شروطكم أشوفها عادية.. محد قال شي واو

أنا عن نفسي وبنت عندي مواصفات شكلية أتمنى ألاقيها في الخاطب وقت الشوفة ولو ما لقيتها أصيب بخيبة أمل وممكن أرفضه.. طيب ليه في شوفة ؟ ليه لمن نشوف الصورة نقول لأ مستحييييل ما أبغاه.

على فكرة في قواعد ثابته في الأشكال.. مثلا طول + نحف + حنطية تلاقيها تحمل صفات معنوية تلازم الصفات الخارجية.. غالبا ما تلاقي هذه البنت التي تحمل هذه الصفات الخارجية مغرورة نوعا ما واثقة بنفسها ما تحب أحد يقلها لأ وذكية..

زي لمن بعض الأعضاء يضعوا مواضيع إكتشف شخصيتك من عوينك أو يدك أو رجلك,, فهمتوا قصدي ؟

فلمن أشوف رجل طول نوعا ما 180 ، حنطي ، عريض ، ملامحه ثقيلة ، عيونه حادة.. غلبا ما تجدوا مواصفات هذا الشخص المعنوية كريم ، معطاء ، شخصيته قوية ، صاحب مبدأ ، وهذا الرجل تعجبه مواصفات معينة في البنات تتوقعيها منه يحبها تكون واثقة ، لا يمانع أن تكون لها كلمة في المنزل ولا يحبها خانعة ، لا يحب الإبتذال في المشية واللبس رزينة وذوق.. فلمن يجي هذا الرجل وقت الشوفة وما لقي مواصفاته اللي يحبها ويرفض.. رفضه مو عشان البنت مو حلوة ولا لأن ملامحها ما عجبته بل لأنه ما وجد اللي يتناسب مع ميوله وذوقه في النساء.. فالقصيرة الدبدوبة المرحة لها من يهواها ويهوى شخصيتها.. والطويلة الخشنة الي لمن تضحك تضربك وتقول أي حشى مو مرة.. لها من يهواها ويعشقها ويغرم بكل سكناتها وحركاتها..

اللي بيصير وقت الشوفة من رفض.. يجيك الواحد مبرمج على مواصفات معينة تناسبة.. يدخل يلاقيها مافيها ولا شي فيحط إكس ويطلع ما يرجع مع أنه فيه شخص آخر 100% سيعجب بها لو شافها لكن ما جا لسة.. أو يلاقي شي من اللي يريده ويجد نقيضه شي ما يحبه هنا يحير ويستاخر ويستشير.. رفضه وقبوله حسب قناعته وسنه واستعجاله وأشياء أخرى.. وينصدم أحيانا أنها ليست كما وصفوها له.. فقد رأوها بكامل حلتها.. وأنا هنا أنصح البنات لمن يروحوا أفراح ومناسبات لا يكثروا المكياج حتى لا تختفي الملامح الأصلية.

اللي أسغربله وما أفهمه ولا أستطيع أستوعبه.. ليه كثير من الرجال بعد ما يشوفوا بنتين ثلاثة ويترفض <<< لاحظوا مو يرفض تجيله عقده وتتقفل الدنيا بوجهه ويخاف يخطب مرة رابعة خوفا من الرفض.. مع أن البنات بشوفها 5 و 8 وما عندها مانه تطلع كمان وترفض وتنرفض.. مع أن شخصيات هذه النوعية من الرجال تكون ناجحة في عملها ويشغل مناصب عالية.. ليه برايكم ؟

أتمنى أن أكون استطعت توصيل المقصد من مداخلتي بصورة صحيحة.. واللي ما فهم أحاول أترجم.

__________________

من وثق بالله أغناه

ومن توكل على الله كفاه

[CENTER]______________________________

كرروا معي يا بنات


أنا لؤلؤة.. داخل محارة.. في بحر عميق.. لن يكتشفها !!..

إلا غواص ماهر

[CENTER]قال علي بن أبي طالب للأشعث بن قيس:

إن صبرت جرى عليك القدر وأنت مأجور ، وإن جزعت جرى عليك القدر وأنت مأزور[/CENTER]

[/CENTER]