|
زوجي و اخوه!!
بسم الله الرحمن الرحيم السلام عليكم و رحمة الله و بركاته ،،، علاقتي الزوجيه الحمدلله تمام ،،، نحن بالبيت عايشين انا و زوجي و امه و بنتي الصغيره ... اب زوجي متوفي من زمان وقت ما كان عمر زوجي 3 سنين ،،، و البيت اللي عايشين فيه الحمدلله مكفينا و بزياده و اللي عايشين فيه انا و زوجي و امه و بنتي الصغيره و الحمدلله كل شي منيح لهاللحظة ... المشكله هي اخ زوجي ... يعني انا و زوجي الحمدلله اوضاعنا الماليه كتير ممتازة و كمان ام زوجي عندها كم محل و احوالنا ميه ميه ،،، المشكله هي في اخ زوجي اللي بيزعجنا على مدار الساعه ،،، اتخيلو هو اخ زوجي الوحيد و ما عندهم لا اخوه اولاد غير و لا اخوات بنات و بيصيرلو بالــ 6 أشهر ما بيتصل بزوجي و وقت اللي بيتصل بيعمل حالو بيسلم بيكون متصل يتسلف !!! و بيتسلف مصاري بكمية كتير كبيره يعني كل مره شي 3000 دولار !! و السلف عندو يعني ياخذ و ما بيرجع أبداً !! و بصراحه انا بشوف انو زوجي مش مضطر يسلف اخوه هالقد و بدون ما بيرجع المبلغ اول شي ما حبيت اتدخل لانو زوجي كان راضي و امو ما كانت بتعرف عن الموضوع و لا شي و قال لي : عيب اقول لامي و مهما كان هاد اخوي و ما بتنكر له ... و اخوه ما بيتسلف لإشياء ضرورية بصراحه هو من مشرب للتاني و كله بيسكر ! و فوق كل هاد مرتو حامل و اتخيلو قبل كم يوم اتصل يتسلف لانو مرتو مريضه و لازملها فحص بالمستوصف و راح يشرب بالمصاري !!!!!!!!!!!!!!!!!! و هاد هي المره المليون اللي بيتسلف فيها قصدي بياخد فلوس ما بيرجعها و انا زوجي و الحمدلله و لا مره اتسلف من حدا و لا هو محتاج و هو إنسان هادي جداً و ما بيتنرفز او بيعصب بسهوله و قبل يومين صارحني انو متضايق من اخوه و المشكله ما بيقدر يقول له لا و زوجي ما بدو يتعب و يكد و آخر شي فلوسه تروح عالخمر اللي اخوه بيشربها !!!! و خصوصاً إنو إخوه بجد " مصلحجي " و ما بيتكل عليه و فوق كل هاد راتبه بيفوق راتب زوجي و بتاريخ 10 الشهر بيكون ما باقي معو و لا فلس !!!!!! و كمان نحن عنا مصاريف عندي بنت عمرها شهرين و لازملها فحوصات و غيارات و ملابس و انو نحن إذا لا قدر الله و صار فينا شي ما فينا نتكل على حدا و اخوه عارفينو ما رح يسأل فينا !! و زوجي وصلت معو انو حكى لأمو عن الموضوع و هي عصبت ، و بصراحه المشكله كلها انو مش عارفين كيف نقول لو : لا و نرفضلو طلباتو و لو هو محتاج بجد كنا عطيناه من خاطرنا مو يروح ياخد فلوس و مرتو مريضه و بيروح يسكر فيهن لانو بصراحه ما بنرضى فلوسنا اللي بنتعب فيها بتروح بالحرام و الله ما بيبارك لنا فيها !!! بتمنى حد يعطينا حل و جزاكم الله ألف خير ... حورية لبنان |
وعليكم السلام ورحمة الله وبركاته مرحبا فيك اختي حورية لبنان بنسبة لأخو زوجك المفروض ما يعوده على هذا الشي لأن هذه النوعية من البشر اعتبرهم أطفال ولازم الواحد يعلمة وين يروح يمين ولا شمال المفروض زوجك يلمحله بطريقة غير مباشرة انك كل يوم والثاني جاي تبي فلوس هذه العاده بطلها انا لست ضد اعطائه ولكن إذا اعطيه يروح يلعب فيها بشي الحرام كذا زوجك ياخذ أثم لأنه يعرف ان المال إلي بيعطة اخوه راح يشرب فيها خمر انا انصح زوجك ان يفاتح اخوه ويضع يده على الجرح وأسأل الله له الهداية مع الشكر,,, عبدالله |
وعليكم السلام ورحمة الله وبركاته
أختي حورية أخشى على زوجك من الإثم إذا كان يعلم أنه بتسليفه أخاه هذه المبالغ أنه يذهب ويشرب الخمر بها وأفضل شيء في هذا الموضوع المصارحة مع الأخ بكل وضوح وعدم إعطائه المبلغ |
اقتباس:
وعليكم السلام والرحمه اؤيــد كلامــه.. |
بصراحه أقولها بالوجه لالالالالالالالالالالالا وألف لا فأنتم معكم كل الحق ولستم مضطرين لتحمل إثمه في شرب المنكر
لا بد من المواجهة لأنه من الواضح أنه إنسان مستهتر عديم المسئولية |
بعض ناس ما يفيد معهم اللف و الدوران و التلميحات و لازم تصارحونهم بلحرف الواحد و وجها لوجه
اختي دام انه يصرف امواله على محرمات ليس جائز لكم اعطاءه المال و مساعدته على ارتكاب المحرمات هذه الاموال التي تاتي من كد يمين زوجك ولله لو كنتو متبرعين فيها لجامع ولا مدرسه و لا مستشفى كان احسن صارحوه بكل جديه و قولو له نحن لسنا مسؤلين عنك و عن تصرفاتك التي لا ترضي الله و لا عباده و بكل سهوله لا تسلفوه مال بعد الان و الصراحه راحه بعض ناس لازم تقسي عليهم عشان يتعدلوا |
السلام عليكم جزاكم الله اخواني و اخواتي و إن شاء الله رح نصارحو ما إلنا غير هالحل |
| الساعة الآن 05:43 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©