يمكن متزوجين حديث او ما تطلعون السوق مع بعض كثير بس مع الوقت يبدا يتعود على ذوقك ويبدا يختار الحاجات اللي على ذوقك سبحان الله ماعندك فكرة كيف الزوج يتأثر بزوجته ويتطبع بذوقها وعاداتها..

حاليا بصراحه مالك الا تصرفينه بس اهم شي لا تجرحين مشاعره واصحك تشترين شي ماقتنعتي فيه مجامله له لانه بكذا رح تستمرون كذا كثيير وكل مرة تجاملين وتاخذين على ذوقه ويجي ساعات يشتري لك اشياء على اساس انه فاهم ذوقك وانتي تخدعينه..

كل مايختار قطعه ما عجبتك قولي لا مو حلوة واشرحي له ليش قولي مثلا ماتعجبني هالالوان مع بعض .. ماحب البناطيل الواسعه.. مو حلوة قصة البلوزة اللي كذا.. هالبدلة مو فخمه.. تحس هاللبس مبهذل شوي..

لا تملين عادي تحملي لانه مع الوقت يبدا يفهم على ذوقك من نفسه كانك تدربينه فهمتي..

بكرا يصير يروح السوق ويعرف انتي وش تبين حتى لو ما كنتي معه ويشتري لك هدايا يطير عقلك منها لانه فاهم ذوقك..

ولا تنسين لما تشوفين شي بالتلفزيون او بالمجله صور ملابس مكياج اي شي تعلقون عليها وتحاولين تشوفين وش رايه فيها وهو يعرف وش رايك فيها واذا نزلت حركات جديده تقولين له عنها وتسولفين معه عن هالخرابيط ..

انا عن نفسي تعجبني الزوجه اللي تدخل زوجها بكل شي يخصها ويصير يعرف وش الجديد وهي وش تحب ووش يعجبها لويشتري لها هديه او يسوي لها مفاجأة يكون فاهم هي وش تحب وكيف تحبه..

لا تقولين زوجي مايحب هالسوالف وماله خلقي انتي كل مرة تسولفين معاه سولفي معاه عالاشياء اللي يحبها واذا صار مناسبه دخلي السوالف عن اللبس اللي يعجبك والموضه والمكياج واحلى قصات شعر والصبغات اللي تعجبك وهكذا..