حاسبي الله يخليج! اشكره يبي ياخذ منج اللي يبيه ويقطج بالأخير! اسمعيني وانا اختج وفكري بالوضوع بعقل لأنه مهما قلنا إذا انتي مو مقتنعه بالكلام ما راح يفيد...

واحد أكبر منج ب18 سنه ويقولج والله عامليني مثل زوج واكسري كل الحواجز اللي بيني وبينج من اول لقاء بيننا وبعدين يقولج ترا عادي ما فيها شي هاذي عاداتنا! لا يا بابا من قال هاذي عاداتنا ومن متى صارت هذي عاداتنا ونحن ما ندري! عمرها عاداتنا وتقاليدنا ما قلت نخرج مع ريال غريب أجني وانعامله كزوج ويكون هذا هو الشي اللي يحدد اذا اتناسبينه ولا لأ!

وقسمن بالله انه يبين أشكره انه واحد نذل وجذاب واسمحيلي عالتعبير! شافج صغيره قال أقص عليها وأوهمها,,,,

حاسبي وخافي الله في نفسج وفي هلج اللي عطوج الثقه حرام اتخونينهم وقبل كل شي تغضبين رب العالمين...

نحن فهالشهر الفضي الناس اتوب وانتي تبين ترتكبين معصيه...

لا تزعلين من كلامي الله يخليج والله لو عندي اخت كنت قلتلها نفس الكلام...

صدقيني كلنا نبي مصلحتج ومثل ما قالوا اخواني وأخواتي الأعضاء اذا يبيج يدش من الباب وبلا لف ودوران وكلام فاضي.... من ملايين السنين الناس تتزوج وعمرنا ما سمعنا عن العادات اللي يتكلم عنها الحبيب...

صوني نفسج... وصوني أهلج وسمعتهم.... ولا ترضين اتجيبيلهم كلام هم في غنى عنه

وفكري عدل حبيبتي... لأنه اذا طاح فالفاس فالراس حزتها ما ينفع الندم

اللهم يا رب العالمين انه يهديج ويهدي جميع بنات المسلمين

ما اقول غير حسبي الله ونعم الوكيل على شاب مثل هذا

لا حول ولا قوة إلا بالله

تحياتي لج إختي