري سرير أول :22: و الذهب و العطور و المكاياج أنا مقرره أخليهم آخر شي...لأن أظن طلعه ولا طلعتين بالسوق كفايه لهم...بس ما يمنع اني أسوي أبحاث ميدانيه يعني ينزل عطر جديد ممكن أشوف يعجبني ولا لا...أطالع آخر موديلات الذهب و كذا علشان لما أروح أشتري تكون عندي فكره واضحه عن اللي أبيه :17: مشكوره حبيبتي مره ثانيه على الرد و الله يرزقك بالزوج الصالح و ان شاء الله وقتها تجين تسأليني و أقدر أفيدك :d |
| الساعة الآن 04:24 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©