|
حـــــــالتي صعبـة ... أرجوكم ساعدوني
أنا فتاة عمري 20 ... خُطبت منذ فترة لابن عمي البالغ من العمر 21
مشكلتي باختصار هي أنه عديم الاحساس و الرومنسية و أنا فتاة حالمة عاطفية جداً ... أعاني كثيرا من هذه المشكلة أخبرته من قبل بهذه المشكلة و لم يعير شعوري أي اهتمام , لا أعلم إلى متى هذا الحال .. أرجوكم أشيروا علي بنصحائكم .. فأنا أميل للرومانسية و الجرأة و هو عكس ذلك ... أخبرني بأنه يحبني جريئة لكن دون مبادرته هو في ذلك .. تخيلوا صار لي 3 شهور لم أسمع منه كلمة حلوة أو كما يقول المحبون أحبك عمري حياتي .... أرجوووووووووووووووووووكم ساااعدوني فأنا في حيرة من اتمام الزواج مع تعارض الأطباع ... |
اختي يمكن اهو نوعه خجول ..
والله اذا اهو خجول احسن لك .. شتبين بواحد مفتح .. صبري عليه .. اذا اخلاقه حلوة احسن شي بعد شتبين .. الكلام الحلو والرومانسيه ترا بيدك انتي قوليله احبك و سمعيه كلام حلو و تدلعي عليه وقوليله تحبني ؟ اذا قال اي قوليله شنو اي ! لمن يقولها .. قوليله خل نصير رومانسيين اليوم وتنسى اسمي و تقولي حياتي او حبيبتي و انتي بعد لا تقولين اسمه واذا قال اسمك قوليله خسرت .. وعقابك تقول احبج 10 مرات :p والله جربي كل شي معاه .. بس نصيحتي لو قالها لك مره وحده خلاص تكفي معناته طالعه من قلبه .. وخليها لي بعد الزواج ان شاء الله :) |
عادي اغلب البنات رومنسيات
والرجال الرومنسيه بجهه وهم بجهه عادي خذي الامور ببساطه وحاولي انك انتي تعبرين له بطريقه بسيطه بس بدون جرأة بكتابه ورقه او تقديم هديه يمكن يحس ؟؟؟؟؟ |
السلام عليكم
انا من رائيي انك ماترتبطين فيه اذا لك 3 شهور ماقالك كلمه حلوه فهو صراحتا ماتقدرين ترتبطين فيه لأنه مارح يفهمك ولى انتى راح تفهمينه والله يكتبلك الي فيه الخير يارب |
اعتقد ان خطيبك ليس عديم الاحساس بقدر انه لا يعرف تلك الكلامات وتأثيرها
حاول انك تعودينه وتعلمينه وترسلين له اشرطه وكتب تفيده في هالمجال تمنياتي لك بالتوفيق |
أغلب الرجال وليس جميعهم هم في جهة والرومنسية في جهة
إذا كان هو إنسان يحترمك وطيوب خلي الرومنسية أخر شيء ولكن يوجد موضوع للأخت حائزة الأمل متضايق منها متضايقة حائزة توفق بينكم بأفكارها أفكار جداً رائعة |
صحيح مثل ماقالو الاعضاء بعض الرجال في جهة والرومانسيه في الجهة الثانيه...
يمكن خجول لصغر سنه ويمكن مو متعود يقول كلام حلوو .... ...دامه طيب واخلاق..شيلي من بالك فكرة الطلاق .....وارضى بــــ ..........لايجيك اللي........ اعذريني لكن ارضي بنصيبك وان شالله بيتغير |
السلام عليكم ....
العنوان شي والموضوع شي ثااني .. شي طبيعي وواكثر الرجال ..مايعبرون عن مشاعرهم ... بصراحه كوني واقعيه اكثر من انك تكونين خياليه ... يرجى تغيير الصورة الرمزية المخالفة وشكرا / البتول |
اختي ما في شي مستحيل في هالوقت اذا تكنين له شي من الحب بتقديرين اتغيرنه اسألني
انا عندي تجربه صغيره بالزواج جدا صغيره بس والله اني قدرت اغير زوج اختي اللي اصغر مني كان عديم احساس كان ماخذه فكره ومطبع بطبع اهله اللي يقولون ان المراه تاخذها بفلوسك عشان تخدمك اتخيلي عانت معاه كثير بس والله انه الحين ما في احد يضاهيه بالرومانسيه والاحترام لاختي معيشها ملكه في مشاكل بس كلنها بهارات طبخه يعني ولا شي آسفه على الاطاله بس كنت ابغى اوصلك انه مافي شي مستحيل باصرارك وعزيمتك وتوكلك وتفاؤلك برب العالمين بتلقين كل اللي تبينه ويمكن انه خجول اصبري عليه اشوي وربي يوفقك ادعيلي بالتوفيق |
من الامور المهمة لنجاح الزواج هو توافق الطباع والانسجام لتحصل المودة والسكن الروحي ، استخيري الله قبل الاقدام على اي شيء .
|
| الساعة الآن 05:41 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©