والله ما ادري اكمل معاكِ النقاش ولا لا

الرسول عليه أفضل الصلاة والسلام .. وعد ببيت في الجنة لمن ترك المراء ولو كان محقاً !!

بس يالحب والحبيب

لازم تفهمي المتزوجات

شوفي

انتي قلتيها بنفسك

فكري معايا شوية

العاطفة واشبعناها

والغرائز واشبعناها

بعد كذا .. الانسان حيرتاح ويكون سعيد ؟

طيب أنا أعطيكِ مثال

وحدة طموحها في حياتها الدراسية إنها تحقق مجموع يأهلها لدخول الطب

كافحت وحارب وناضلت عشان تجيب المجموع

ويمكن أهلها ما كانوا موافقين لانه الطب اختلاط ( مثلاً )

وحاربت وضاربت عشان تقنعهم

البنت هذي .. مو هي أكثر وحدة حاسة بقيمة طموحها اللي تبغى توصل له ؟

طيب

دخلت الطب .. وصارت دكتورة قـد الدنيا

اشبعت رغبتها .. وحققت طموحها

لكن

هل ياترى هي سعيدة ومرتاحة ؟

ماعندها مشاكل في عملها ؟

فهمتيني يا قمر ؟

الانسان لازم يكون له هدف

يسعى عشان يحققه

ولما يتحقق الهدف

يفقد حماسه ناحية الهدف الاول

ويبحث عن هدف ثاني عشان يحققه

الانسان مستحيل يظل عايش من غير أهداف

البنت محرومة من الزواج

هدفها >> تتزوج

اتزوجت

هدفها >> تسعد مع زوجها

مستحيل تتزوج وتعيش حياة مستقرة خالية من المشاكل مهما كانت

ولما تجي المشكلة

صعب تتركها من غير حل

وهذا اللي يخليها تسعى وتدور حل لها

اوكي المشكلة بسيطة من وجهة نظرك

ومن وجهة نظرها هي كمان

زي صحبتك مثلاً اللي زوجها يحب الدجاج وهي ما تحبه

هل هذا معناه انها ما هي حاسة بقيمة الزواج ؟؟

لا طبعاً

والدليل خيريها بين الطلاق .. وبين استمرارية زوجها لحب الدجاج

انتي كانك تبغي تقوليلنا مادام اتزوجتو خلاص اسكتوا

احمدوا ربكم على النعمة ولا تشتكوا

طيب الزواج وحصل

لكن

اكون سلبية .. واقول الحمد لله اتزوجت .. هذا كافي ؟

لا طبعاً

لازم اكون ايجابية واطور في حياتي الزوجية واي شي يضايقني فيها احاول اتعداه

لانه التراكمات والترسبات هي اللي حتكون سبب الطلاق لا قدر الله

الزواج وحصل .. ولانه حصل انا لازم احمد ربي .. واحااافظ على زواجي

فهمتيني يا قلبي ؟

مو شرط كل متزوجة تكون سعيدة

حتى لو انه من وجهة نظرك هي حصلت على أغلى شي في الدنيا

كل انسان وله منغصات في الحياة

لكن

وجهات النظر تختلف

واللي تشوفيه تافه .. غيرك يشوفه أكبر معضلة !!

والعذر منك على المداخلة والغلاسة وثقل الدم