|
ماهي مشكلة الرجال المتقاعدين
السلام عليكم ورحمة الله وبركاته
اخواني الرجال لاحظت كثير واكيد لاحظته من ابائكم مشكلة التقاعد عن العمل ماذا تسبب من مشاكل لكاااااااااااااااااامل العائله الصغير والكبير يشتكي (أبي تقاعد الله يستر) (الله يعيننا عليه) ودي اعرف س\ماذا يشعر الرجل المتقاعد بعد تقاعده؟ولماذا يصبح فضولي في جميع الأمور؟ س\ماالمطلوب من الأهل حتى يتفادوا عصبيته؟ س\ ماهو الحل من الرجل المتقاعد حتى يتخلص من اكتئابه؟ انا اعتقد ان الرجل يصاب بإكتئاب والحل ان يعمل له مشروع خاص يقف عليه بعد تقاعده ويشغل نفسه فيه. ولكم جزيل الشكر ودعواتي لكم براحة البال والفرج القريب اختكم في الله |
[QUOTE=روح الغالي]السلام عليكم ورحمة الله وبركاته
اخواني الرجال لاحظت كثير واكيد لاحظته من ابائكم مشكلة التقاعد عن العمل ماذا تسبب من مشاكل لكاااااااااااااااااامل العائله الصغير والكبير يشتكي (أبي تقاعد الله يستر) (الله يعيننا عليه) اختي روح الغالي موضوعك جميل ويحتاج الى ايجاد حل للمتقاعدين وهناك فعلا دراسة جدية للمتقاعدين ولي عودة اليك لإفيدك اكثر ودمتي في رعايته.... |
أخي ابو جازي
ربي يسعدك ياليت والله تفيدنا احس البيوت كلها مثل الشراره اذا في بيتهم رجل متقاعد او بيتقاعد بعد كم شهر تلاقي الزوجه حاطه يدها على راسها من ذاك اليوم اللي زوجها بيتقاعد والبنات يدوروا وظايف او عرسان عشان يبعدوا عن البيت والأولاد يدوروا لهم اي مفر بسبب الأب المتقاعد ومشكووور على مرورك ونحن في انتظارك ربي يسعدك ويفرج همك وينولك مرادك ويريح بالك اختك في الله |
الله يستر لما ابوي يتقاعد ايش يصير في البيت ,, :29: ,, احس بنكون مضغوطين وماناخذ راحتنا ,,,
|
هلا بالقمر هلا بكبريائنا
ايش الأخبار ياعسل وحشتينا يامطول الغيبات جاب الغنايم فعلا حبيبتي لازم تاخذوا الحذر من هذي الفتره هذي الفتره لايستهان فيها بس اهم شي تسألي ابوك ايش خططك بعد التقاعد<<<<<<<<<<<<<بيطلع نص الشيب براسه حبيبتي من جد اسأليه لازم ابوكِ يكون عنده عمل خاص او مشروع يملي وقته بعد التقاعد انا لاحظت اكثر الرجال المتقاعدين يفتحوا (مكاتب عقااار) ذكرتيني ابو صحبتي هلكهم كل يوم يصحيهم من بدري يضربون بويه في البيت كل يومين غرفه ويضرب البيبان بويه زرع نخله في البيت وطول وقته جالس قدامها وياليت لوحده اللي يجيب بناته ويخليهم يشتغلوا وهو بس يشرف ويعطي أوامر ولا زوج خالتي جالس قدام التلفزيون وين رايحين مين جا ليش و و و وو يصحى اول واحد وينام اخر واحد مشكووره حبيبتي على مرورك بس لاتنسي تسألي الوالد؟ ربي يسعدك ويفرج همك وينولك مرادك ويريح بالك اختك في الله |
حبيبتي اقراي مشكلتي في قسم المقبلين على الزواج وبتعرفين اخباري
وحشتيني والله .. قبل شوي قمت سالت ماقدرت استنى والرد جا مفاجأة .. :30: يقول بازوجك واخلص منك وبعدييين ارووح اسافر انا واخوانك وممكن نعيش فترة في مصر اذا قدرنا انا :18: مايهمني ان شاء الله زوجي يسفرني لانه ان شاء الله اذا تقاعد راتبه بيكون مناسب ومايحتاج يشتغل ابدا هذا كان جوابه اذا بيغيره الله اعلم لانه لسه بدري على التقاعد :d |
موضوعك حلو ياروح الغالي
بس تصدقيني في وقتنا هذا ما اتوقع فيه مشكله بالتقاعد تصدقين كل ماجلست مع واحد يقول متى اتقاعد وافتك فيه موظفين معي في نفس القسم حقي كبار في السن ومناصبهم عاليه جدا يقول متى اتقاعد والمشكله ان التقاعد مو بيد الموظف لازم يكمل مده نظاميه عشان يتقاعد تقاعد مبكر يعني 25 سنه خدمه عشان الواحد يطلب تقاعد مبكر غيره لا يحلم وبيني وبينك انا ودي اتقاعد بس ما يحق لي توني فيه اشياء الوظيفه تمنعني منها ورجع وقولك صدقيني مافيه مشكله ابدا كل واحد يتمنى يتقاعد اليوم قبل بكره ويتفرغ |
اخي (نايف )....الله يعز مقدارك ويرفع قدرك
مشكووور اخي على مرورك صحيح كلامك بس تجي للحق اتحداكم .......اتحداكم دحين عشانكم مرهقين من الدوام وتستلذوا بالإجازات القصيره الطياري تتمونوا التقاعد ويحلى لكم النوم والسفرات والكشتات في الشتاء المغيم بس وقت الجد فكر فيها اخيل نفسك تقاعدت سافرت شهر.... جلست بالبيت شهر.... ورجعت سافرت شهر ....وبعدين اذا جلست بالبيت ايش تسوي؟؟؟؟؟؟ تجلس تناكف ببنت الناس ليش نايمه ليش متأخره ليش ماطبختي و و و و وطبعا هي يحبي لها منظمه نفسها 25 سنه على قولتك على هذا النظام تجي وتخربه لها وتقولها ليش وليش وتعطيها أوامر ولا انا غلطانا... جلست على التلفزيون ....قلبت النت <<<<<هذا انت جلست تخانق الأولاد والبنات<<<<<<<<<<<<يارب ياكريم تبلغه ولاتحرمه الذريه بعدين اخي نايف الرجل تعود من شبابه وهو يكدح ويعارك أمور الحياة اليوميه ماأتوقع انه بيجلس بين ليلة وضحها في البيت اعتقد يوسوس المشكله المدام دوبها شامه نفسها تبغا تطلع وتخرج خلاص كبرت الآولاد وانتهت من تدريسهم وجا ابو الشباب فاضي (الفاضي يعمل قاضي) عموما مشكور اخي على مرورك وانصحك اعملك مشروع خاص قبل التقاعد عشان خاطر (حرم نايف وأولاده) لايهجون من البيت ترا امزح معاك ربي يسعدك ويفرج همك وينولك مرادك ويعلي مراتبك ويرفع قدرك وشائنك ويخليلك زوجتك ولايحرمكم من بعض ويألف بين قلوبكم ويرزقكم الذريه الصالحه البار البنين والبنات بحق لااله الا الله اختك في الله |
ياروح الغالي كلامك صحيح
بس فيه امور كثيره مانقدر نسويها وحنا على موظفين فيه هوايات وفيه اعمال حره محرومين منها طيب انا رجال ابي اشتغل باعمال حره ما قدر حتى لو اسهم انا يوم اشتغل والباقي جالس لين تسمح الظروف مع انها اسهل شغله او بزنس نقدر نسويه بدون مجهود رح وتعال هذا الي اقدر اسويه انا في بالي اشياء كثيره ودي اسويها لكن ماقدر تتوقعين متى اقدر اسويها مافيه الا بعد التقاعد ولا اقدر اخاطر الحين وترك عملي عشان امارس اعمالي الحره اذا الحل التقاعد كثير ناس حققو بعد التقاعد كل ما يتمنونه تفرغ لما يحب من هوايه مو زي الوظيفه تحب ولا ماتحب اجلس ولا تفتح فمك هذا شعوري ونا شاب والي جالس اشوفه من كثير من الموظفين الي وصلو سن التقاعد عاد اذا شيبت مادري وش بيكون شعوري يمكن على قولتك اتفرغ لبنت الناس واغثها واحكرها وخليها ماتشرب المويه الا بأذن مني شفتي السيطره شلون ويارب اشوفكم بعد 100 سنه وتوصفون شعوركم زياده على اعماركم خلاص يكفي لاتصيرون طماعين |
دايما زوجي يقول
متى اتقاعد وافتك واحيانا يقول انا لازم اخذ تقاعد مبكر خلاص زهقت من الدوام انا اقول في نفسي الله يستر لو تقاعدت ايش بيصير لك لان الكلمه اصلا لو جزاتيها تخووووف مت(يعني بيجيك الموت) قاعد(يعني وانت قاعد في البيت) بصراحه جلست الرجال في البيت متعبه جدا ما اقدر اخلص اشغالي ابدا اذا كان موجود كيف بعد اذا صار موجود24ساعه موضوعك حلوووووووو جدا اختي الغاليه |
| الساعة الآن 07:50 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©