|
موقف صار لي اليوم
شفت موضوع اخت الحب و الحبيب و تقول الناس تخاف مني
مو بس انتي كل الناس اللي مثل حالاتنا انا مصااااادفة كثير بنات تخاف تقولي انها انخطبت او تزوجت على اساس اني انا ما اتزوجت و بعدين احسدها:( و اللي تخاف على زوجها مني يعني قصص صايرة و اليوم صادفني موقف و تذكرت كلامك كنت طالعة انا و صدفة شفت قرايبي مع زوجها و هي من شافتني و هي متوترة و وجهها انقلب 1000 لون ما عرفت شنو فيها حتى سلام ما سلمت و سوت نفسها ما شافتني >> انهبلت قلت وش فيها هاذي :23: و انا لاني هبلة قمت انا اروح و اسلم و اسوي خير و احنا قاعدين نتكلم :29: ولا على غفلة اشوفك زوجها اجى و سلم >>> طلع احسن منها و هي تنظر عليا بنظرة ما افتهمتها :28: و بعدين قالت لزوجها روح انتظرني بالسيارة بعدين اجي من اخلص :30: و هو من راح و هي لمحتني بكلام :( و قاعدة تقول و الله يا احلام مزيفة انا ما يعجبني من زوجي يشوف صديقاتي و يسلم عليهم و اخاف عليه لا يخطفوووه مني خاصة انتي بنت حلوة و بصراحة اخاف>> مسويتها بضحك و قاعدة ترقع تريد تلمحلي :29: انا قلت لها اذا انتي واثقة من زوجك كثير حتى البنات الحلوات ما يخطفوه منك :18: و لا تقولي كذا انا قريبتك و المفروض تكونين واثقة مني و بعدين خلصنا و قلت لها يلا لازم اروح >>> لاني حسيت اذا ما رحت اسوي شي خارج عن ارادتي :23: رحت و انا الدمعة بعيني ما اعرف وش اللي صاير الهدرجة صاروا يخافون؟؟؟؟ و سالت نفسي اسئلة كثيرة و قلت هل لو انا كنت مكانها كنت بسوي نفس الشي؟؟؟؟؟ جاوبت و قلت لا ما اسويها يعني حتى لو ممكن اني اغار على زوجي الحياء مراح يخليني اقول كذا لبنت و اجرح مشاعرها الحب و الحبيب بس عشان تعرفين مو بس انتي وحدك هذا الحال حالنا كلنا :24: |
موقف حصل لي اليوم مشابه ومختلف
انا متزوجه والى الان لم يرزقني الله باطفال(ان شالله قريب يارب) وكلما وحده حملت والا ولدت والاشي تتهرب تقولي كأني باحسدها واليوم جات وحده عند اهل زوجي وعندها بنوته الله يحفظها عمرها 3شهور تقريبا ويوم دخلت انكرت البيت والناس وقعدت تبكي طول الوقت وامها وجدتها وخالتها موجودين وكل شوي يقولون باسم الله عليها ايش بها حصنتي بنتك ماقد سوت كذا كانهم يقولون قولي ماشاء الله لاتحسدينها ودااااااائما تتكرر هالمواقف قدامي يعني لاتتضايقون مو بس الي مو متزوجه مو مرتاحه حتى المتزوجات مو مرتاحات الله يعينا |
أختي أحلام مزيفه
كنت أتأثر من هذه المواقف في البدايه و بعدين صرت أقلبها في نفسي ضحك لتكن مدح بطريقه مختلفه ..والله أني أرحمها أكثر من كوني أراها جرحاً مؤكد فيك ما يثير فيها هذا التصرف الي بدون تفكير لأن ردة فعل النساء من الغيرة ..تريك العجائب و لا أنظر للموضوع بأنه يخصني بمقدار ما يخص صاحبته و يكشف عن خفايا نفسها لذا أقف موقف المتفرج دون التعليق فالشفقة تسبق الجرح |
صباح الخير عليكم
ياقلبي ياحلام لاتهمك ,الناس ماتحسب حساب للحساسية الكثيرات من غير المتزوجات اذا كنتبي بتهتمين بكلام هذي وتصرف الثانيه رح تتعبين مع الجميع وتشيلين عليهم الله يسامح الجميع. احلام بقولك خذي وخلي وان شاء الله الجايات احسن والنصيب بكرة يجي لك بس توكلي علي الي خلقك. تري مو انتي وبس انا زيكم بس بعد خبرة مع الناس عرفت كيف اتعامل مع نوعيات بشر ماتحس ولاتقدر ولاتفهم في المشاعر شي. يارب يرزقك الزوج الي يستاهلك يارب وجميع الاخوات الي هنا وانا معكن |
اقتباس:
و ما اعرف وش اقول لك على اللي صار معاك ناس جاهلة بتفكيرها و شي ما حلووو اللي يسوووه ما معقولة يعني شي يضحك اللي يسوووه و هذا الشي ينقص من مستواهم قدامنا انا ما متضايقة بس مستغربة معقولة وصلت بيهم الهدرجة؟؟ |
اقتباس:
انا قلت لامي على اللي صار و كان كلامها مثل ردك بس مستغررربة كثير من اللي صار!! |
اقتباس:
انا ما اهتميت ليها لكن مجرد اني ما اتوقعت و اني متعودة على هالاشياء مو اول مرة تصير معي بس الله يساعد ربي يرررزقك الزوج الصالح امين يا رب |
و انا لاني هبلة قمت انا اروح و اسلم و اسوي خير و احنا قاعدين نتكلم ( حلوه انا هبلة):22:
ولا على غفلة اشوفك زوجها اجى و سلم >>> طلع احسن منها (يحقلها تخاف منك ...عينك طويله شوي):d :d و بعدين خلصنا و قلت لها يلا لازم اروح >>> لاني حسيت اذا ما رحت اسوي شي خارج عن ارادتي (اعصابك):) رحت و انا الدمعة بعيني ما اعرف وش اللي صاير الهدرجة صاروا يخافون؟؟؟؟(مو كل البنات) اكثرهم و قلت هل لو انا كنت مكانها كنت بسوي نفس الشي؟؟؟؟؟(واكثر خاصه اذا زوجك وسيم):) جاوبت و قلت لا ما اسويها يعني حتى لو ممكن اني اغار على زوجي الحياء مراح يخليني اقول كذا لبنت و اجرح مشاعرها (لا تحكمي على نفسك) احلام مزيفه................ الله يكون بعوووووووونك ....... ويرزقك بالي احسن من زوج قريبتك |
اقتباس:
انا ممكن اني اغار على زوجي لكن مستحيل اني اسووووي اللي سوته مستحيل اسوي كذا تعرف ليش؟؟؟؟؟؟؟؟؟؟؟ لاني مثل ما جاوبتها انا لازم اكون واثقة من زوجي و ما اخاف منه حتى لو كانت ملكة جمال العالم و مو بس كذا ايضا عشان هاذي شي ينقص فيني و يخليني صغيرة اذا سويت هالشي و ثم هي عارفتني مو انا اللي تقلي كذا يعني المفروض كانت تخجل من اللي سوته :25: |
ما تدري البيوت أسرار..
يمكن زوجها لمن يرجع البيت يقعد يؤذيها ويقارن بينها في أزواج يتكلموا عيني عينك.. يحقلها من اللي شايفته.. أو تحب زوجها ما شاء الله.. وتغار عليه.. مرة رحت عند صحبتي بيتها لأول مرة.. وأنا أحب أتفرج على الصور.. المهم وهي تورني تشيل صور زوجها.. قلت ليش " إستغربت " قالت لمن تتزوجي تعرفي.. انصدمت معقول! قلت خلاص خذي الصور ما أبغى أشوف. بس بعدين لمن كبرت شوي تغيرت نظرتي للأمور تفهمت شعورها.. في ناس ما تغار وفي يغاروا بس ما يبينوا وفي يغاروا علني لكن إن شاء الله ما يقصدوا جرحك لأن اللي بقلبهم على لسانهم.. لك حق تزعلي لكن ربي شاهد وإن شاء الله راح تؤجري على ألمك هذا.. بالنسبة لسؤالك هل راح تصيري مثلها ولا لأ.. أنا ما سرت أستبعد شي مشاعر الناس في تغير دائم.. الفتاة قبل الزواج شيء وبعده شيء آخر.. مشاعر جديده سوف تطرق بابك.. يا أنها سوف تتغلب عليم أو أنك تستوعبيها وتهضميها وتهذبيها.. ومو كل شخص يفهم نفسه ويستوعب مشاعره ويعرف كيف تعامل معها. الله يهديهم,, ويهدينا.. ويرزقك وبنات المنتدى الزوج الصالح والذرية الطيبة. |
| الساعة الآن 09:29 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©