|
والله اني خائفه على أمي ... وانا السبب
السلام عليكم ورحمه الله وبركاته المشكله بحاول اختصرها لكم .. واسفه اذا طولت عليكم لان ودي تفهمون السالفه كلها عشان تنقذوني بحل بصراحه انا تعرفت على وحده من البنات من المدرسه قبل اربع سنوات وصارت بصراحه اعز صديقاتي مع انها اتغيرت بعد ماتزوجت وصارت ماتسال الا تبغى شي وانا عاذرتها لان طيبة قلبي مااقدر واتعذر لها الاعذار المهم بعد تقريبآ سنتين اتزوجت هي واخوها بيوم واحد وحضرت زواجها وكانت امي معاي اتعرفت على امها وصارت بينا زيارات المهم اخوها طلق زوجته بعد اسبوع لان قالتله ماابيك واهلي اغصوبوني هذا كلام اخته الا هي زميلتي وكلام امه والله اعلم ...بعدها حسيت بتلميحات انها بتخطبني لكن انا اخذتها من قاصرها وقلتلها ترى انا مخطوبه بس مو رسمي يعني كلام بين الاهل وبعدها اخوها خطب وحده ثانيه واخذ امكن اسبوعين بعد عقد القران وطلقها وعلى كلام اخته تقول انها اكتشفت انه مدخن وماتبيه ومع ان اخته ماكانت تقولي انه يروح لشيوخ لان كل مايتزوج يتعب طبعا هذا الكلام ام زميلتي تقوله لأمي.. ومع ان في اول صداقتنا كنا نجلس بساعات بالتليفون وكانت تقولي عن خرابيط اخوها وان حتى بطلو يجيبون خدامه بسببه وانه كان يشرب حبوب بس بطلها ... المهم اخته قالتلي نبغاك ادوريلنا على عروس انا اخذت فتره وبعدين قلتلها مااعرف احد وانا فعلن كانت علاقتي محدوده لا قالت نبغى من جماعتكم ونسيت السالفه انا....... والمشكله بأأخر زياره عرفت ان ام زميلتي عندها شي لان صرفتني قالت روحي لفلانه ساعديها وانا من باب الذوق قمت ولمن رجعت البيت سمعت الطامه .. (قالت لأمي ابغاك ادوريلي على عروس من جماعتكم وامي الحين جالسه تسأل عن عروس وانا والله والله خائفه على امي لان لمن قلتلها ياامي اعتذري قالت وش فيها الحرمه طيبه انا ابي اوصلها وش درانا عن الولد لان مستحيل ام بتقول سوء بولدها..لان امي طيبه واحنا الحمدالله سمعتنا طيبه ومن عائله محترمه مو اقول هالكلام غرور بس اخاف لو بكره عرفو انه من امي بيوافقون عشان امي ولو صار شي لاأأسمح الله بيدعون على أمي ويقولون هذي الي جابته) والحين ام زميلتي كل بعد فترة تتصل تقول وش صار ياليت تعجلين لان ولدي لازم يملك عشان يحصل على بيت ملك من وظيفته :( وانا محتاره وش اسوي وحتى عندي اختبار ماني قادره اركز... وفكرت ماحصلت الا هالطريقه اني اقولكم وابترك امي تقرأ الردود :28: والله يعطيكم العافيه ويحقق لكم كل ماتتمنونه ويدخلكم الفردوس الاعلى آآآآآآمين ((اللهم إني اشكو اليك ضعف قوتي وقلة حيلتي وهواني عن الناس انت ارحم الراحمين ورب المستضعفين )) اللهم آآآآآآمييييين تحيتي اختكم الهم |
يا قلبي ولا تخافين ولا شي عسى ان تكرهوا شيئا وهو خير لكم
صحيح انا مع المثل الي يقول اسعى في جنازه ولا تسعى في زواجه لكن يابخت من وفق راسين في الحلال وامك اذا ودها تدلهم على ناس تقول للناس الي دالتهم انها ما تعرف شي عن الولد ابدا لانه فعلا هذي الحقيقه وانها تعرف بس انه اهله طيبين حسب معرفتكم فيهم وتخلي الباقي عليهم يسالون وطبعا اهم شي لا تزكي الولد ابداا لانه فعلا جايز يكون منه العيب وسبحان الله يمكن يكون هدايته على يد امك تدور له بنت حلال ويتوفق معها لا تشغلين بالك ولا شي والله يعطي امك على قد نيتها |
انا من رااي اختي ان امك تعتذر
لانه ممكن تسبب مشاكل ما لها اخر وتظلم بنت معاها لان حسب كلامك ان الولد مو طيب والله يوفق الجميع |
حاولي تقنعين امك ما تدور لهم عشان ماتصير على راسكم بعدين .
|
السلام عليكم ...
بالنسبه لرأإي .. ياليت تحاولين بقدر الامكاان تبعدين امك عن الموضوع هذا ....لانه راح يكون في ذمتكم ...فخليهم هم يدورون ... وامك حاولي تقنعينها ان الموضوع في ذمتها وانها ماعرفتهم الا من قريب ..فماتدري عنهم ....وعن نواياهم .... |
اختي العزيزه أمل الحياة
الله يسعدك يارب ويعطيك العافيه بصراحه انا قلت مثلك بس احيان مادري وش يجيني اوسوس يعوذ بالله اخاف ادخل امي الله يخليها لي بورطه بسببي والله متحيرره مــــــرادي نجود9999 جزاكم االله خيرآ بصراحه انا اقول كذا ومن كثر ماترجيت فأأمي يعطيها العافيه انها تعتذر مره تقول ان شاءالله ومره تقول هو رجال وش فيه وامي مو داريه عن اخلاقه لان احنا مانعرفهم من زمان والله يستر عليهم ويستر على الجميع وبصراحه ماخفت زياده الا قبل شوي لان جلست مع امي قالت كلمت عمتك تسالنا انا بصراحه ماصدقت وماني قادره وش اقولها....... اقوله اخلاقه مو تمام تقول امه تقول ماشاءالله عليه بوظيفته ماشي وعنده شهادات تقدير بعد اقوله كان مريض الله يشفيه تقول راح لشيووخ ورجال الحمدالله بخير امي اخاف انخمت فاامه الطيبة وانا مااتبلى على الرجال بس برضو خفت على امي لانها طيبه مررررررررره تحيتي |
عاشقه الزواج
الف شكر على تشريفك والله يساعدني بصراحه بحاول والله يعين مادري وش فيني مااني ثابته على راي بترك امي تشوف الردود امكن تقتنع وتصرف عن الموضوع تحيتي |
شوفي اقنعي امك باانة ممكن تصير مشااكل بعدين حاولي قدر مستطاااع تقنعيها وتقولين لها عن خرابيط الولد كلها قوليها وايكد امك مابترضى تزوج بنت ناس لهذا الولد والله يكون بعونك بس اهم شي لا تخافين اذكري الله اللي الله كاتبة لك بتشوفية من علاقتك بالبنية هااي
|
| الساعة الآن 08:49 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©