ماشاء الله عليك غلا ربي يصلح لك زوجك

كل اللي سويتيه عين العقل

وفكرة انك تروحين بيت خالتك............ما أشجعك انتي ممكن تتغلين على زوجك شوي وتثقلين وانتي في بيتك

لا تعودينه على بعادك ..............

أنا انصحك اخيتي تلبسين وتتعدلين طول ما هو موجود في البيت وريحتك فايحة والبيت نظيف ومرتب

وتجهزين له طعامه .............بس اذا دخل البيت تروحين تسلمين عليه بخفة وتقولين له تبي مني شي وانتي مبتسمة

حتى لو كان مبوز من بعيد لا تتلصقين فيه اذا متعودة تساعدينه بتغيير ملابسه ساعديه وانتي ساكته قللي الكلام لا تتكلمين الا لضرورة مع ابتسامة جميلة

ثم اتركيه وانشغلي اجلسي عالنت .................( بغيت اسألك ليكون زوجك زعلان انك تدخلين انت وااااااايد وما تقعدين معاه ترى بعض الرجاجيل يزعلون من هالشي ولا يقولون بس تشوفينه متغير ومبوز ) .

اذا انتي ما تنشغلين عنه عادة ...............الحين انشغلي اقري كتاب اجلسي هالنت شوفي التلفزيون اقري قرءآن

اذا رحتي تنامين قبليه قبلة قبل النوم و لا تلاحقينه ولا تحسسينه انك تبينه ..........بس خلي ريحتك الحلوة فايحة وخليك قريبة منه لا تكثرين من الضم ...........بس خليه يحس فيك تلامسي معاه ونامي ولا تهتمين

واذا طلب منك شيء على طول اتركي اللي في يدك وسوي له اللي يبي ما تتأخرين ثانية بابتسامة لا تكثرين كلام

اذا حسيتي انه يناظرك ناظريه وخلي لغة العيون هي اللي تتكلم احتويه بنظراتك وادخلي في اعماقه

خليه يفتقدك شوي ويعيد حساباته مع نفسه ..............يمكن يرد لك ويحاول انك تتفاعلين معاه مثل أول ويفتح لك قلبه شوي شوي .

مادري ان شاء الله اكون قدرت اوصل المعلومة .............ويارب يصلح بينكم ويسعدكم ويهنيكم .