طبعاً أنا ألي اعرفه عندنا بالسعوديه البنت المخطوبه وجالسه في بيت اهلها ابوها الي يصرف عليها خطيبها يعطيها هدايا ألا اذا كانت محتاجه وطلبت منه .
أنا معاك حبيبي هذي جالسة تتبهلل عليك وجالسين يختبروك يشوفو انتا كيف في الفلوس ولا لك منها شي ولا تعطيها اي حاجة ، قولها من عادتنا احنا انه ماتعطي المخطوبة فلوس . او لا ترد عليها ... يعني اقصد لمن ارسلت لك الرسالة ماكنت ترد عليها كنت تخليها تحوم . ولا تدخل في اي شي في العيد .... ترا الحريم يعرفوا يزبطوا نفسهم بنفسهم ....
بس اللهم جيب هديه لها او هدية للبيت ( يعني جيب باقة زهور ) وخلاص .
وخليك عادي . من كلامك استغربت ياخي
( صرت أنا اتضايق لما اشوفها متضايقه ) ليش تضايق انتا لمن تشوفها تضايق هيا ... انتو لسع على بر الامان وبعدين على ايش تضايق لسع ما حصل لنا شي .... الامر التاني قولها ايش لنا والبنات .. ايش دخلنا ودخل البنات كل وحده ولها رزقها ......
الشغلة التالتة وهذا اللي اخشاه انو هذي قصة مفبركة ممكن والله اعلم تكون الهرجة من امها تعلمها قولي له وسوي كده والله اعلم فانتبه ....
نصيحتي لك ... كلما دخلت البنت في مشكلة اخرج منها بمزحة بمعنى لا تدخل معاها في جدل اطلاقا ... ليش ماتدخل معاها في جدل .... لان الحريم في الاغلب يبغو يشوفو ويختبروا الرجال وكيف شخصيتو فانتا انتبه .... وخليك دائما عادي ..... يعني مثلا :
اوريك هذي الجملة اللي كتبتها :
صرت أنا اتضايق لما اشوفها متضايقه وكلمتها البارحه وقلت لها لي متضايقه الموضوع ما يسوى وبعدها انهيت الاتصال وارسلت لها رساله اقولها ترى الموضوع ما يسوى كلها بدله اذا ما حصلتيها اليوم بتحصلين بكره وترى أنا مشتاق لك أبيك تحسين في شوقي ولهفتي عليك وابي اكلمك حرام أيامنا تمر على كذا أمور وترى أنا زوجك ولي حق عليك
المفروض ماتكلمها ولا ترسل لها رسالة تسيبها وتطنشها ... ولا تقوله لها الكلام هذا ...( بدله اذا ما حصلتيها اليوم بتحصلين بكره ) لانه بكرة النهار لمن تخش عليها حتعيرك وتقول لك موش انتا قلت لي اللي ماحصلتيه اليوم تحصليه بكرة ... فهذي تحسب عليك ....
وترى أنا مشتاق لك أبيك تحسين في شوقي ولهفتي عليك وابي اكلمك حرام أيامنا تمر على كذا أمور وترى أنا زوجك ولي حق عليك ....
ماكان تقول لها هذا الكلام ؟؟؟ كنت تقول لها يالله خير ربنا يسهل الامور يالله نشوفك على خير وتقفل السماعة
ولا تقول لها انا مشتاق وانا زوجك ولي علي حق لانها هيا عارفة انك انتا زوجها مايحتاج ..... فكيف انتا مشتاق من اول الملكة لا بد انك تكون شوية متزن بالكلام عشان هيا ماتقول عليك اشبها هذا كده ملهوف عليا وسبحان الله المراة كلما كنت تقيل عزتك وقربت منك والعكس صحيح
المهم مابي اطول عليك بالكلام وله كنت ابغى اوريك اساليب هيا تحبك اكثر وتخرج من المازق اللي هيا تسويه لك
وكلمتي الأخيرة انتبه ياخي انتبه انتبه ......... ودائما خليك عايدي لا وتقول لك حسيت بالنقص عارف تاني مرة لمن تقول لك حسيت بالنقص ... قولها كم يعني نقصتي لووووووووووووول اقصد الوزن خليها مزحة ؟؟؟ وربنا يوفقك
الولهان