السلام عليكم ورحمة الله
اختي كبريائي تصرفك فيه شي صح وشي غلط
الصح انك تخاصميه فترة وتتركيه يحس بغلطه بس الغلط انو فترة الخصام صارت طويلة وهيك رح يتعود على خصامك وشوي شوي مابقى يهتم بهلخصام
لهيك بقترح عليكي انك تخلي اما اختك او والدتك تعطيه محاضرة بالغلط اللي ارتكبه وتخليه يعتذر منك بأقرب وقت ممكن وانت اقبلي اعتذاره وخذيه بحلمك وبكلمات مابين المؤنب والناصح والعطوف المحب كلميه وحسسيه انك بتحبيه كتير وانك تأذمتي لانك ماكنت تتوقعي انو اخوكي الصغير المدلل يلي بتحبيه اكتر واحد من كل البيت يتصرف معك هيك وبهيك رح ترجع المي لمجاريها ورح يحبك اكتر من قبل
طبعا هي وصفة مجربة لاني اكبر اخت بالبيت وبتصرف هيك مع اخواني وبتمنى تنفع هي الطريقة معك
طبعا انت يلي لازم تطلبي من امك او اختك انهم يصلحون بينكم
تحياتي لك واصلح الله لنا ولكل المسلمين شأننا كله
اختك في الله