والله اني أحبكم في الله كلكم
انا من امس جالس في الغرفة بس انام و اصحى انام و اصحى وانام و اصحى ما خرجت ولا سويت شي بس اصلي و اجلس على النت شوية و بس و ارجع انام اصحى
حتى امس السحور الشغالة حنت عليا و اعطتني من سحورها,,,
و بس اليوم راح يفطرو برة البيت وانا راح اكون لوحدي والله عندي شغل للجامعة والمفروض اكون شادد حيلي السنة دي
بس خلاص الحماس راح ومالي نفس في شي ,,
الصراحة كمان انا ندمان بس احس مالي وجهة اروح اكلمهم و كمان احس حقي ضايع بس اقول اسف و اسف وانا محد يقولي و نتا كمان سامحنا ولا شي بس يحطو عليا انا الغلط
احس لمن اروح عند اي احد تاني الناس الأجانب يحطوني على راسهم من فوق اهلي هما الوحيدين الي ما يعرفولي,,
ولا كمان امس ابوي اخد مني مصروف ملابس العيد و كل شي دا العيد راح يكون مالو داعي مرررة
حتى عيد ميلادي قريب بعد اسبوع راح يكون... والله يستر
أبا اغير حياتي ابا أعتمد على نفسي انا مو قصدي اني بايع ابويا بس خلاص لا زم راح يجي دا اليوم
و بس على العموم انا ولا احد ما جاني سئل عني ولا حتى أخواني يعني اكيد هما حيكونو اخدين مني موقف عشين شافو امي تبكي ,, خلاص احس اني ضايع,,